¹ Paulu, muApostoli wa Jesusi Kristusi kupitera mumahimeno ghaNyambi , kukutha kumatoyedhero ghomoyo mwaJesusi Kristusi, ² Kwa Timoteghusi , mwana ghomuhakwa:neke ,thineke, no thiraro thokwaNyambi wihe na Jesusi Kristusi fumu wetu. ³ Ame nakutumera Nyambi, oyu narughanena kutunda kwawa tukuru wange, no mahimeno mwene, yira dyodi nakukona nakukona kumuvurukanga kehe pano mumandaperoghange ghuthiku no mutenya. ⁴ Yira dyodi nakuvurukanga maruhodhi ghenu. Naruru kumumona , eshi niyare noyishamberera. ⁵ Ame hanivurukitha yomatwero mwene ghoye, agha ghatangire kukara mwawa nyakudyoye Lois no mwa nyoko Eunice, no yina nitawitha eshi mumoye shime namo muyumi. ⁶ Eyi yoyina kuniningitha eshi, nikuvurukithe ghupinduthe yitapera yoye yokwaNyambi eyi yidi mumoye kupitera muyikambeka yonyara. ⁷ Nyambi mbadi ghatupa mupepo ghokwomapa(woma), ene ghomangcamu no ruhakitho no ghukaro mwene. ⁸ Podigho eshi wafa honyi mukushupa yo kwaNyambi, mbadi yange, Paulu, mukanotwa wendi, ngo yira hakutapere yinyanda yo mbudhi dhodhiwa kukutha kumangcamu ghaNyambi. ⁹ Nyambi yoghatukomonona no kutwita no methero ghokupongoka. ghayitendire kemo, eshi ghakuthe ghuwa ghoyitenda yetu, ene kukutha makurando ghendi no thineke. Ghatupire yinu yi mwa Jesusi Kristusi kare kughutho ghokatanga ruvedhe. ¹⁰ Ene panomakomweneno gho mwaNyambi hagha tuhokwera pa mwiyero wa mushuturi wetu Jesusi Krisrusi. No Kristusi yo ghahurithire yifa no gha retire moyo ghokuroruheya kuthishe kupitera mu mbudhi dhodhiwa. ¹¹ Pamurandu ghoyi, ame hanineyire nikare no nduna , muAppstoli, nomitiri(muhongi). ¹² Pamurandu ghothirughana thi, ame name kwanayinyandere yinunyi. ene mbadi nakuyifa honyi, yoyi nadimuka oyu natawire. Ame yina nitawitha eshi aye shime kukona kughunga ghunga eyi hamukurupera eshi ghate kate mbodikumemo diyuwa. ¹³ Ghunga ghunge thitamenedhi mwene tho manando ghokuyuveka agha munayuvanga kukwange, ghomumatawero no muruhakitho eyi yakara mwa Jesusi Kristusi. ¹⁴ Thinu thothiwa ethi ghakupa Nyambi, thikunge kupitereramwa mupepo ghokupongoka, oyu ghakara mumwetu. ¹⁵ Mwayidimuka yi, wahe wa hatunga muAsia haniyakunuka , mumbunda dhi ne mohadi ha Phigelus na Hermogenes. ¹⁶ Ninge Nyambi ghatape thineke kwawakadhiko (maghumbo) gha Onesiphorus, aye kehepano kunitenda thipya no ame mbadi wakufa honyi pamurandu ghomenge ghange. ¹⁷ Ene, apa ghakarire muRoma , ghani shana shanine shemwa, kate kuniwana. ¹⁸ Ninge fumu gha mupe no ghawane thineke thokukwendi mudiyuwa dyo. muyoyiheya eyi ghanighamwenethire mu Efesus, eyi wadimuka thiwana.