1
Eyi ya karireko pakutanga-eyi twayuva, eyi twamona nomeho ghetu, eyi twa kengire noyi twakatire nomoko ghetu-kuhatera kunando dhomoyo.
2
Noghuparo oghu ha tu dimukithire, gho twa ghumona, notwashupi kukwagho. Gho tuna kuyuvitha kukwenu moyo ghororuheya, oghu wakarire kwaWihe, noghuwapwa kudimukitha kukwetu.
3
Eyi twa monine no kuyuva yo tuna kuyuvitha karo kukwenu, podigho eshi namwe mawa kukare mumakupakerero ghetu. Makupakerero ghetu ne pofotji naWihe munyima naMwana, Jesusi Kristusi.
4
Ene, kuna kumutjangera yinu yi podigho eshi eshi yishamberera yetu ne yikumenenemo.
5
Edhi ne dhombudhi twa yuvire kukwendi no tuna kudhiyuvitha kukwenu: Nyambi ne munyenge, mumwendi ne mwapira dikokore.
6
Ngeshi ha tuningi eshi twa kupakerera nendi ene kokuyenda karo mudikokore ne kotuna kukwangera no mbadi tuna kutenda ghushemwa.
7
Ene, ngeshi ha tuyendi mumunyenge dyodi ghakara ye munyenge, tudi mumakupakerero na kehe yuno, nomanyinga ghaJesusi ghomwanendi ghana tukushura kukehe maharwero.
8
Ngeshi ha tughamba eshi twapira maharwero, tuna kukwangera twathinda, no ghushemwa ne mbadimo mumwetu.
9
Ene ngeshi ha tutongonona maharwero ghetu, ayene mutawedhi nomuhungami mukutu thiyerera maharwero ghetu no kutukushukitha kughuyi ghoghuhe.
10
Ngeshi ha tuningi eshi mbadi twa harura, twa kumutenda ye shi muka mbango, nonando dhendi ne mbadimo mumwetu.