¹ Apano swe yano tuli namaka tulingine ukunyamula upotwe wa yano yasi na maka, swinya tutati twayisechelesya swenga. ² Tuleke swensi muli sweswe ukumusechelesya umupalamani wakwe ali achino ichisuma, umwakuti amupa amaka. ³ Apakuti nawenye Kilisitu atayisechelesyanga wenga muno ngati chili, ngati amuno chawalikwe, ''Intasi zinu yawatukanga zyawilile pali nene.'' ⁴ Kuli chonsi chino chawalikwa kali chawalikwe apakusambilizya mu myiti ya kutontela na swinya ukutupitila mukutuzivya mu ma waliko kuno tungaya nisuwilo. ⁵ Apano leka Leza uwakutontelela nuwa kujinoya awapele mwemwe awapele amelanganyo ali yonga ukuyanana umunt wino nu muze ngati muno a Kilisitu Yesu. ⁶ Mupini awombe vikwene umwakui namelenganyo wonga mungamutumpula nu mulomo wonga Leza nupya tata wakwe mwene Yesu Kilisitu. ⁷ Apano mupochelelane wenga na muze, ngati muno Yesu Kilisitu wawapochela mwemwe, nu wuchindame wakwe Leza. ⁸ Pano inkuvwanga Kilisitu wino wapanzile umuwonvi apa ku zumbulwa ukulingana nu muchinsika chakwe Leza, umwakuti tusimichizye amalayano yano yapelwa kuli yakuku. ⁹ Nupya nayamitundu apakumutumpula Leza muwila wakwe. Ngati amuno chawalikwa, ''apano indamuchindika weliwe kuya mitundu nupya nukwimbila nu kukwenzya izina lyakwe.'' ¹⁰ Swinya likuti, '' sechelanji, mweyamitundu, na yantu yakwe.'' ¹¹ Nekupya swinya, '' muchindikanji mwene, mwensi mweyamitundu; leka antu wonsi yamuchindika weliwe.'' ¹² Nakupya, Yesaya akuti, ''umusisi wakwe Jesi uliza, wino alakatuka nukulamulila amitundu; muli weliwe amitundu yalaya ni suwilo.'' ¹³ Apano nomba Leza wisuwilo awazuzye mwensi ni nsansa nu mutende nu kusuwila, umwa kuti namaka ya mupasi nukwikala mwisuwilo. ¹⁴ Nene nenga nkwikutisiwa na mwemwe, mwe yanji. Nani kwene nene nkwi kutisiwa ukuti na mwemwe mwenga muzuzile nivisuma, nukuzuziwa nuwumayi wonsi.inkwikutisiwa pakuti muno namwe kwene mungasambilizyanya wino nu muze. ¹⁵ Kwene ni kulemba nichikanga mwemwe ukuyana na vimwi ivintu kuno ningawakumbusya mwemwe nakupya, umusango wa wila wuno wapelwa muli nene na Leza. ¹⁶ Ichawila chino kuno inje ne muwonvi wakwe Kilisitu Yesu wantuma ukuya mitundu, ukwipeleka ukuya ngati a Simapepo umwizwi lyakwe Leza, ukuti ichawila ichayamitundu chingaya ichakuzumilizya, ukuseziwa numupasi utiswe. ¹⁷ Muli Kilisitu Yesu indi nichifukwa ichakuyitunvizya umuntchito yane kuli Leza. ¹⁸ Apano intalisakamana apakuvwanga chili chonsi kano chino Kilisitu amalizizye ukupitila munli nene ukuti yawuvwila amitundu vino ali vntu vikuwombwa umwizwi nu michitile, ¹⁹ Umumaka ayavilolesyo ni vyakuzungusya,nupya nu mumaka ayamupasi. Chino chalinji vikwene ukufuma ku Yelusalem nukuzingulika nukuyafika ku Elelikamu, ali kuno ningasenda nukutwala izwi lyakwe Kilisitu. ²⁰ Muli vino, ukulonda kwane ukwakuwizya izwi, asikulya kuno Kilisitu wamanyikwa izina, umwakuti ntakize inzenge ulufula ulwa muntu muze. ²¹ Chili ngati amuno chawalikwa: ''yalya yano yatilinji ni chakuvwanga chakwe weliwe yizile nu kumulola weliwe, kuli yalya yano yatuvwile yaluvwa.'' ²² Achino nali ne wakukaniziwa insita invule ukwiza kuli mwemwe. ²³ Achino nomba, insi namasho nanti yamwi ku misumba yinu, nupya nalondanga ukwiza kuli mwemwe imiaka iyinji. ²⁴ Indi nisuwilo apakuwalola mwemwe ndi inkuputusyanya kukokwene umuwulendo wane uwakuya ku Sipeni, nukuti mwize mungavwe apawulendo wane kuko kwene, pano niza nasechelela ukuya ponga namwemwe kuli kasita munono, ²⁵ Kweni nomba nkuya ku Jelusalemu, apakuyawawombela atele yakwe Lea. ²⁶ Muno chali ichisuma ukuya ku Masodiniya nu ku Achanya ukuya panga imisamngulo ku wantu apina umukasi mu yantu atele yakwe Lea yano yali umu Yelusalemu. ²⁷ Umolimo, chali ichisuma chawo , apano yawakongolesizye wioliwo. Alino amitundu yankana ivintu ivyamumipasi, yakongola ukuwa Yuda ukuti yawawombele woliwo ivintu vyawo. ²⁸ Achinono, ndimalizya umulimo wuno nupya nayika ichimasyo ichakomwa muli woliwo indaya uku Sipeni nukuwatandilila mwemwe munzila. ²⁹ Nkumanya ukuti ndi niza niza kuli mwemwe indiza umwakukwana umuwulote wakwe Kilisitu. ³⁰ Nomba inkuwalanga, mwe yanji, muli mwene Yesu Kilisitu, na nulukundo lwa mupasi, kuno mwalwisya ponga na nene mumapepo yinu kuli Leza kunene. ³¹ Ali chino mwapepela nene nitawuke kuli yalya yano yatakuvwila umu Yudeya, ni miwombele yane umu Yelusalemu yiye iyakuzumilizwa na antu atele yakwe Leza. ³² Mwapepela kuno nize nize kuli mwemwe ni nsansa ukupitila umukulonda kwakwe Leza, nukuti inje ponga na mwemwe, inzane ukupuza. ³³ Alino Leza wa mutende aye namwe mwensi. Ameni.