¹ Yesu wapyanile mu Sinagogi, nga mulyakwene mwali umunthu umunyale ikasa. ² Aanthu yamwi yamulolechesyanga yesu apapipi ukuti yalole nanthi angamupozga pa wanda wa mulungu ukuti yamupe umulandu. ³ Yesu wavwanzile ku monsi uwikasa ilinyale, '' katuka yimilila pano pano pakasi piwumba .'' ⁴ Lyene watili kuwanthu, ''wuzge ukuluvyanya ukuwomba uwusuma pa wanda wa mulungu, pamwi ukuwomba uwuyi; ukusunga uwumi pamwi ukukoma?'' Kwene yamyalile. ⁵ Walolechizge ku wanthu nichipyu, ngawasosile nukukoma kwa myenzo yawo, nga ati ku munthu wilya, wolola ikasa lyako,'' Wolwile ikasa, nga nikasalyawelile. ⁶ Ayafaliseyi yafumile kunzi, nanthi ukuzima yatandike ukuvwana Inzila nama Heloniya muno yangamukomera . ⁷ Lyene Yesu, nayakasambilila yakwe , yayile kuli yemba , niwumba lya wanthu ilikulu lyakonsile ukufuma ku Galileya nayakufuma ku Yudeya ⁸ nukufuma ku Yelusalemu nukufuma ku Idumiya ni mbalama yaku yolodani nu mutaya numu Sidoni, Lino yuvwa pa vinthu vino wawombanga, iwumba ilikuli lizile kuli weliwe. ⁹ Wanenyile yakasambilila yakwe ukumupekanyizizga u wato wunono umulandu wiwumba , ukuti litize lya mutitichizga. ¹⁰ Pakuti wa pozizge ayinji, nukuti wensi wino wali ninthazi wizanga nichikanga kuli weliwe kuti ya mukumye. ¹¹ Lyonsi lino imizimu iyiype yamulola , yaponanga pansi pali weliwe nu kulila , ayiti, ''We mwana wakwe leza ¹² .''Wachinyinthizge namaka ukuti yataleka amanyikwe. ¹³ Wayile papela pa mwamba, nga wamile yano walondanga , nga yizile kuli weliwe. ¹⁴ Wasozile ikumi na yayili(12) nukuwama ukuti Ayapositoli ukuti yaya nawe nukuti limwi angawatuma ukuya kosola izwi; ¹⁵ Nukuti yaye namaka yakufumizga imipasi iyiype. ¹⁶ Wasozile ikumi nayayili(12) Simoni, wino wamupile izina lyakwe Peteli.; ¹⁷ Yakobe mwana Zebediya, na Yohani umuto wakwe Ykobo wino wamupile izina Boyanengesi, alikuti, ana yamukokomo; ¹⁸ Na Andeleya, Filipu, Batolomeya, Mateyo, Tomasi, Yakobe mwana Alufeyo, Dadeyo, Simoni wa Zealot. ¹⁹ na Yudasi isikaliyiti, wino alamupanjila akafichi. ²⁰ Lyeni wayile kumuzi, nga iwumba lyakongine nupya, nukuti yatali nukuti yangalya ichibama. ²¹ Lino ayalupwa lwakwe yuvwa vyakwe chii, yayile ukuyamulema, pano yatinji, ''wapena,'' ²² Yakawalika yano ya fumilile ku Jelusalemu yatili, ''watalemwa na Beelzebul'' Nupya'' nukulamulilwa ni mphepo injipe. ²³ Yesu wawamile kuli weliwe nga wa vwanjile muvwilii , ''uzge chiwa anga sisya chiwa ? ²⁴ Ndinsi yapawunkhana yonga , Insi yilya itange iyimilile. ²⁵ Ndi ng'anda yapawunkhana yonga ing'anda yiyo itanga iyimilile. ²⁶ Ndiwaleka chiwa wayikatuchila umwenecho, nukupawunkhana atanga ayimilile; nkandi lino waya ku mpelo. ²⁷ Kweni kusi nawumwiuwakwinjila mu ng'anda ya munthu wa maka nu kwiya iviya nanthi ukunyepa umunthu wamaka wiwi, nga alino awonone ing'anda yakwe. ²⁸ Ichakusimichila nkuwanena, uluyembu lonsi ulwa yana yawanthu: Lulatetelwa, ni nthunsi kwene zyonsi zino yakafumya, ²⁹ Kwene wensi wino akutukana ku mzimu wutiswe atalatela aye nulutetelo, nkhandilino waya nu mulandu uwa kuluvyanya uwa munthasila. ³⁰ Yesu wavwanzile vikwene umulandu wakuti yatengi '' Ali numupasi uwuyipe.'' ³¹ Alino nyina na yato yakwe yizire nu kwimilila panzi. Yatumile kuli weliwe kuno akulondwa. ³² Iwumba lyatenzi lyamuzingulwike apano ayati kuli weliwe, ''Nyoko na yato yako yalapanzi, nukuti yakukulonda.'' ³³ Wawaswike, '' Ayaweni ya mayo nayato yane ?'' ³⁴ Walwenzilekuli yano yatenzi yamuzungulwike nga watili, '' pano pali mayo na ato yane! ³⁵ Pano wensi wino akuwomba ukulonda kwakwe leza, munthu wilya umuto wane, Nupya inkhazi yane, Na mayo.