¹ Yalile yiza ukuyelusalemu, yali papipi pa Betifage nuku Betaniya kumwamba wa Oliva, Yesu watumile ayalondezi yakwe yayli . ² Watile kuliwoliwo, '' pitini ku muzi wuno tupalamine nawo. Pano mukuyayinjilanga sile, mukuyazana umwana wa mphunda wino yatakwelapo. mukamusapule nukumuleta kuli nene . ³ Ndingapangazanwa wino angawanena ukuti, '' ichani chino mwachita chi?'' mukati, ''Imfumu yikumulonda imamuwezga nakupya likwene.'' ⁴ Yayile yazana umwana wa mphunda anyefwile papipi ni nzila, Apano yamusapwile. ⁵ Aanthu yamwi yano yimilile palyakwene yatile, '' Mukuchita chani , pakusapula umwana wa mphunda wiyo ?'' ⁶ Yawaswike ukuyana na muno Yesu wawanenile, walekini yapite munzila yawo. ⁷ Yalesile umwana wamphunda kuli Yesu yasumbilanga ivivwalo vyawo p nsizi yakwe , apano Yesu wakwezilepo. ⁸ Aanthu ayinji yanzile amakoti mumisewu , yamwi nawo yanzile ivimphuza vino yapuzwile muvivwati. ⁹ Aanthu yano yakolezile na yano yizanga ichisila yapundanga , Hosana ! umupwepe wino akwiza umwizina lyakwe mwene. ¹⁰ Umupwepe uwufumu wuno wukwiza wakwetata witu Deveti! Hosana '' umuchindamisye!'' ¹¹ Yesu walile winjila mu Yelusalemu nukuyayinjila umung'anda yakwe Leza nu nukulochesya pali vyonsi . Kwene pakuti insita yali ukuti yipisile mphiti, wizile aya uku Betaniya apali pamwi na yalondezi ikumi na yayili(12). ¹² Ku mutondo wakwe pano yafumanga umu Beteniya , Yesu wali ni nzala . ¹³ Waweni umuti uwa mukuyu apatali wuno wakweti amafwa , wayile ukuti akalole nanthi angazanamo ichikomwa , Walile wafika , atazanyilemo nanthichimwi nkhandi amafwa, amuno itali insita yavikomwa,. ¹⁴ Yesu watile ku mukuyu ,''kutalaya nupya uwakulya ichikomwa ukufuma kuli wewe .'' Nayalondezi yakwe yuvwile . ¹⁵ Yizile uku Yelusalemu, nga winjile mung'anda yakwe leza . Watalike ukuwazinga yakakazga na yakakala wapenwile amatewulo yakwe yakachinja yamakopala vivilimba vyakwe ya kakazga ya nkhunda. ¹⁶ Atazumilizizge umunyhu nanthi wumwi ukutiakazga mng'anda yakwe leza. ¹⁷ Wawasambilizizge watile, ''vitawalikwa, ukuti ing'anda yamapepo yansi yonsi? ' kweni mwayisenda ukuti yaya ing'anda yayivi(ayapupu). '' ¹⁸ Yasimapepo ayakalamba nayakawalika yuvwile vino watasile, yalonzile inzila yino yangamukomela . Kweni yamutinanga amuno iwumba lya yanthu lyazungwike nukusambilizga kwakwe. ¹⁹ Yalile yafika insita ya manguzi yizile yafuma mumusumba . ²⁰ Insita yakatondo pano pano yapitanga , yaweni umuti wamukuyu wumile nimisisi yakwe kwene. ²¹ Peteli wizwike nukupya watile, ''Rabi, lola! Umuti wa mukuyu wuno mwawutifile wumule.'' ²² Yesu wawaswike, ''mwaya ni suwilo muli leza. ²³ Ichumi nkhuvwanga kuli mwemwe ukuti nanthi wumwi angavwanga chi ku mwamba;'' katuka ukayiponyezge muli yemba 'nukuti utati uye uwakunthasuwila mumwenzo wako kwene uye uwa kuchisuwila nukuti chino akuvwanga chilachitwa, achino Leza alachita. ²⁴ Nomba nkhuwanena : Pali chonsi chino mukapepela nukulenga , musuwile ukuti chapochelelwa nukuti chilaya ichinu . ²⁵ Nanthi mwimilila nukupepa , mwaya mweyakutetela umunthu wino muli na kafichi nawe , nukuti tata winu uwamwiyulu alawatetela uwononyi winu.'' ²⁶ Kwene nanthi musikuwatetela , na tata winu uwa mwiyulu atala watetela uwononyi winu . ²⁷ Yswilile uku Yelusalemu. Pano Yesu winjilanga mng'anda yakwe leza, yasimapep[o akalamba nayakawalika yizile ukwakwe . ²⁸ Yatile kuliweliwe , ''Wuzge amakachi yano ukachitila ivinthu vino, nukuti aweni wakupa amaka aya kuchitila ivinthu vino?'' ²⁹ Yesu watile kuliwoliwo, ''Nimawakolowozga iwuzgo lyonga. Nenini nani nimawanena akumakachi kuno nkhawomnvya ivinthu vino. ³⁰ Wuzge amaka yakwe Yohanikawatizga , yafumile ukwiyulu nanthi yafumile ukuyanthu ? Njasukini. ³¹ Yavwanzyanyanga nukukanzinkhana nukuti , '' nditwati, 'yafumile kwiyulu', amati, '' ichani chino mutasuwile?'' ³² Kweni nditwati, 'yafumile kuwanthu ,'..... Yatinanga aanthu, amuno wensi wakweti ichisinkha ukuti Yohaniwalinji inchimi. ³³ Apano yamwaswike Yesu ukuti, '''Tutamanyile.'' Yesu watile kuwoliwo, nani nthamawanena kuno amaka ayakuchitila ivinthu vino yakafuma.''