^{1 2} Lino kwapita imyaka ikumi lyonga nayisano nayile kapya mu Yelusalemu na Banabasi, ukumusenda Tayitasi ponga nanene. Nayile numulandu wakuti napochelile ivumbuzi nganayisile izwi lino nasambilizyanga kuyamitund .Navwanzile nenga kuli yano yalolekanga ayalondwe sana , ukuti indolechesye ukuti nthasya napamwi. ³ Kweni nanthi atayitasi , wino wali nanene wino walinji umugiliki, wapatichizwe ukulembululwa. ⁴ Ayanji yano tutali ponga yizile mukuvwama pakulola uwusapuke wuno tuli nawo muli Khilisitu Yesu. Yalondanga ukuti tuye swe yazga , ⁵ kweni tutazanyilepo nachimwi pakuyitwala kuli woliwo pali kasita munono , ukuti uwumolimo wizwi lyakwe Leza wuye namwemwe. ⁶ Kweni yano yalolekanga ukuti ayalondwe sana ( monsi muno yakayele chisinachimwi kuli nene, Leza asilanjizga ukeiyisya) -aliyano, nkhuti, yalolekanga ayalondwe yatonjelezganga nachimwi kuli nene. ⁷ Mukususyana , yaweni ukuti nasuwilwa nizwi lyakwe Leza kuli yano yalembululwa, ngati muno Peteli wasuwilwe nizwi lyakwe Leza kuli yano yalembululwa. ⁸ Kuli Leza, wino wawombanga na Peteli ku ntchito zgayapositoli kuli yano yalembululwa, wawombanga nupya nanene kuyamitundu. ⁹ Lino Yakobe , Sefasi, na Yohani yano yali nululumbi ngati ayasuwalilwe, yamanyile inkumbu zino wamphile, yapile ikasa lyakwe ndilo ilyamapepo kuli Banabas nakuli nene. Yazumilizgine ukuti tuye kuyamitundu nukuya kuya putulwe. ¹⁰ Yalenzile sile chonga ukuti twawizuka ayalanda , chino achino nalondanga ukuti mbombe. ¹¹ Kweni lino Sefasi wiza ku Antiyoki, namususizge paminso yakwe umulandu walinji pawoyo uwuyipe. ¹² Lino ayanthu yamwi yatani yize ukufuma kuli Yakobe, Sefasi walyanga nayamitundu .Kweni lino ayanthu ya yiza , walesile nukuyitantamya kuyamitundu. Watinanga yano yalondanga ukuti yalembululwe. ^{13 14} Nawonsi ayuda yinjile mukuyiyikapo. Na Banabasi nawe yamuponzizge nukuyiyikamo kwawo. Kweni lino nalola imiyele yawo ukuti yitakunkhonkha umolimo wa mazwi yakwe Leza, natile kuli Sefasi pankholelo pali woliwo, '' Nanthi we muyuda kweni ukwikala ngati wewamitundu nukwikala ngati nsayayuda, ungawapatichizga wuli ayamitundu ukwikala ngati ayayuda?'' ^{15 16} Swemo swe Yayuda mumphwapa yano sayamitundu yaluyembu; kweni tumanyile ukuti pasi nawumwi wino wasuwalilwa nintchito zga malamulo kweni ukupitila mulusuwilo lwakwe Khilisitu Yesu ukuti tusuwalilwe nulusuwilo muli Khilisitu luno sulwantchito yamalamulo. Pano muntchito yamalamulo umwili nawumwi wuno wilizumilwa. ^{17 18 19} Kweni, pano tukulonda ukuti tuzumilwe muli Khilisitu, naswe twazanike ukuti sweyaluyembu, wuzgw Khilisitu akakwezga uluyembu? Awe! Pano nanthi ningazenga vilya vino nonwine, nkhuyimanya ukuti nemononyi. Pano ukupitila mwilamulo nafwile mwilamulo, ukuti nikale muli Leza. ²⁰ Napamanthilwe na Khilisitu. Sanene nupya uwawumi, kweni Khilisitu akayikala muli nene. Uwumi wuno nomba nkhwikala kumwili nkhwikala nulusuwilo mumwana wakwe Leza, wino wankhunzile ngawayipile weliwe kuli nene . ²¹ Nthakuyika kumbali unkhumbu yakwe Leza , nanthi uwusuma wamuli Leza wukapochelelwa mwilamulo, lino Khilisitu atafwilile nachimwi !