¹ Sauli wali muluvwano pavyawufwe wakwe. Alino kwatalike pa wanda wulya umusamu kung'anda zga mapepo zino zgali mu Jelusalemu ; nganayano yasuwile yasasile muvigawo vyonsi ivya mu Yudeya na musamaliya, ukupawula aya Positoli. ² Awonsi yano yayipile yamuzisile Sitefano nukumulila ukukulu. ³ Kweni Sauli wezizge ukonona ing'anda yamapepo. Winjilanga ing'andaning'anda, ukufumyamo awonsi nayanachi, nukuwayika mung'anda yaminyololo. ⁴ Pano ayasuwile yano yasalangine yapitilizizge ukutanda izwi. ⁵ Philipu walile kumusumba wakwe Samaliya nukuvwanga kuliwoliwo vyakwe Khilisitu. ⁶ Iwumba lya yanthu yuvwichisyanga vino vyavwangangwa na Filipu; namano wonga yamuvwile, ngayaweni ivimanyisyo vino wawonvile. ⁷ Imipasi injipe yafumile muli yano yalemilwe , ukulila umwakupunda , nganayinji yano yali nichite nayalemale yapozile. ⁸ Apano kwali ulusechelo ulukalamba mumusumba. ⁹ Kweni kwali umonsi wumwi mumusumba wino wamwanga ukuti Simon , wino kali wachitanga ivinjelengwe ; Wayelile ukuzungusya ayanthu yamu Samaliya pano wayitunnvyanga ukuti umunthu wakulondwa . ¹⁰ Amasalitani wonsi , ukufuma kuyanono mphaka kuyakalamba , yamuvwichisyanga, ; yatili, '' Umunthu wii amaka yakwe Leza yano watili ayakalamba .'' ¹¹ Yamuvwichisyanga umulandu wawazunguzisye kunsita iyitali nivwakuzungusya vwawo. ¹² Kweni lino yamusuwalila Leza pano watandanga izwi ilyawumwene wakwe Leza ni zina lyakwe Yesu Khilisitu, yawatizwe, awonsi nayanachi. ¹³ Na Simoni kweni wasuwile, ukufuma papo lino wawatizwa wikalanga na Filipu papokwene. Lino walila ivimanyisyo nivwakuwomba ivisuma vikuwombwa, wazungwike. ¹⁴ Nomba lino aya Positole mu Jelusalemu yuvwa ukuti Samaliya wapochelela izwi lyakwe Leza , yamutumile Peteli na Yohane. ¹⁵ Lino yika , yawapepile , ukutin yangapochelela umupasi umutisye. ¹⁶ Mphaka pansita yilya , umupasi umutiswe walinji wutani wize pali woliwo ; yawatizizwe umwizina lyakwe Leza Yesu . ¹⁷ Apano Peteli na Yohani yayikanga amakasa pali woliwo , ngapano yapochelile umupasi umutiswe. ¹⁸ Nomba lino Simoni walola ukuti umupasi umutiswe wapelwa ukupitila pakuyika amakasa pali woliwo amakasa yakwe yamapositoli, wawapile imphiya . ¹⁹ Watili,'' Mphini nani amaka, ukuti wensi wino yamuyika amakasa pali woliwo yangapochelela umupasi umutiswe.'' ²⁰ Kweni Peteli watile kuliweliwe ,'' Lekini ikopala lichule ponga nawe, umulandu mwelenganya ukuzana ichawupe chakwe Leza nimphiya. ²¹ Musi nimbali nangu ichakuti mungasenda pali chi, umulandu imyenzo yinu yisi nuwumolimo na Leza . ²² Achino piliwuka kuwuyipe wako wu, nukuti upepe kuli Mwene, ukuti pamwi angakukutetela pa vyakulonda vya myenzo wako. ²³ Pakuti nalola ukuti uli muvinkholwa ivillule na muwunyepwe lwa luwembu.'' ²⁴ Simoni waswike nukuti , ''Mphepela kuli Leza, umwakuti chino wewavwanga chitandolechela .'' ²⁵ Lino yasimichizya nukuvwanga izwi lya Mwene , Peteli na Yohane yaweliwe ku Yelusalemu , ukutanda izwi lisuma kumizi ivule yakwe Samaliya . ²⁷ Nomba umungeli wakwe Leza wavwanzile kuli Filipu nukuti , ''Katuka uye ukwisika kumusewu wuno wukuya ukwisika wukufuma ku Jelusalemu ukuya ku Gaza.'' ( Umusewu wu wuli mumapoli.) ²⁶ Wakatwike nukuya . Lola , palinji umonsi ukufuma ku Isopiya , inkhombe iyansambu izikulu pansi pali Kandasi, mwene umwanachi uwa ma Isopiya . Awino walolechesyanga ivyuma vyakwe vyonsi . Wizile ku Yelusalemu pa kupepa . ²⁸ Wawelelanga nukwikala umwigaleta , nga wawazganga ivya ntchimi Yesaya . ²⁹ Umupasi watili kuli Filipu ,'' Yanga ukikale kupipi kwigaleta .'' ³⁰ Ngapano Filipu wutuchile kuli weliwe , nga wamuvwile ukuwazga ivya ntchimi Yesaya, nga watili, '' Ukuvwichisya vino ukuwazga ?'' ³¹ Alino watili , '' Ninguvwa wuli , kano wumwi ankholelele?'' Wamwamile Filipu ukuti aye umwigileta ukuti ayikale nawe. ³² Nomba vino wawazganga umu Isopiya vwalinji avi, '' Yamuchemile ngati ing'onzi pakuya pakukomwa , nupya ngati akana ka ng'onzi pano kamyalile ukulindilila kapela, nomba atayulanga umulomo wakwe . ³³ Pakwiyisya uwumolimo wafumile pali weliwe. Awe wino angalangasa ningo ivyayaluko yakwe? Muno uwumi wakwe wasenzilwe ukufuma kunsi ya pansi. ³⁴ Apano inkhombe zgamuwuzichisizye Filipu, ngawatile, '' kukulenga , mbuzga intchimichi yikuvwanga weni, weliwe, pamwi pali muze ?'' ³⁵ Filipu watalike pakuvwanga , , pakutalichila nizwi lii watalike ukulumbilila izw lakwe Yesu kuli weliwe . ³⁶ Lino yaya ku musewo, yizile yazana amanzi nga inkhombe yatili,'' Lola, pali amanzi pa . Chino chingalesya ukuti umbatizw?''e ichani ³⁷ . ³⁸ Ngu umu Isopiya watile igeleta lyimilile . Yayile mumanzi, ponga Filipu ninkhombe , nga apano Filipu wamuwatizizge. ³⁹ Lino yafuma mumanzi mulya , umupasi wakwe Leza wizile wamusenda Filipu , nga inkhombe yitamuweni nupya, kweni wapisile nukusechela sana . ⁴⁰ Kweni Filipu wizile walochela ku Azotasi nga wizile waya muchigawa , ukutanda izwi lyakwe Leza kumisumba yonsi mphaka wizile ku Sizaliya.