¹ Nomba mumanda ya, pano imphendwa ya yalondezi yavulanga , ukuyilizganya kea muyuda uwa ku Gilesiyani watalike ukuya kuwa Hebeli, umulandu ayafwile yawo yatapendwanga pakugawa uwovwili. ² Ikumi nayayili yamile ayalondezi ayavule kuliwoliwo nukuti,'' Isichisuma ukuti tupotwe izwi lyakwe Leza ukuti tuvwile amatewulo. ³ Achino musole , yanji , awonsi yasano nayayili ukufuma muli mwemwe , ayanthu yano yali nululumbi ulusuma, ayazule numupasi mutiswe namano, yano tungawapa umulimo wuno. ⁴ Ngati kuli sweswe , tumaya inkholelo namapepo numuntchito ya lizwi.'' ⁵ Umuvwango wawo wasechelesizge iwumba lyonsi. Ngalino yasozile Sitefani, umonsi umuzule nulusuwilo numupasi umutiswe, na Filipu, Pulokolasi, Nikana, Tayimoni, Palamenasi, na Nikolasi, umunthu winoakafuma ku Anthiyoki. ⁶ Ayasuwile yalesile ayanthu ya kuya Positoli, yano yapepanga nukuyika amakasa yawo pali woliwo . ⁷ Nomba izwi lyakwe Leza lyasasile , nimphendwa yayalondezi mu Yelusalemu yavuzile sana , nimphendwa iyikalamba yakwe yakapepa yazumilizizge ku lusuwilo. ⁸ Nomba Sitefani, ukuzula nulukundo namaka , wawomba izyakuzungusya nivimanyisyo kuyanthu. ⁹ Kwizile kwaya nupya ayanthu yamwi yano yalinji ayang'anda iyikalamba iyamapepo yino yamwanga ing'anda yawasapuke , iyawa Siliya na Alekizanda, nayamwi ayakufuma ku Silisiya naku Ezga. Ayanthu ya yakanzinkhananaga na Sitefani. ¹⁰ Kweni yaposilwe ukwimilila ukuyana napamano numupasi umutiswe wuno Sitefani watakanga . ¹¹ Apano yizile yawaweka awonsi yamwi ukuti yavyange , '' Tuvwile Sitefani akuvwanga uwuyi vyakwe Mozesi na Leza .'' ¹² Yizile yawavulanganya ayanthu, ayakalamba , nayakawalika , ayano yayile kuli Sitefani nukumufumya nukumuleta kuwulonzi. ¹³ Yalesile yakamboni aywufi , yano yatili ,'' Umunthu wino atakuleka ukuvwanga amazwi ayamalo yano ayatiswe nuwuteko. ¹⁴ Chino tuvwile ukuti akuti Yesu wino uwamunazaleti alonona amalo yano nukuchinja uwikazi wuno Mozesi watupile.'' ¹⁵ Wensi wino wikazile pawulonzi wuwu walolanga weliwe nukulola paminso pakwe pano palolekanga ngati apaminso pa mungeli.