¹ Nomba , Fesitasi winjikle muchigawo , nga lino papita amanda yatatu, wayile ukufuma ku Sizaliya ukuya ku Jelusalemu . ² Umukalamba wa mapepo naya Yuda ayamanyikwe yalesile imilandu yakwe Pawulo , nga yalondanga ukuti Fesitasi- ³ yamuwuzichisyanga ukuti awalonjele woliwo vwakwe Pawulo - ukuti yamufumye ukuya ku Jelusalemu, pakuti yasenganyanga uluwembu ukuti yamukome munzila . ⁴ Fesitasi waswike ukuti Pawuli walinji ku Sizaliya , nganukuti weliwe walinji uwakuti akuya kulyakwene nombakwene. '' ⁵ Achino, yano yangawomba ,'' watili,'' yaye naswe. Nanthi kuli chimwi ichiyipe numunthu wino, mukamulonge.'' ⁶ Fesitasi atikazile amanda yakukwana yasano nayatatu nanthi ikumi nga wisile ukuya ku Sizaliya, nga kumutondo wikazile pachilimba chawulonzi nganukumupingula Pawuli ukuti yamulete kuli weliwe. ⁷ Lino wiza, aya Yuda ukufuma ku Jelusalemu wimilile papipi, nga yalesile imilandu iyikalamba yitupu yino yatayimanyile. ⁸ Pawulo wayichinjilichizge nukuti,'' Nthononyile nachimwi ichakususyana namalango yaya Yuda nanthi ukutempheli nanthi akuli Siza.'' ⁹ Kweni Fesitasi walondanga amanyikwe sana kuya Yuda, nga apano wamwaswike Pawuli nukuti, '' mukulonda muye mphaka ku Jelusalemu nukuti anene nkhuyakulonga vyake chi kukukwene?'' ¹⁰ Pawulo watili,'' Indi pa luwungo lyakwe Siza pano yafwile yandonge . Nthamononile umuyuda nawumwi ,ngati muno namwe muchimanyile . ¹¹ Napano wuli nononyile nganapano nononyile chimwi chino chikulonda infwa, nthakukana ukufwa. Kweni nanthi imilandu yawo yisi nachimwi , nawumwi wino angantwala kuli woliwo . Nkhuwanyepa kuli Siza .'' ¹² Lino Fesitasi wavwanga nayakalonga yamilandu, waswike, '' Wawanyepa kuli Siza. Kuli Siza akuno mumaya!'' ¹³ Nomba lino papita amanda yanono, mwene Agilipa na Benisi yafisile ku Sizaliya ukuti yakamupitile Fesitasi pa vyatchito. ¹⁴ Lino yali kulya amanda ayinji, Fesitasi wawawuzizge umulandu wakwe Pawulo ya mwene; watile, '' Umunthu wumwi wamusile kukwene Felikisi ngati umuchepwe. ¹⁵ Pano nalinji ku Jelusalemu, umukalamba wamapepo nayakalamba yaya Yuda yalesile umulandu uwa monsi wino kuli nene, ngayawuzizge ivyakumupingula ukuti tumusule weliwe. ¹⁶ Nganawaswike ukuti sisunde yaya Roma ukwimilila umulandu wakwe wumwi pano yano yamunyefile yasi penepo nganapano yatamupile ulongo ukuti ayivwanjile ivyamulandu wakwe. ¹⁷ Apano, lino yiza ponga kuno , nthalindilile , kweni kumutondo nikazile pachilimba chawulonzi nga apano namupingwile ukuti yamulete. ¹⁸ Lino yano yamunyefile yimilila nukumupela umulandu, nizile nelenganya ukuti imilandu yonsi yino yamunyefile yitalinji iyikalamba . ¹⁹ Pano , yiminkhananga nawe ivwamasunde yawo nganavwake yesu wino wafwile , wino Pawuli watinji uwawumi. ²⁰ Nthamanyile ningo muno ningamanyila umulandu wuno , nga achino namuwuzichisizge nanthi angakunda ukuya ku Jelusalemu ukuti akuno yakamulonge imilandu yakwe. ²¹ Kweni lino Pawulo wawanyepa ukuti ayikale tasi mung'anda ya minyololo pano akulindilila amelengwi ya mukalamba , napingwile ukuti yamunyepe tasi mphaka pano namutuma kuli Siza .'' ²² Agilipa wavwanzile kuli Fesitasi, '' Nani nkhunzile sana ukuti ninguvwa ukufuma kumunthu wino .'' Mutondo,'' Fesitasi wavwanzile , ''Ulimuvwa.'' ²³ Nomba kumutondo kwakwe , Agilipa na Benisi yizile nu lusuchelo ; yizile mung'anda yalusechelo ya yakalamba ya yayakeya nawonsi yano yamanyikwe sa na ayamumusumba . Lino Fesitasi wavwanzile ukupingula , Pawulo yamulesile kuli woliwo. ²⁴ Fesitasi watili , ''Mwene Agilipa , namwensi mweyanthu yano muli pa nasweswe, mwamulola umunthu wino ; ayanthu wonsi nuwinji aya Yuda yavwzanzinye nani mu Jelusalemu nakukwene nupya , nga yapinzile kuli nene ukuti ataya nupya nuwumi. ²⁵ Nizile namanya ukuti atawovwile nachimwi ichiyipe chino chingalenga ukuti afwe ; kweni umulandu wakuti wizile wawamyepa kumukalamba , nelenginye ukumutuma . ²⁶ Kweni nsinachimwi ichakuti ningawalika kumukalamba . Umulandu wakwe chino , namuleta kuli mwemwe , nkhaninkhani kuli mwemwe , Mwene Agilipa , ukuti ningaya nachimwi ichakuwalika pa mulandu wuno . ²⁷ Muno chikuloleka ichambula amano ukuti nene ukuti inthume umunyepwe ukwambula ukuvwanga chino awononyile .''