¹ Pawulo walolechizge pali yakalonga nukuti , '' Yanji, Nikala muli Leza muwuzima wonsi mphaka uwanda wuno .'' ² Umukalamba wamapepo Ananiya wawapingwile yalya yano yimilile pali weliwe ukuti yamume pamulomo . ³ Apano Pawulo watili kuli weliwe, '' Leza alikuma wewe , we luwumba ulutiswe ulufulwe. Mwikazile ukuti mundonge nene namalango, pano mwemukutu mungume vino visi mumalango . ⁴ Yano yimilile papipi yatile ,'' Ali vii vino mukatuka umukalamba wakwe Leza?'' ⁵ Pawulo watili,'' Nthamanyile, yanji, ukuti umukalamba wa mapepo . Muno chawalikwa, mutalivwanga iviyipe ivyamukoleleli wa yanthu yako . '' ⁶ Pano Pawuli waweni apakuti imbali yimwi yalinji a Saduki nayawuze a Falisayi, wavewanzile nkani mu ng'anda ya kulonjela , '' yanji , ne mu Falisayi umwana wa wa Falisayi. Umulandu indi nulusuwilo ulwakuzguka kwayafwe kuno kulongwa.'' ⁷ Lino wavwanga chii, ukukanzinkhana kwakatwike pakasi pa ya Yafalisayi naya Saduki , nga niwumba lyagawinkhine . ⁸ Muno aya Saduki yakati kuti ukuzguka , ayangeli yataya kweneko, nimipasi yitaya kweneko kweni aya Falisayi yawamanya wonsi. ⁹ Apano ichongo ichikalamba chachitike, nga nayakawalika yakwe ya Falisayi yanyamwike nukukana, nukuti, '' Tutakuzana ichiyipe nachimwi pa munthu wino. Ngawuli nanthi umupasi nanthi umungeli wavwanga kuli weliwe ?'' ¹⁰ Lino kwaya ukukanzinkhana ukukulu, umukalamba wawakeya watinyile ukuti Pawuli yangamulepulanya sile , apano wawapingwile ayakeya ukuti yike nukuyamusenda pamaka pasi pali yakalonga yamulandu , nukumuleta mung'anda yakulonjela imilandu. ¹¹ Uwusiku wakukonkha Mwene wimilile kuli weliwe nukuti, '' Utatina , pakuti muno wasimichizizga vwakwe nene mu Yelusalemu, uye nupya nayakaboni mu Rome .'' ¹² Lino kwacha , aya Yuda yamwi yizile yapanga akawungwe kawo nukuyitipa wonda nichilapo ukuti yatalitela yalye nanthi ukung'wa chilichonsi mphaka yize yamukome Pawulo. ¹³ Palinji awonsi amakumi yanayi yano wuvwine chakwe chi. ¹⁴ Yayile kumukalamba wamapepo nayakalamba nukuvwanga ukuti ,'' Twayitipa swenga , ukuti tutamalya nachimwi mphaka pano twiza twamukoma Pawulo. ¹⁵ Nomba , achino , lekini uluwungo lwamilandu lumuwuzge umukalamba wawakeya ukuti yamulete kuli mwemwe, ngati apano amwemwe mumaputula umulandu wakwe ningo. Ngati akuli sweswe, tuyisenginye kali ukumukoma pano atani afike pano.'' ¹⁶ Kweni umwana umonsi uwamunyina wakwe Pawuli lino wuvwa ukuti yalindililanga , wizile waya nukwinjila muluwungo nukumuwuzga Pawuli. ¹⁷ Pawulo wamile wenga wakwe yakawomba nukuti , '''Musendiini umulumendo wino muye nawe kumukalamba wawakeya muno alinachimwi ichakuti amunene .'' ¹⁸ Apano kawomba wilya wamusenzile umulumendo wilya nukumuleta kumukalamba wawa keya nuvwanga ukuti, '' Pawulo umunyepwe wangamile ukuti nize numulumendo wii kuli wewe. Ali nachimwi ichakuti avwange kuli wewe.'' ¹⁹ Umukalamba wawakeya wamusenzile pakumulema pikasa nukuya kumbali nukumuwuzichisya , '' Ichani chino ukulonda umbuzge nene?'' ²⁰ Umulumendo watili,'' Aya Yuda yazumilizizge ukuti mumusapule Pawulo mutondo ukuy kuluwungo, ngati apano yalimuwuchisya ningo ivyamulandu wakwe. ²¹ Kweni mutawazumilizga vyakwe chino , umulandu kuli ayanthu amakumi yasano yano yavwamile nukulindilila . Yalafile ukuti , yatamalyanga nanthi ukung'wa mphaka pano yiza yamukoma . Nanomba yasenginye kali, yakulindilila ukuti uvwange.'' ²² Apano umukalamba wawa keya watile umulumendo apita , lino wamunena ,'' Utamuwuzga nawumwi ukuti wambuzga vyakwe vii. ''' ²³ Apano wamile ayawonvi yakwe yamwi yayili nukuti ,'' sendini ayakeya amazimbi yayili ukuti yasenganye ukuti yaye ku Sizaliya , nayawuze amakumi yasano nayayili ayamphunda , nayawuze imyanda yili ayamasumo. Mulinyamuka iwola lyakwe chitatu uwusiku.'' ²⁴ Nukuti wawawuzizge ukuti yasende nivinyama vimwi vino Pawuli angapita penepo nukuti yamusende kuya kuli Felix inkhombe . ²⁵ Apano wawalike kalata wino walinji ngati avino: ²⁶ Kulodiyasi Layisiyasi , kunkhombe iyikalamba sana Felix , nkhukulamuka . ²⁷ Umunthu wino wanyefwile na Yuda ngawalinji papipi ukuti akomwe nawoliwo lino naya kuli woliwo naya keya nukumupususya , muno namanyile ukuti umunthu waku Roma . ²⁸ Nalondanga imanye ukuti ichani chino yamunyefile , apano namusenzile ukuya nawe kuluwungoi . ²⁹ Nizile namanya ukuti yamunyefile umuloandu wavwamalango yawo, kweni ukuti patali umulandu nawumwi uwakukomela nanthi ukunyepwa. ³⁰ Apano chamanyikwe kuli nene ukuti pali ukuvwana ukuti yamukome , apano papokwene namutumile kuli wewe, nukuwawuzga yano yamunyefile ukuti yize yaleta umulandu kuli mwemwe pano mulipo . ivisuma vyonsi.'' ³¹ Ayakeya yawonvile ngati muno yawawuzizigze. Yamusenzile Pawulo nukumuleta uwusiku ku Anthipatilisi. ³² Kumutondo , ayakeya ayinji yawasile awonsi yamphunda kuti yapite nawe ngayeni yaweliwe kuluwungo. ³³ Lino awonsi ya mphunda yafika ku Sizaliya kuyika Kalata kunkhombe , yamulemilkje na Pawuli kuli weliwe . ³⁴ Lino inkhombe yawelenga kalata , wawuzizge ichigawo chino Pawulo wafumanga kweneko. Lino wamanya ukuti wafumanaga ku Siliya , ³⁵ watile , '' Nkhuzakuvwichisya ningo nanthi yano yakunyepa yiza kuno.'' Apano wamupingwile ukuti ayikale mwiboma lyakwe Herod.