¹ nene, Pawulo, nenekwene nkuwalenga mwemwe, umwakuyisya nu mwaluse lwakwe kilisitu Newakuyisya ngindi pamanso yinu, kwene nkayika umwenzo kuli mwemwe ngindi patali. ² Nkuwalenga ukuti, pano ngindi namwemwe, nuwumolimo wane nkwelenganya ndalonda ukuya newakuyisula ngayakususya yano yakwelenganya ukuti tukupita ukuyana nukumwili. ³ Napano wuli tukupita kumwili, tutakupanjisya ukulwa ukuyana nakumwili. ⁴ Pano ivilwilo vino tukulwila asi vyakumwili. Mumalo mwakwe,vili namaka akalamba sana pakonona ivyakutuchinga ivyamaka, vino visileta chimwi pavwakukanzinkana ivyasilesile. ⁵ Tukawonona chilichonsi ichapapela chino chikakatuchila amano yakwe Leza. Tukasenda amalengwi wonsi yamyepwa nukuwapanga ukuvwila Kilisitu. ⁶ Nupya tukusenganya ukuti ukusunda imiwombele yonsi iyakuntuvwila. Muli zuwazuwa pano ukuvwila kwinu kwasila. ⁷ Mulole kuli chino ichisuma pankolelo pinu . Nga wenga anga anga angikutisika ukuti alimuli Kilisitu, mulekini ayizusye wenga ukuti ngati muno ayelile muli Kilisitu, ngati muno naswe tuli. ⁸ Pakuti napano ningayitutumula panono ukuyana ninsambu zitu, zino mwene watupa tukuwazenga mwemwe nanti kuwonona, ntalisonzwa msonyi. ⁹ Intakulonda indoleke ukuti nkuwatinya nayakalata yane. ¹⁰ Pano antu yamwi yakuti, ''yakalata yakwe ayakuyikapo umwenzo nukuti amaka. kweni ukuloleka kwa mwili wakwe ufoke. Amazwi yakwe yasi nichakututula pakuwuvwa.'' ¹¹ Lekini antu mati yawo yaye ukuvwila ukuti vinotuli mumazwi yakwe yakalata yitu pano tusipo avino tuliya mu miwombele yitu pano tuliyako. ¹² Tutakuya apatali ukuti tukongane swenga pamwi ukuyikolanya nayalya yano yakayikwezya wonga.Kweni ndiyiyapima wonga pali wenga na wenga numuze, yatakumanya chimwi. ¹³ Swemo napano wuli, tutaliyitutumula ukupitilila ichipimo. Mumalo mwakwe tulawomba ndi vikwene mukwene mu ukuchita chino Leza watunena ukuwomba, umalilo wuno wafika apatali pali mwemwe. ¹⁴ Pakuti swemo tutapitilizizye pali swenga pano twafisile ukwinu. Twali sweya kutandika ukufika ukutali ukwinu nizwi lyakwe Yesu Kilisitu. ¹⁵ Swemo tutayitutumwile ukupitilila nintchito zyakwe yawuze, mumalo mwakwe, isuwilo litu ilyakuti pano isuwilo linu likupitilila ukukula, imilimo yitu pakasi pinu yimakula hee. ¹⁶ Swemo tukusuwila pali vii umwakuti tungiza tutande izwi ilisuma lyakwe Leza nukuchila imizi yinu. Swemo tutalayitutumula pa milimo yinu yawombwa munchende zyakwe yawuze. ¹⁷ ''Kwene lekini wino akuyitutumula ayitutmule muli mwene.'' ¹⁸ Pakuti asa wenga wino akayiwazya wenga wino wasimichizyika. Mumalo mwakwe, awenga wino Mwene akamuwanzya.