¹ Nomba ukuyana nivyakusangula ivya yanthu ayatiswe yakwe Leza: Ndi vino nawanenyile ayang'anda zya mapepo izya ya Galatiya, namwe avino mwawomba. ² Uwanda wakutialika uwa mulungu ali wensi wakwe mwemwe alingine ukuyika kamwi pambali nukukasengula ukuyana navino ungakwanisya. Mwawomba vikwene ukuti patize paye ukusanguzya ndiniza. ³ Ndinafika ndiwapela ayanthu yano muwasozile ya kalata ayakuyilondolola nupya ndiwatuma ku Yelusalemu nivyawupi vinu. ⁴ Ndichakulondwa ukuti nani inje, tulaya ponga. ⁵ Kweni ndiza kuli mwemwe ndi nachilinganya Mesodoniya. Pakuti ndichilinganya Mesodoniya. ⁶ Limwi ndikala namwe limwi ukwikala namwe ichisiku, ukuti mwize mungavwe pa lwendo lwane, konsi kuno kuya. ⁷ Pakuti ntakulonda ukulolana namwe nomba muno nkuhupitilila sile. Pakuti nkhusuwila ukwiza yikala namwe insita iyitali, ndi mwene angazumilizya. ⁸ Kweni ndikala umu Efeso mphaka pentekositi, ⁹ pakuti umulyamgo uwusalale wuyulike kuli nene, nupya ayalwani yavuzile. ¹⁰ Nomba ndi Timoti wiza, mwize mulolechesye ukuti ali namwe umwawula intete, pakuti akuwomba intchito yakwe Mwene, ndi vino nani nkhuwomba. ¹¹ Mutize muleke wumwi amuchuzye. mwavwini munzila yakwe mumutende, umwakuti ayize kuli nene. Amuno nkulindilila ukwiza kwakwe pali pamwi naya nyina. ¹² Nomba ukuyana nu mukulu witu Apolosi, nkhumukomelezya sana ukuti ayize awapitile ponga na yina kwene. kweni kutalinji ukulonda kwakwe nanthi panono ukuti ayize nomba. Lelo, aliza pansita yino yilingine. ¹³ Lolechesyioni sana, musinthilile mwi suwilo, wombini ngati mwewonsi, muye na maka. ¹⁴ Lekini chonsi chino chikuwombwa chiwombwe mulukundo. ¹⁵ Mwawamanya aya mung'anda yakwe Sitefani, ukuti vyalinji ivikomwa yakutandika vyakwe Akayi, yakayipa sana pakusakamala ayanthu ayatele yakwe Leza. Nomba nkhuwa;enga mwemwe, mwe yanji, ¹⁶ ukuti mwayipa ku yanthu yawo nawensi wino akwavwa umulimo nukuwomba naswe. ¹⁷ Nakunda nukwiza kwakwe Sitefani, Fochunatasi, na Achaikasi. Yawomba mukusowa kwinu. ¹⁸ Pakuti yapa amaka umupasi wane nu winu. Nomba, mulingine ukuwanya ayanthu ndi vii. ¹⁹ Ing'anda ya mapepo ku Eziya zyawalamukanga mwemwe. Akwila na Pulisila yawalamuka mwemwe mwizina lyakwe Mwene, ponga mung'anda zya mapepo zino zili kumwawo. ²⁰ Anji wonsi yakuwalamuka. Lamukinini wino nu muze nukufyomphana muwutiswe. ²¹ Nene, Paulosi, nkuwalika chii nikasa lyane. ²² Ndi wumwi atakunda mwene, alingine ukulongwa, Mwene witu, izini! ²³ Inkhumbu zyakwe Mwene Yesu ziye namwe. ²⁴ Ulukundo lwane luye namwe mwensi muli Kilisitu Yesu.