¹ Konchelezya ulukundo nu kulondesya ivyawupi vya mupasi, nkani ukuti ungamanya ivya munkolelo. ² Pakuti wino akuvwanga mu mivwango yuze asi vwanga ku wantu nkandi kuli Leza. Pakuti nawumwi akamuvwa mlandu wakuti akavwanga ivizungusye mu mipasi. ³ Nkandi wino akavwanga ivya smunkolelo akavwanga ku wantu nu kuwazenga, nu kuwapela isuwilo, nu kuwatenganika. ⁴ Wene wino akavwanga mu mivwango aka yizenga umwenencho, kwene wino akavwanga ivya munkolelo akakula ing'anda yamapepo. ⁵ Kwene ne nkulonda kuno mwensi mungavwanga mu mivwango yuze. Nkandi ukulusya pali chino, ne nkulonda kuno mungavwanga ivya munkolelo . Wino akavwanga ivya munkolelo umukalamba ukulusya wino akavwanga mu mivwango yuze(pamwi ndi wumwi akwilula ukuti ing'anda ya mapepo yinga kulwa). ⁶ Kwene nomba, yanji, Ndi nkwiza kuli mwemwe nkuvwanga imivwango yuze, ningawakwemela wuli kuli nene ? Intanga imbakweme, nkandi ndi nkuvwanga kuli mwemwe nu kuwumbula, pawi ivyamano pamwi ivyamunkolelo, pami ukusambilizya. ⁷ Ichilichimwi ndi, pano ivintu vyambula wumi vikapanga ichongo-- vino mtolilo ni chinanda--Ndi visikufumya amazwi yakulekana, uzye ungamanya wuli kuno mtolilo pamwi chinanda vikulila izwi lyakuti? ⁸ Vino ndi penga litakulila izwi ilya kusimichila, mungamanya uli kuno insita yakupekanya ku nkondo yafika? ⁹ Avino chili namwe nu lulimi. Ndi mukufumya umuvwango wuno wusikuvwika ningo, nga chino mukutaka chinguvwika wuli? Lino ukuvwanga ku mpepo. ¹⁰ Muli imivwango iyinji iyambula kukayikisya munsi yapansi, nupya yonsi ili ni chakusula. ¹¹ Nkandi ndi ntakumanya chino umuvwango wukusula, nkuya ne mwenyi kuli wino akuvwanga, nawe wino akuvwanga akuya umwenyi kuno ndi. (kuli nene) ¹² Avino chili namwe. Pano mukulondesya ukulolechela mu mupasi, londini ukuwomba uwusuma pa kuwomvya ivya wupi vino vinga kula ing'anda yamapepo. ¹³ Lyene ndiwino akuvwanga mu muvwango wuze apepe kuno ayilula. ¹⁴ Pano ndi nkupepa mu muvwango wuze, umupasi wane wukupepa, kwene amelengwi yane yasi kungavwa. ¹⁵ Inchite wuli? Nimapepa nu mupasi wane, nga nimapepa na melengwi yane kwene. Nimayimbilanga nu mupasi wane, nupya nimayimbilanga namelengwi yane kwene. ¹⁶ Nga chingaya wuli, ndi wa chindika Leza nu mupasi, ngu wakunzi angataka wuli '' Amen'' pano ukutayizya ndi atamanyile vino ukutaka. ¹⁷ Mungatayizya ningo kwene umwakuyana, kweni yamwi yatakuvwa nachimwi. ¹⁸ Nkumutayizya Leza pano nkuvwanga mu mivwango yuze ukulusya mwensi. ¹⁹ Kweni umung'anda yamapepo chingazipa ndi ninga vwanga amazwi yasano mumu vwango wuli wukuvwika kuti ayantu yuvwe, ukulusya amazwi amazimbi ikumi(10,000) mu mivwango yuze. ²⁰ Mweyanji, mutaya mwe yanche mu melengwi yinu. Nkandi, ukuyana ni iya luyembu, muye ngati mwe tunya. Lelo kulini mu melengwi yinu. ²¹ Mwisunde chawalikwa, ''mu wantu ya mivwango iyenyi nu mulilomo ya yenyi amuno ndavwanjila ku wantu yano. Napokwene yatala nguvwa.'' Akutaka umwene. ²² Alikuti, imivwango iyinji ichimanyisyo kuli yano yasuwila pole nkandikuli yano yatasuwila kwene ukuvwanga ivya munkolelo ichimanyisyo kuli yano yata suwila. ²³ Nga chingaya ukuti, antu wonsi mu ng'anda ya mapepo yakongana nga wonsi yavwanga mu mivwango iya ikulekana, nga aya kunzi nayano ya tasuwila yinjile mulya kwene, uzye yatanga yati mwavulungana. ²⁴ Kweni ndi mwensi mukuvwanga ivya munkolelo nga yano yatazumila na ya kunzi yinjile mulya kwene, angatonta na vyonsi vino wuvwa. Anga longwa navyonsi vino vya vwanga. ²⁵ Inkama zya mu mwenzo wakwe zinga wu mbukwa. Nga alino, anga kupama nu kumu pepa Leza. Ali simichila kuno umolimo kwene Leza ali naswe. ²⁶ Yanji chuzo, ichoni lelo? Ndi mwakongana winowensi aya nu lwimbo, nivisambilizyo, nichakuwumbula, nu muvwango wuze, pamwi nukwilula,. Mwa womba vyonsi kuti mukule ing'anda ya mapepo. ²⁷ Ndi pali uwakuvwanga mu mivwango yuze, muleke yaye yayili , pamwi nkani-nkani yatatu, yalechelana , apano wumwi ayilula vino vikuvwangwa. ²⁸ Kwene ndi pasi nawumwi uwakwilula, muleke wonsi yamyalala sile umung'anda yamapepo. muleke wonsi yayivwanjile mu myenzo yawo na kuli Leza. ²⁹ Lekini ya kasowela yayili pamwi yatatu yavwanga, nga yamwi ya wuvwichisya ndi vino vikuvwangwa ivya molimo pamwi awe. ³⁰ Kweni ndi chakuwumbula cha mwizila wino atenzi, lekini uwantandiko amyalala. ³¹ Wonsi yanga vwanga ivyamunkolelo mukulechelana kuti wonsi yangasambilila nukuti wonsi yangaya ni suilo. ³² Pano imipasi yakwe ya yakasowela ilingine kuli yakasowela. ³³ Pano Leza asi a Leza wakuvulunganya, nkandi uwa mtende. Lino ali sunde mung'anda zyamapepo zyonsi izya wantu yatiswe yakwe Leza. ³⁴ Ayanachi ya myalala mu ng'anda yamapepo. pano yasi zumilizyika ukuvwanga . Kwene, ya konka nu kuvwila kuwa kalamba yawo ndivino isunde likutaka. ³⁵ Ndi pali chimwi chino yakulonda ukuti yasambilile, aya kolowozya ayalume yawo ku muzi. Pano ichasonyi ukuti umwanachi avwanga mu ng'anda yamapepo. ³⁶ Uzye izwi lyakwe Leza lyafumile kuli mwemwe? Uzye lye liwafika mwemwe kwene mwenga. ³⁷ Ndi wensi wino akwelenganya ukuti angaya akasowela pamwi uwa umupasi, asimichile kuno ivintu vino nkulemba kuli mwemwe ivi sunde lyakwe mwene. ³⁸ Kwene ndi wensi wino asikumanya chi, lekini nawe atamanyikwa. ³⁹ Achino lyene, yanji temwini ukuvwanga ivya munkolelo nu mwenzo wonsi, nupya mutalesya nawumi pakuvwanga mivwango yuze. ⁴⁰ Nkandi lekini ivintu vyonsi viwombwe ningo nupya mu mwakuyana.