¹ Nu eje rukuao ua utire oku honga mene ro kuvare, nu ouingi ue mu uongarera. Nu otja ronda mo kakengeze ku kari mo kuvare, nu a haama mu ko. Ombunga aihe jari meva mene jo kuvare. ² Eje ue vehonga ovina ovingi mo masanekero, no mo mahongua je, ihi ua hungira kuvo. ³ "Puratenee!" Omukune uai oku ka kuna ondui je. ⁴ Indi tja kunu, ozo ndui tjiva nao ija ze uire mo ndjira, nu ouzera auri. ⁵ Ozo ndui tjiva za uira mo rupare ro maue, ndu ruari a ru hina ehi eningi. Okutja tjimanga nao ija ze handjauka, mena ro kutja kapari nehi eningi. ⁶ Nu nao ejuva tjira piti, ovihape o tji via kata, orondu ka viari no mize, a vikukuta. ⁷ Ozo ndui tjiva za uira mokati ko vihape vio makuija. Omiti imbi vio makuija avi kuru avi sina ozo ndui inda, a zeha hapisa oviriua. ⁸ Ozo ndui tjiva za uira mehi esemba nu za hapisa ovihape oviua mbi a vi jeta oviriua imbia jeta omirongo vitatu,omirongo hamboumue, nu nangarire ozo iri ozengi." ⁹ Eje uatja, "Nguno omatui oku zuva, nga zuve!" ¹⁰ Nu Jeesu tjari peke, imba mbu vari posije puna imbo omurongo na vevari ave mu pura omasanekero. ¹¹ Eje uatja kuvo, "Ene mua peua okutjiua otjiundikua tjo uhona ua Mukuru. Nu nao ku imba mberi pendje ovina avihe viri mo masanekero, ¹² ko kutja tji mave tara, ii ve tare, nu ave ha munu,nu noho kutja tji mave zuu, ii ve zuve,nu ave ha kambura, a pe heri nao mave so oku tanauka nu Mukuru me ve isire." ¹³ Eje uatja kuvo, "Ka muna oku kambura omsanekero inga? Ma peja vi ko kutja mu kambure omasanekero inga ajehe?" ¹⁴ Omukune ua kuna ondui. ¹⁵ Inda ozo nda nderi mo ruveze po ndjira, po mambo pu ja kunua. Tjiva zuu, Saatana kamanga ueja nu atoora embo ndi rua kunua mu vo. ¹⁶ Nu inda ozo ndu nda kunua mo mo rupare romaue; une, ingui ngua zuu embo kamanga nao eri kambura no ndjoroka. ¹⁷ Nu ovo kuvo oveni ka vari no mize, nu va kara oruveze orusupi. Tjazumbo nombamisiro no ndambero tji mai pendukire embo, mave putarisiua tjimanga. ¹⁸ Kunda tjiva ozo nda nda kunua mo zo hongue. A irire mbu va zuu embo, ¹⁹ nu mo merikendero uo uje no mbukisiro jo rutumbo, no zonduma kovina ovikuao maze hiti mu uo nu aze sina indi embo, nu oro kari hapisa ovihape. ²⁰ Inda ndu za kunua mehi esemba ovo mba mbe zuva embo,ave ri jakura nu ave hapa ovihape, omirongo vitatu, omirongo hamboumue nangarire ozo iri ozengi ²¹ Jeesu uatja kuvo, "Ma peja nao a mu jeta erambe mo ndjiuo a mutua kehi jo tjimbamba poo kehi jo mbete?" O jeta o tua pombanda jo katihe ke rambe. ²² Ko kutja kapena ihi tji tjihorekua nu tji tjihina ma tjika tjuukua, nu noho kapena otjihorekua tji tjihina ma tji ka zuvaka. ²³ Ndovazu ngamua mundu uno omatui oku zuva, mueseje azuve!" ²⁴ Uatja kuvo, "Tua keje ombango ku ihi tji ma mu zuu, mena ro kutja omapanguriro ngu ma muungurua uina kuene o ngu ma je ku ungurua, ovingi ma vi ueziua kuene. ²⁵ Mena ro kutja ingui ngu natjo, kuje ma peua otjingi, nu ku ingui ngu hina tjo, na ihi tje natjo ma jekua." ²⁷ Nu noho uatja, "Ouhona ua Mukuru uasana ko mundu ngu kuna ondui je mo rukerenda. ²⁶ Outuku ija rara nu omutenja a penduka, nu ozondui ija ze piti nu aze hapa, a e hina okutjiua kutja nao pa kaondja tjike." ²⁸ Ehi orini ondi hapisa ozondui; nozo a ze eta ovikurya rutenga a rire ehozu, tjazu mbo a rire omangura mo zondjatu.Nu ko maandero a rire o viriua mbya pama naua mozo ndjatu. ²⁹ Ovikurya tji via zu no ku hora tjimanga nao ma hindi otjikonde orondu oruveze ro ku konda rueja." ³⁰ Rukuao atja, "O kutjike ku ma tu sasaneke ouhona ua Mukuru, poo mapeja atu ungurisa otjisanekero tjine oku toroka?" ³¹ Mau kara otja ondui indjo ongara, tji mai kunua mehi, ojo irira okatiti po zondui azehe nderi kombanda ehi. ³² Nu, nai tji ja kunua, ihapa a i njomoka tjinene oku kapita ovihape avihe mo ka kunino ko viriua, nu a ihapa ozo ndavi ozo nene ko kutja ouzera ue juru u riungurire oviruuo mo mizire uazo." ³³ Puno ovisanekero ovingi otja imbi ua hungira embo kuvo, opuo indi tja ve peuru oku kambura, ³⁴ nu ka hungirire kuvo noku hina ovisanekero. Nu indi tji ari peke, ua raera ovahongeua ve ovina avihe. ³⁵ Ejuva ndo, onguruva tji jeja, uatja kuvo, "Indjee tu jende ko munda uarue." ³⁶ O tji va jesa otjimbumba, ave toora Jeesu puna vo, otja tjaa ri, mo kakengeze. Nu pari no vikengeze viarue mbi ja vi kaenda punae. ³⁷ Tjizambo nao ombepo jo masa ja sekama, nu omeva aje hiti mo kakengeze nga tji je ura moukoto. ³⁸ Posija Jeesu omuini uari mo kakengeza, a a rara mo tji kusinga. Nu o tji ve mu pendura, ave tja, "Muhonge, kona kutu tira ondjenda kutja turi po oku koka?" ³⁹ A penduka, a kanjaere ombepo, nu atja ko kuvare, "Ohange! Nga ikare!" Nu ombepo aje tjinnga ja kurama, nu apekara no masuviro omanene. ⁴⁰ Nu atja kuvo, "Onguaje tji mua uruma? Kunda ka muno ongamburiro?" ⁴¹ Vari no mburuma onene tjinene nu ave purasana kutja, "Oune ingui, mena ro kutja ombepo no kuvare mavi zuu kuje?"