¹ Paulos, omu apostolo ua Kristu Jeesu otja po mbango ja Mukuru, ko vandu ovajapuke va Mukuru mo Ephesus, mbu va zikama mu Kristu Jeesu. Tjiva uo matjangua omana hepero ja rukuru uo va Greeka ka tunao, mo Ephesus, posija omatjangua inga nandaku ja kapitisiua mo tjiuana mo zo mbongo pekepeke, ku kue heri ko mbongo ja Ephesus uriri. ² Otjari kuene no hange okuza Mukuru Tate uetu na Muhona Jeesu Kristu. ³ Mukuru na Tate ua Muhona uetu Jeesu Kristu ngatangue, ngue tu sera ondaja no ndjaja ondjapuke mo virongo vio majuru mu Kristu. ⁴ Mukuru uetu toorora mu je okuza ko mbutiro jo uje, kutja tu rire ovajapuke no va ha jandja ondjo ko mbunikiro jo rusuvero rue. ⁵ Mukuru uetu vareka oku ka isapo ovanatje ve mu Jeesu Kristu, ohunga no mbango no ndero je. ⁶ Oku toorua kuetu kua jeta omatangero uo ujere ue imbui mbue tupa otjari mu Ingui nga suvera. ⁷ Mu Jeesu Kristu tua kuturua no mbindu je nu atu isirua omauvi jetu, mo utumbe uo tjari tje. ⁸ Ua ueza otjari itji kuete no unongo auhe no ku kambura. ⁹ Mukuru ua tjita kutja tu tjiue oviungura vio mbongo je, ku itji tji ja atji mu ningire, na itji tja urika mu Kristu, ¹⁰ puno omatarero uo ndando mo ku ura ko iri, oku jeta ovina avihe omborongane, ovina avihe mejuru no mehi, kehi jo tjiuru tjimue, na Kristu. ¹¹ Mu Kristu tua toororua otja ovarieta. Tua zikamisiua ko murungu oruveze otja ko mbango je ingui ngu ungura ovina avihe otja po hepero jo mbango je. ¹² Mukuru ue tu toorora otjo ovavarieta ko kutja ete, mbu turi ovatenga oku kara no maundjiro mu Kristu, ma irire omatangero uo utoni ue. ¹³ Mu Kristu, ene uina, tji mua za no ku zuva embo ro uatjiri, evangeri ro ndjamo jenu, mua itavera muje amu kakaterisiua ko makuizikiro jo Mbepo Ondjapuke, ¹⁴ oune nguri o ondjameno jeta retu ngandu tji tue ritoora arihe, ko matangero uo ujere ue. ¹⁵ Mezeva indi, nga mba zuvire kuta ko ngamburiro joje mu Muhona Jeesu no rusuvero roje ko vandu avehe ovajapuke va Mukuru, ¹⁶ hi ja kuramisa oku jandja ondangi ku Mukuru mo ve otja tji mbi ku tamuna mo zongumbiro zandje. ¹⁷ Me kumbu kutja Mukuru ua Muhona uetu Jeesu, Tate uo ujere, me mupe ombepo jo unongo no mavanduriruriro mo ndjiviro je. ¹⁸ Me kumbu kutja omeho uo mitima vienu vi jerisiue, ko kutja mu tjiue o maundjiro inga nge mu isanena no ko utumbe ueta ro ndoneno mo ovandu ovajapuke va Mukuru. ¹⁹ Mo zo ngumbiro zandje mbi ningira kutja peje mu tjiue ounene uo masa ue kuete mbu tu kambura mbu ha sasanekua ko tjina, otja ko maungiriro uo masa ue omanene. ²⁰ Inga oomasa tji ngeuo inga Mukuru nga ungurisa mu Kristu tje mu pendura mo vakoke nu e mu haamisa po kouoko kue o kunene po tuveze ko majuru. ²¹ Ua haamisa Kristu kokure kombanda jo unaneauhe no uhonapare nomasa, ne na arihenda isaneua. Kristu ma nana, pu pe heri mu nai uriri, na noho mo rujaveze. ²² Mukuru ua tuapo ovina avihe kehi jo zombaze za Kristu nu e mu jandja ko mbongo a eri o tjiuru tjo vina avihe. ²³ Ombongo o rutu rue, oku ura kue ingui ngu urisa avihe mu avihe.