1
Indi ejuva ro Pentekose tjireja,ovo va uoronganene po ruvese rumue.
2
Kamanga otji kueja omungunda okusa ke jeru omungunda tjimuna uotjivepo tjo masa,nu auura modjio ndji va haame mo.
3
Kue ri raisa kuvo amaraka tjimuna uo muriro ngaa hanenue , nu aehaama mu nguamua uavo.
4
Nu avehe va urisiua no mbembo ondjapuke , nu arire tji va utu uku hungira no maraka uarue, tja komasa uo mbembo.
5
Nu nao mua ri no vaJuta mba turire mo Jerusalema, ovarumendu ovapore, okuza mo mahi peke peke mo uje.
6
Omungunda mbui tji ua zuvaka, otjimbumba otjinene tjo vandu a tji uongara, nu va himinue orondu auhe tja zuva ama ve hungire eraka re omuini.
7
Va uruma nu a ve himua; a ve tja, "Tjiri, ovandu mba ka vaGalalia?
8
Onguae tji ma tu ve zuu, auhe amahungire eraka retu mu tua kuatua?
9
Ova Parthians no va Medes no va Elamites, na imba mbe turira ko Mesopotamia, mu Judea na Cappadocia, mu Pontus na Asia,
10
Phrygia na Pamphylia, mu Egypt no tukondua tua Libya okujenda ko Cyrene, no vaenda okuza ko Rome,
11
OvaJuta no proselytes, Cretans no va Arabia,ma tu ve zuu a mave hungire mo maraka uetu ohunga no viungura ovihimise via Mukuru."
12
Avehe vari ava himua nu ava temua; ama ve purasana kutja, "Itji ma tji hee tjike?"
13
Nu varue ave njekerere ave tja, "Imba va nu omavinu."
14
Nu Peturosa ua zekama puna imbo omurongo na imue, a jere eraka re, nu atja kuvo, "Ovarumendu va Judea na ene amuhe mbu mu kara mo Jerusalema, itji nga tji tjiukue kuene; tjevereje omambo uandje.
15
Orondu ovandu mba ka ve ndorongere otja tji ma mu hee, orondu oiri jo itja tatu je juva.
16
Nu itji o tji tja hungirirue ijo mu profete Joel:
17
'Ma pekara nai mo majuva uo maandero,' Mukuru matja, 'Me tirire Ombepo jandje mo vandu avehe. Ovanatje venu ovazandu no vakazona ma ve vetere, ovarumendu omitanda mave munu ovirimunikise, nu ova kururume mave roto oturoto.
18
Tjiri mo vakarere vandje na imbo vakarere vo vakaendu mo majuva ngo e tirire mo Ombepo jandje, nu mave vetere.
19
Me raisa ovihimise mejuru ko mbanda no vikaneno pehi mehi, ombindu, omuriro, mo muko uo muise.
20
Ejuva ma ri tjitukisiua ko ndorera nu omueze uina a urire ombindu kunda ejuva enene ehimise ro majero ua Muhona ari he ja.
21
Ma pekara kutja auhe ngu ma isana ena ra Muhona ma jamue.
22
Varumendu va Israel, zuvee omambo nga: Jeesu ua Zasareta ua ri omurumendu ngua jandjua kuene i Mukuru no viungura no vihimise no vikaneno imbi Mukuru mbya ungura oku tu ningira muje mokati kenu, otja ene tji ma mu tjiua.
23
Nu eje ua jandjerue i Mukuru no ndando, no ndjiviro eje; nu ene, no make uo varumendu mbe hina nduviro, ku mu zepa no ku mu papera ko tjikoroise.
24
Nu Mukuru ue mu pendura mo va koke, e mu kutura mo miihamo vyo ndiro, orondu tja haenene oku mu tiza.
25
Davita ma hungire nai ohunga nae, 'Aruhe mba muna Muhona po murungu uandje, a eri ko manene uandje kutja e haivaiva.
26
Ku nao omutima uandje ua joroka ne raka randje a ri tanga. Noho, onjama jandje mai kara no maundjiro.
27
Orondu tji u hina mo imbirahi omuinjo uandje mo Tjovakoke, nangarire oku jandjera Omujapuke uoje oku muna oviorero.
28
Ue ndji tjivisa ozondjira zo hupo; nu mo tjiti kutja mbi ure no ndjoroka jo murungu uee.'
29
Vakuetu otjiperi kutja mbi hungire kuna ene no ngahukiro ohunga nomukurundu David, kutja eje ua koka na paka nu eendo re ri ri puna ete ngamba.
30
Nu uari omuprofete ngua tjiua Muhona kutja eje ue ri janene orujano kuje kutja me kutuapo tjimue tjo vi hape yio rukuato rue motjihavero tje.
31
Uamuna ;itji tja tje ku tjitua komurungu uo ruvese nu a hungire ohunga no kupenduka kua Kristos, kutja kaimbirahirue kotjo va koke, no njama je ka imuine oku ora.
32
Ingui Jeesu- Mukuru ua pendura otja atuhe tji turi ozo hatoi.
33
Nu nao, mo ku jerua kombanda ko kuuoko ko kunene kua Mukuru no ku jakura omazikamisiro uo Mbepo Ondjapuke okuza ku Tate, ua tirahi ihi tji mu muna no ku zuva.
34
Mo kutja Davita ka rondere ke juru, nu ma tja, 'Muhona ua tja nai ku Muhona uandje, "Haama ko kuuoko kuandje okunene
35
nga tji me ungura ovanavita naove otjihavero tjo maatero uozo mbaze zoe."
36
Nu nao, ondjio aihe ja Israel ngai tjiue kutja Mukuru ue mu ungura amuhe Muhona na Kristu, ingui Jeesu ngu mua papera."
37
Tji va zuva nai, ave ihamisiuamo mitima, nu ave tja ku Peturosa no va Apostolo avehe, " Vakuetu, nu nga tu tjitevi?"
38
Nu Peturosa atja kuvo, "Tanaukee! nu mu papitisiue, auhe uenu, mena ra Jeesu Kristus mo ndjesiro jo mauvi uenu, nu ma mu jakura o tjijandjeua tjo Mbepo Ondjapuke.
39
Orondu orujano oruee, no vanatje voe na ku imba avehe mberi ko kure, otjo uingi uo vandu otja Mukuru tji me ve isana."
40
No mambo omengi ua hongonona ne ve hongo, ama tja, "Ritjeveree mo vandu imba mba zundaka."
41
Nu otji va jakura embo re nu ave papitisiua, nu mua ueziua mejuva ndo mangara omajovi jetatu uo muinjo.
42
Ve ri zikamisa ko mahongero uo vaApostolo no ruuano, mo ku kojora omboroto no mo zo ngumbiro.
43
Ondira je ja ko muinjo avihe, nu ovihimise ovingi no viraisiro vya tjitua oku turiungira mo vaApostolo.
44
Avehe mba kambura va ri pamue ave kara novina avihe mo muano umue,
45
nu ave randisa ouini uo vina viauo nu ave ri hanene avehe, auhe otja ko uhepe ue.
46
Nu ejuva arihe ijave ri zikamisa no mbango imue mo ndemberi. Nu uina ave kojora omboroto mo zonganda, no ku rya pamue ovikurya no mitima vyo ndjoroka
47
ama ve tanga Mukuru no ku kara no uiingona kuno vandu avehe. Nu ejuva arihe Mukuru a ueza ko vivarero vyao imba mba jamua.