¹ Ombuze jandje ondenga ndji mba tjanga Teofilus, amai hungire ovina Jesus mbya uta, oku ungura noku honga, ² nga tja toorua na tuariua kombanda, tjazu no ku jandja omarakiza ue ko va Apostle ve mba toorora kehi yomasa wo mbepo o Ndjapuke. ³ Ko mbunda yo mahihamisiro we, we ri urika kuvo aeno muinyo, momihingo omingi pekepeke. Mo mayuva omirongo vine eye we rimunikisa ku vo a ma hungire ohunga nouhonapare wa Ndjambi. ⁴ Eye tjari mo mbongarero puna vo, we ve rakiza kutja a ve ha piti mu Jerusalema, a ma ve so ku undja ihi tjitja kwizikwa I Tate, ohunga naitji Eje tjiatja, ¨Ene mua zuva muami ⁵ kutja Johanes tjiri wa papitisa nomeva,nu ene ma mu papitisiwa no Mbepo o Ndjapuke mo mayuva omasupi.¨ ⁶ Nu tji vari ava wongara pamue, a ve mu pura, ¨Muhona tji indwi, oruveze tjinga a mo yarura ko ouhonapare wa Israel?¨ ⁷ Nu eye a tja nai kuvo, ¨Ka kuene o ku tjiua ozoiri po tuveze Tate ma tya otja kouvara we. ⁸ Nu Ene ma mu munu omasa,ombepo o Ndjapuke tji jeja muene nu ma mu rire ovahongonone vandje oku uta mu Jerusalema na mu Judea na mu Samaria nga ko mayandero youje.¨ ⁹ Nu Muhona Jesus tja za noku hungira ovina mbi, Eye wa yererua kombanda nu otjikamba a tji mu horeke ko meho wawo. ¹⁰ Ngunda a ma ve tara nombango keyuru tjinga a mai, tjimanga, pa kurama ovarumendu ve vari a va zara ozo mbanda ozombapa. ¹¹ a ve tja, Ene varumendu va Galalia, ongwaje tji mua kurama mba a ma mu tara keyuru? Jesus ngu wa toorwa mu ene oku tuwa meyuru, ma kotokamo muano tjinge wo mbu mue mu munu amai keyuru nawo. ¹² Tjazumbo va yaruka ku Jerusalem oku zanko ndunda indjia i isaniwa Olivet, ndji ya ri popezu na Jerusalem, oujenda we yuva re Sabat. ¹³ Tji va zu no ku vaza, va ya ko mbanda ,metuwo ro kombanda mu a ve kara. Vari Petros, Johanes, Jakubus, Andreas, Filipus, Thomas, Bartolomeus, Mateus, Jakubus omuzandu ua Alfeus, na Simon omupyukire we hirawo, na Juda omuzandu wa Jakobus. ¹⁴ Avehe ve ri yandjera no mbango imwe oku kumba, pamwe no vakazendu, na Maria ina Jesu, no vangu ve. ¹⁵ Mo mayuva nga Petrus wa sekama na kurama mokati ko vakuawo, omana yari mangara esere no mirongo vi vari, na tja ¹⁶ ¨vakwetu pa sere oku kara nao kutja o matjangua ye enenisiwe, inga ombepo o Ndjapuke ngu ya hungira rukuru no tjinyo tja Dafita ohunga na Judas ngu wa hongorera imba mba kambura Jesu. ¹⁷ Orondu eye wa ri umwe wetu,nu wina wa ri norupa mo tjiungura tji. ¹⁸ ¨Nu omurumendu ngwi wa randa otjikunino mosuta mbya muna mo urunde we,tjazumbo eye wa wira pehino tjiuruorutu rwe a ru pamuka, nu omaura we aehe a e nanukire pendje. ¹⁹ Avehe mba tura mu Jerusalem va zuva otjina hi no tji va ruka otjikunino tji Alkedama meraka rawo, o ku tja ötjikunino tjo mbindu. ²⁰ ¨Orondu pa tjangwa membo ro maPsalme, ¨otjikando tje nga tji rire etundu, a pe ningi omundu ngu ma tura mutjo´ nu wina omundu warwe nga toore oruveze rue¨ ²¹ Otjima, pe so ku kara, no kutja umwe wo varumendu mbari puna ete oruveze aruhe Muhona Jesus tjinga e ya na tja zumo mokati ketu, ²² oku utira po mbapitisiro ya Johanne nga ke yuva nda twarwa kombanda okuza mwete, wa rire omuhongonone pu na ete wo mbendukire Je. ²³ Va twa ko murungu ovarumendu vevari, Josef ngua isaneua Barsabbas wina ngua rukua Justus, na Matias. ²⁴ Va kumba na vetja, ¨Ove Muhona u tjiwa omitima vyo vandu avehe, nu yarisa kutja oune mu vevari mba ingwi ngu wa toorora, ²⁵ o ku toora oruveze mo tjiungura tji nou Apostele mbui Judas mbua nakaura okujenda ko ruveze rue omuini.¨ ²⁶ Va jumba ozohanga ozo ku haka ku vo, nu o hanga aiurike ku Matias,tjazumbo a varua puna ova Apostele murungo naimue.