¹ Ponatshegelo ya ga Obadia. Morena Modimo o bua se a itebagantse le Etome: Re utule pego ka Morena morongwa o romile go tla ditshabeng are, ''nanogang! a re emeng kgatlhanong le ene re mo lwantshe!'' ² Bona ke tla go dira monnye magareng ga ditshaba; o tla nyenyafadiwa mo go golo. ³ Boikgogomoso jwa peloya gago bo go tsieditse ,wena o nnang mo dipharong tsa letlapa mo motseng wa gago o o manokonoko, o o ipoleletseng mo pelong, ''gore ke mang yo o tla digelang kwa tlase kwa lefatsheng?'' ⁴ Le fa o ka fofela kwa godimo jaaka ntsu, le fa sentlhaga sa gago se beilwe fa gare ga dinaledi, ke tla go folosa gone koo - go bua Morena. ⁵ Fa magodu a tsile kwa go wena, le fa e le dinokwane di tla bosigo - o ka seegelwa kwa tlhoko jang! a ga ba kake ba utswa selekanyo se ba se batlang? Fa balemi ba moretlwa ba tla kwa go wena, a ba tla kwa go wena, a ga ba kake ba go siela bontlha bongwe? ⁶ Dilo tsa ga Esau di fokotsegile jang,dikhumo tsa gagwe tse di fitlhilweng o di tsaya kae! ⁷ Borre botlhe ba bankane ba gago ba tla go supegetsa tsela ya gago go ya ko molelwaneng. Banna ba ba neng ba na le kagiso le wena ba go tsieditse., mme ebile ba go fentse. Bone ba jang borotho jwa gago ba go logetse segwenegwene. Ga a tlhaloganye sepe. ⁸ ''A etla e seke e re ka letsatsi leo '' - se ke mafoko a Morena - ''Bolaya banna ba ba botlhale ba Etome le kutlwisisano go tswa mo thabeng ya ga Esau? ⁹ le bagaka ba gago ba tla senyakwa, Temane, gore go motho mongwe le mongwe a kgaolwe mo thabeng ya ga Esau ka go bolawa. ¹⁰ Ka mabaka a dikgoka tse o di diretseng mogoloo Jakobe,o tla apeswa matlhabisaditlhong,ebile o tla kgaolelwa ruri. ¹¹ Ka letsatsi le o emeng o le nosi,letsatsi la baeng ba gapang dikhumo tsa gago le baditshaba ba tsena ka dikgoro tsa gago, ba latlha ditaola kwa jerusalema, o ne o tshwana le mongwe wa bone. ¹² O seka wa leba letsatsi la ga monnao,letsatsi le a leng mo motlheng wa tatlhego, o seka wa ikgantsha mo letsatsing la bone la kutlobotlhoko; ebile o seka wa itumela ka letsatsi la Bajuta la tshenyego ya bone. ¹³ O seka wa tsena ka dikgoro tsa batho bame ka nako ya kutlobotlhoko; o seka wa tsamaya o gasagasa dikgang ka nako ya dipitlagano tsa bone, ka nako ya mathata, o seka wa tshwara dikhumo tsa bone ka letsatsi ka letsatsi la tshenyego ya bone. O ¹⁴ seka wa ema ko marakanelong a ditsela go kgaola ba bangwe ba ba falolang, o seka wa neela bafalodi mo letsatsing la pitlagano. ¹⁵ Gonne letsatsi la Morena le gaufi mo ditshabeng tsotlhe. Jaaka o kile wa dira , go tla diragadiwa kwa go wena; ditiro tsa gago di tla boela mo tlhogong ya gago. ¹⁶ Ka o nole mo thabeng yame e e boitshepo, mme ditshaba di tla tswelela ka go nwa. Ba tla nwa a bo ba ja e nna ekete ga e ise e be ba nne teng. ¹⁷ Mme mo thabeng ya sione go na le ba ba tla falolang,mme go tla bo gole boitshepo; mme ba ntlo ya ga Jakobe ba tla tsaya ditsabone. ¹⁸ Ntlo ya ga Jakobe e tla nna molelo, le ntlo ya ga Josefa, e tla nna kgabo ya molelo, le ntlo ya ga Esau e tla netlama, mme ba tla di tshuba ba gaila. Ga gona yo o tla tshelang mo ntlong ya ga Esau, ka go buile Morena.'' ¹⁹ Batho ba Negefa ba tla tsaya thaba ya ga Esau le batho ba mafelo a mabotlana ba tla tsaya lefelo la bafilisita. Ba tla gapa lefatshe la baiferame le lefatshe la Samarea, le Benjamene o tla gapa Gileate. ²⁰ Bafaladi ba sesole sa batho ba Iseraele ba tla gapa Kanana go fitlha kwa Sarepate. Bafaladi ba Jerusalem ba kwa Sarepate, ba tla gapa ditoropo tsa Negefa. ²¹ Bagolodi ba tla thatogela kwa thabeng ya Sione go ya go busa kwa lefatsheng la thaba ya ga Esau, mme bogosi bo tla nna jwa Morena.