¹ Paulo na Timo, vapangi va Yesu Kilistus, na vushe vapangi muli Yesu Kilistus ku Filipo, na vushe vakungi na vakuluntu. ² Vuwana na mpula ku lyii kutunda kuli Njambi Tata na Mwangala Jesu Kilistus. ³ Njina ku pandula Njambi yange nshimbu yoshe nji kuvuluka, ⁴ muvi lombela vioshe na vioshe muli yovei nja thiethela ku lombela na lihafu, ⁵ mukulinga nguange mu kuli ta mbakana kove mu lyii lia ka lunga ku tamekela muli tangwa la muhovuo na lelo. ⁶ Mukukala na kuthivuka ngechi, ou akala na ku panga chipanga cha cili a ambata chipanga mpani li tangua lia Yesu Kilistus. ⁷ Kuvua muli yange ku kala na ku thivuka nja ku haka kumbunye yange. Mpani muvi ketenga na kulikandula na kuthivuka lyii na vioshe na muvi tambakana. ⁸ Njambi na thivuka o mu wa thinganyeka na Yesu Kilistus. ¹¹ Ukuni kwa keo ko ku lombela kwange: cilemo na cithivuko na kumona ⁹ mpani wa ku kala na kuthivuka mua kama na kukala na mulonga wa hi na li thiena lia Kilistus, ¹⁰ na ku kala na kuvuaha kwa tama na chihafu nangose kuli Njambi. ¹² Mpani njithithela muthievuke muvamala evi via hitele va via njikwasele mu lyii la matavelo. ¹³ Ovi vitunda ho, kuvi mona ko talatala nga ku omo naomo guendi muvi ketenga via Kilistus. ¹⁴ Muvi ketenga viange mu vamala muli muangana vatu lekethiele nguavu tu kwanye lyi lia Njambi na ku panga mua kama na ku tewa kwati. ¹⁵ Ya vucili vamo va lungesa Kilistus va na kala, nakuli kulitala na vuvi. ¹⁶ Vamo va kele na cilemo, na kuthivuka nguavo njili na ku haka lyii lia kuvuaha. ¹⁷ Vamo va kele na kulungesa Kilistus na vukalu na kuli tunga mwa mungulo vakele na maana a a vitanga. Ha njikele na muvi ketenga. ¹⁸ Ngavi ka hani vi? Chuoma cha kama mungila ya yi ngulu kuvuaha Kilistus va mulongesa, ¹⁹ ngechi ni ku lemesa. Wee, njia kuli lemesa. Muku thivuka naku lombela kwange na ku mu kwasa Mpundhi ya kama e yi yi tunda muli Yesu Kilistus. ²⁰ Njina tala muakama na huguvala no musi twa kukala na shuama, mpani na ku kala, na kuli kulithithimika ha Kilistus twa kumu yanda mu muvila, mu vutungi na mu kutia. ²¹ Muli yange ku paluka ni Kilistus na kutia ni cihangulo. ²² Mpani nga kuenda ku paluka mu muvila, nga cipanga cia kuvuaka muli yange. Cicho chihangulo? Kujia thivuka. ²³ Nji na tavuka mu vali . Ciyulo jia kuyaluka na ku kala na Kilustus, mua cili ²⁴ mpani kuthiala muvila cha kecho choma. ²⁵ Mukale na kuthivuka evi, njina thivuka na ²⁶ kutunga na kwenda nove nakuli hafesa moma tavelo, kukala nove lalo lihafu Kilistus Yesu ali tale muliendi. ²⁷ Vioshe vina kala ho muli kwateni mwa cili kuvuaha na lyii la Kilistus, mpani nga ncina kwinja ku mo muna na kumuvua mu li yove, njina kuthivuka nguange ona mua cili na litavelo limo naku kohamana mu lyii. ²⁸ Naku tewa kwa hi kuli o va vamo thingenyeka eci ca kiecho cimonyo ca kumona nguendi munakala nanthita, mpani ciyoya - cove ku tunda kuli Ndjambi. ²⁹ Ngeci va ci tungwithia muli yove mu li Kilistus ngeci kutava lika muliendi, mpani ku yanda, ³⁰ ku kalana cikwanya eci njamwene muli yange, mo mo kuvua muli yange.