¹ Kuakele mumala umo mumbongi ya Caesarea,lidhina lyendi,mbunga ya yitaliya. ² Owu mumalani wa tavele mulyidina la Kalunga na ku mu tewa manene na vantu vendi,nendi wa kelenaku nana vantu vidha na vya kulya,nakulombela kuli kalunga mu nthimbu yoshe. ³ Mu oula ya vutano na vuwanu kwa litangua, wa muene muengelyi eja kulyendi muengelyi wa mulinga nguendi, ''Conelase! '' ⁴ Conelase wa talele kuli muengelyi wa tewa wa handeka , ''Vika ,,Mukuluntu?'' Muengelyi wa mu leketha , ''Mu vyuma voshe wechele ku ma Apostoloi nguange na malombelo ove njina kutambola vuyoyi vyove vu ka mwachili. ⁵ Kutundaho tumeni mumala ku mbongi ya yopa va ka thane mumala vana kele nakuthana nguavo Simoni owu wa thanene Peturusa . ⁶ Wa kalele na makakapanga vikanga walidhina lya Simoni,wa njivo yendi ya kele kuchi kulu cha ndonga ya kama.'' ⁷ Omuo muengelyi wa handekele naku museza, Conelase wa thana vantu vavali valombeli mulyavo wava yoyethele, ⁸ Conelase wa valekethele vyoshe vya kalahalele naku va tuma ku yopa. ⁹ Omuo mulitangua lya mu chikuavo muvi oula vya vutano na imo ,vakele mumangendhi vana kele muyehi na mbongi,Peturusa wa vile kuilu ya njivo uka lombela . ¹⁰ Wa dhivile njula omuo vantu vakele naku panga vya kulya,Kalunga wa mu monethele, ¹¹ Wa muene lilu lina shokoloka na kumona chuma chakafuangue ntanga ya kama iwila muchifuti chama a kona a wana. ¹² Mulyayo ntanga oyo kuakele tuthitu tu wana na vyuma vyaku kalavela mu chituti,na vidhila vya muilu. ¹³ Kutundaho lijui lya handeka nendi; '' yimana Peturusa,nthiha ulye.'' ¹⁴ Vuno Peturusa wa handeka,keti muje,Njambi;nambe chimo chahe njalya nchakuvika chaku katoko.'' ¹⁵ Vuno lijui lyendele nawa kulyendi lya muchivali; '' echi Njambi wapangele kukushuka ku wa pandele kuchithanamua muvi. ¹⁶ ''evi vya solokele lutatu;kutundaho naku ambata kontina kuyihilutha kuilu. ¹⁷ Omuo Peturusa wa lyanganene mu vimona vyendi ana muene kulombonona,mana ngocho,Mumala ou atumine Conelase ane mana halutue lya chikolo. aha wa manene kuihula ngila yaku njivo . ¹⁸ Vathanene na kuihula nguavo Simoni, ou vanma kele na ku thana Peturusa kuona kele ndi. ¹⁹ Omuo Peturusa ana kele nakulihula nevi ana muene ,mpudhi yakupongoka ya handeka nendi, '' mana ngocho,vamala vatatu va kutonga. ²⁰ Imana na kuya hamavu na kuya navo, kechi ukale navimbunge vivali ,muomu yange nja va tumu.'' ²¹ Omuohani Peturusa wa yile hamavu lyavo vamala ku handeka . ''yange uno mulina kutona vika munendila?'' ²² Vahandekele , ''mukulutu wa lidhina lya Conelase, mumala wa vuchili na umo wakutewa Njambi,vaka muhandeka kuvuaha vanu voshe va yudasi, muengelyi wa ku pongoka wendhile na mudhimbuku lunda kuli Njambi kauneha ku njivo,kulinga vautolile. ²³ '' Peturusa wava eshika nguavoka ku tunga nendi.muchimenemene vahindukile naku lya nendi vakuavo vamo va tundi ku Yopa kumu thindikiya. ²⁴ Mulyitangua lya kushuamako vendhile ku Caesareya. Coneleasewa va tatamanene wa thanene lilona vavu thamba vendi. ²⁵ Peturusa wa kovelele, Conelase wa ya kulyendi na ku muvanena kumombela. ²⁶ Vuno Peturusa wa mukuasele. '''imana nange nji mumala.'' ²⁷ Omuo Peturusa wa handekele navo, wa kovela nakawana vanu vavengi vali hamo. ²⁸ Wa valeka nguendi , '''muna phande kudhivuka navangedhi,vuno Kalunga wanjimonesa nguendi keti thana monu woshe wamuvi. ²⁹ Vya kevo muna mono njineja kuvyako kudhi vuno kumua njimihulu hani nguange vika muanjithanena.'' ³⁰ Conelase wa handekele, ''mumatangua a wana a hitile, nja lombelele vi oula vitano munjivo,tala, mumala nemanene halutwe yange wadhale le vidhala vya kutoka. ³¹ Ahandeka, 'Conelase,malombelo ove ana adhivi Kalunga, movyoshe evi wechele ku lyendi vya mu thinga nyeketha nove. ³² Tumeni munyu umo ku Yopa, nakunjathanena mumala walidhina lya Peturusa. A ka kalam munjivo ya mu ka panga vikanela Simoni,kuchikolo ya ndonga ya kama.' ³³ Thimbu imo njaku tumine. Tuna vuahalelamukuinja kuove, kutundaho tuva voshe hutuli muchi zango chaka Kalunga tudhive vuoshe evi ana kaleketha Kalunga.'' ³⁴ Peturusa wa handeka, ''Vuchili njivuka nguange Kalunga ni muntu wavuchili , ³⁵ Woshe aka malombelo na ku mukutila atambala. ^{36 38} Adhivuka mudhimbu wendi ana ka tumine kumu Iseraele,aha wa tongonuene mudhimbo wa wuwa na chiyalo cha Yesusa Njambi wa voshe. ³⁷ Neni mua muene evi vya kalekele,mu Yudia viputuka mu Galalia,aha vamumonene kulombonona mbumbutisimu ya Yohanisaa; ³⁸ Yesusa wa Nasaretha wanyenguele na mukuitile madhi nakumuihula ndhili. wayile naku holesa vanu ava ana kele naku pangetha Satana ,Kalunga wa kele nendi. ³⁹ Tuva mbungi va Kalunga kulyevi ana kele na kupanga,mulifuti lya ma Yuda na mu Yerusalema. ⁴⁰ Va mutsihile na ku mu tiya ku kuilu, Kalunga wahindukile mu litungua lya muchitatu na kuuilumonekasa kulyavo, ⁴¹ Kechi munu wo she,vano vambangi valaja ava ahangu lile-etu tua lile nendi na ku nua nendi omu akahandekile ku vimbumbo. ⁴² Watulingile nguendi tuhandeke na vanu nguendi owu yikeye aha nguile kutu tsila vuvi vuetu. ⁴³ Vuoshe vili kulyendi na vapolofiti kutongonona.omuo hani woshe montu tangua atava mulyendi tangua amu konekela ku vuvi vuendi mulidhina lyendi ⁴⁴ Omuo Peturusa wa kele na kuhandeka.Evi vyuma vuoshe munu nakeleho na kutolila mwedhimbu mpudhi ya kupongoka ya kovela mu lyavo. ⁴⁵ Vanu ava vatavele mu mikanda ,voshe vendhile na Peturusa vakomokele,muo vuvwi vua mpudhi ya ku pongoka ya vatundithile va ka kuenda. ⁴⁶ Omuo hani vadhivile vangendhi vahandeka mudaka yavooku va pandula Kalunga. Kulundaho Peturusa a kumbulula, ⁴⁷ ''Aa kuali munu wa ka vindika ku mbatisa,ava vanu vali na mpudhi ya kupongoka ngechi yetu?'' ⁴⁸ Avalinga nguendi vana pande ku li mbatisa mulidhiva lya Yesusa Kristusa. Va mu lomba nguavo akale navo sunda.