1
Nambano jari omajuva javeri ko murungu uo mukandi uo zomboroto nde ha surisirue. Oviuru vio vapresteri no va tjangere ija veripura kutja mapeja a ve kambura Jeesu vi kovineja nu ve muzepe.
2
Orondu ija vetja, "A irire mo ruveze ro mukandi, kutja a pe ha kara ne zunganeno mo vandu."
3
Jeesu tjari mu Bethany mo ndjiuo ja Simon omuvere uo ngana, a a haama naua po tjitihe, kueja omukaendu kuje nonja jo vinuke oviua vio ndiru. Ua pamuna onja nu a tirire ovinuke mo tjiuru tje.
4
Nu pari tjiva mba pindika. Ave hungire kumue nu a vetja, "Ohepero ja tjike oku tjita onjoneno ndji?
5
Omaze nga itja je randisiua ko zo denarii o masere jetatu, nu a vi jandjeua ko vasiona." Nu a ve mu kandaiza.
6
Nu Jeesu ua tja, "Muesee a kare. Ma mu mu zungire tjike? Ua ungura otjina otjiua kuami.
7
Aruhe mukara puno omusiona, nu oiri aihe tji ma muzeri mapeja a mu ungura ouua kuvo, nu kamuna oku kara puna ami aruhe.
8
Ua ungura tji ma jenene. Ua tuirisa orutu ruandje ko mbakero.
9
Mo uatjiri me tja kuene, akuhe ombuze ja Mukuru ku mai tjiukisiua mo uje auhe, itji tji tja tjitua ijo murumendu ngui ma tji hungirirua ko, otjo tji zemburukisiro tje."
10
Nu Judas Iscariot, umue ua imbo murungo na vevari, ua ja ko vahona vo vapresteri kutja aenene oku mu jandja kuvo.
11
Ovahona vo vapresteri tji va zuva tji, va tjaterua nu ave sembamisa kutja mave mupe ovimariva. A utu oku paha oruveze ro ku mu jandja ku vo.
12
Mejuva etenga ro zomboroto nde ha surisiua, tji va punguha no ndu jo Paska, ovahongeua ve vatja kuje, "Ku pi ku mo paha kutja tu jende oku ka tuna, kutja ujenene okuria ovikuria vio Paska?"
13
Ua hinda vevari vo vahongeua ve nu atja kuvo, "Tueendee ko tjihuro, ma mu hakaene no murumendu omuteke uo meva. Mu kongoreree"
14
Nu ko muinio ndjiuo itjee, ' 'Omuhonge matja, "Etuuo randje ro mujenda ri pi pu me rire o Paska puno ovahongeua vandje?"
15
Me mu urikire etuuo ro ko mbanda enene nda tunua naua tu tuninee ngo."
16
Ovahongeua ave sekama avei ko tjihuro. Ave ka vaza avihe otja tje ve raere, nu ave tunu eriro ro Paska.
17
Ongurova tji je ja, eja puna imba omurongo na vevari.
18
Otja tji va haama po tjitihe nu a ma veri, Jeesu atja, "Mo uatjiri metja kuene, umue uenu ngu mari puna ami me ndji randisa."
19
Avehe vari mo ruhoze, nu ko umue na umue ave tja, "Kaina ku rira ami?"
20
Jeesu ua zira nu atja kuvo, "I umue ua imbo murongo na vevari, ingui ngu ma javeke omboroto puna ami mo tjijaha.
21
Orondu Omuna uo Mundu ma kaenda otja tji pa tjangua ohunga naje. Nu ouee! ka murumendu ingui ngu ma horora Omuna uo Mundu! Itja irira onaua nandaku ka kuaterue."
22
Ngunda ama veri, Jeesu ua toora omboroto, ei sere ondaja, nu a teja. Evepe nu atja, "Tooree itji. Indui orutu ruandje."
23
Ua toora otjinuino, a jandja ondangi, nu evepe avenu.
24
Atja kuvo, "Indji ombindu jandje jo ngutasaneno, ombindu ndja tirahirua ovengi.
25
Nu tjiri me mu raere, hina oku nua rukuao otji nuua tjo vihape ngandu kejuva ndo ndi me ke tji nua rukuao mo uhonapare ua Mukuru oupe."
26
Tji vaza no ku imbura eimburiro, va ja pendje ko Ndundu jo Mininga.
27
Jeesu atja kuvo, "Amuhe ma mu pandjara, orondu pa tjangua, 'Me tono omurise uo zondu a ze pandjara.'
28
Nu tji mba pendurua, mei ko Galilee ko murungu uenu."
29
Peturusa uatja kuje, "Nandarire avehe tji vau, ami hina oku ua."
30
Jeesu uatja kuje, "Mo uatjiri me tja kove, ndino-ii, outuku mbui-ngunda onduezu jo zo hunguriva ai hija vandara tuvari mo ndji patana tutatu."
31
Nu Peturusa uatja, "Tji mbi so oku ta puna ove, hina oku ku patana." Avehe ave jana oruja ndui.
32
Ve ja ko ruveze ndu isaneua Gethsamane, nu Jeesu atja ko vahongeua ve, "Haamee mba ngunda ame kumbu."
33
A toora Peturusa, James na Johanesa puna je nu autu oku haverua ijo meripura.
34
Nu atja kuvo, "Omuinjo uandje ma uriri tjinene, nandarire po ndando jo ndiro. Karee mba nu mu tarere."
35
Amai ko kure katiti, Jeesu ua uira pehi nu a kumbu kutja tji ma pe jenene oiri nga ikapite kuje.
36
Atja, "Abba, Tate, ovina avihe vi jenena mena roje. Isapo otjinuino tji puami. Nu airire ombango jandje,nga irire ojoje."
37
A kotoka nu eve vasa ava rara, nu atja ku Peturusa, "Simon, ua rara? Ua urua ijo ku tarera oiri imue?
38
Tareree nu ukumbe kutja amu ha hiti mo marorero. Omuinjo tjiri ouatjiri ma uzeri, nu onjama otjingundi."
39
Rukuao ua kaenda nu aka kumba, nu aka ungurisa omambo nga sana.
40
Tji ma kotoka rukuao, eve vasa ava rara, orondu omeho uauo jari ama je pata. Ka a ve tjiua kutja nga ve tjevi kuje.
41
A kotoka orutjatatu nu atja kuvo, "Ngunda mua rara nu ma mu suva? Opuo! Oiri ja jenene. Tara! Omuna uo Mundu ma randisiua komake uo vakutuke.
42
Pendukee; nga tu kaende. Taree, ingui ngu me ndji randisa uri popezu."
43
Ngunda ama hungire, Judas, umue ua imba omurongo na vevari, a vaza, nu o tjimbumba otjinene tjari punae no mangaruvio nozo nguinja, okuza ko Muhona uo vaPresteri, ozonongo zo matjangua, no vanane.
44
Nu omurandise ue ve urikiriire otjisanekero, amatja, "Omurumendu ingui ngu me hupite ongurije. Mu kamburee mu mu hinge no ndjeverero onene."
45
Nu Judas tja vaza, kamanga eja ku Jeesu nu atja, "Rabbi," nu e mu hupite.
46
Nu otji ve mu tuako omake nu ave mu kambura.
47
Nu umue ngua kuramene mene ua nana enga ruvio nu ake omukarere uo muhona uo vapresteri nu emu kondo okutui.
48
Jeesu uatja kuvo, "Mueja, tjimuna mbu mua teza erunga, no mangatuvio, no zonguinja o kundji kambura?
49
Tji mbari puna ene ejuva arihe nu ame mu hongo mo ndemberi, ka mu ndji kamburire. Nu itjo tja tjitua kutja omatuako je jenenisiue."
50
Avehe mbari puna Jeesu ve muesa ave tupuka.
51
Omuzandona, ngue rimangere erapi uriri nda mangerue muje, ua kongorera Jeesu. Omurumendu tji ve mu kambura
52
ua jesa onguu a tupuka muzu.
53
Va tuara Jeesu ko tjiuru tjo vapresteri. Imbo pari a pa uongarere ovapresteri avehe, ovanane, no zonongo zo matjangua.
54
Nu Peturusa uemu kongorera aeri omukambo ko ngotue je, oukokure uo tjiranda tjo tjiuru tjo mupresteri. Nu ua haama pokati ko vatjevere, mbari ama ve uoto omuriro oku isako ombepera.
55
Nu ovahona vo vapresteri no tjirata atjihe tjo va Juta ija ve paha omahangununino oku pirura Jeesu kutja ve mu zepe. Nu ave ha vaza po tjimue.
56
Orondu ovengi ija ve tuapo omahangununino nge heri ouo uatjiri, nu omahangununino uauo ka a je hitasana.
57
Tjiva va sekama nu ave jeta o mahangununino nge heri o uo uatjiri; ave tja,
58
"Tue mu zuva amatja, 'Me zunda o ndemberi indji ndja ungurua no make nu mo majuva jetatu me tungu jarue ndji ha ungurirue ko make."
59
Nu uina o mahangununino uauo ka a je hitasana.
60
Otjiuru tjo vapresteri ua sekama mokati kauo nu a pura Jeesu, "Kona ezirira? Otjikena tji ma tji hangununua ijo varumendu mba ohunga naove?"
61
Nu ua muina aha ziri po otjina. Nu otjiuru tjo vapresteri emu pura rukuao nu atja, "Ove ngu uri Kristu, Omuna ua ingui ngua Serua ondaja?"
62
Jeesu uatja, "Ouami; nu mo munu Omuna uo Mundu tji ma haama ko kuuoko okunene ko unane nu ameja mo vikamba vie juru."
63
Otjiuru tjo vapresteri a taura omituaro vie nu atja, "Ngunda ma tu hepa ova hangunune?"
64
Mua zuu o ndjambu. Mua mana kutja vi?" Avehe ave mu pangura otja ngu ma hepa okuta.
65
Tjiva va uta oku mutjekera omate no ku mu kutjira omurungu no ku mu heja kutja, "Uka!" Ovaungure ve mu toora ave mu tono.
66
Peturusa uari po ruveze pokati ko zo ndjiuo, umue uo vasukona o vakaerere vo tjiuru tjo vapresteri ueja ku je.
67
Uamuna Peturusa ama uoto, nu emu tara naua nu atja, "Ove uina uari puna omu Nasareta, Jeesu."
68
Nu a patana, a matja, "Hina okutjiua no ku zuva tji mo hungire ko munda uatjo." Nu o tja enda ko mapitiro. Onduezu jo hunguriva ai vandara
69
Nu omusokona omukarere ue mu muna nu autu oku raera imba mba kuramene mbo, "Omurumendu ngui iumue uavo!"
70
Nu a patasana rukuao. Kombunda oiri osupi imba mba kuramene mbo ave tja ku Peturusa, " Ouatjiri u umue uauo, orondu ove uina oove omu Galalea."
71
Nu autu oku senga no ku jana, "Hina oku tjiua omurumendu ingui ngu ma mu heje."
72
Nu ohunguriva onduezu ai kokora orutjavari. Nu Peturusa a zemburuka omambo inga Jeesu nga hungirire kuje: "Ngunda ohunguriva onduezu a ihija vandara po tuvari, mo ndji patana po tutatu," nu a pamuka nu ariri.