¹ Nu omuengeri outjatano ua tono ohiva je.Nu mba muna onjose okuza kejuru amai uire kombanda jehi. Nu onjose ja peua otjipaturure tjotjiretoto tjitji hina ndjandero. ² Nu eje ua patururire otjiretoto tjitji hina ndjandero, nu pa tuimine omuise oku za motjitoto, tjimuna omuise uotjizuko otjinene. Ejuva nombepo via zorerisirue motjimbe tjomuise mbua zire motjiretoto. ³ Nu momuise mbui mua zire ozombahu azeja kombanda jehi, nu za peua ouvara tjimuna ozondje zokombanda jehi. ⁴ Nu ozo za raerua kutja aze ha hihamisa ehozu ndiri kombanda jehi, poo oruhapo aruhe, poo omuti auhe, nunguari kutja nga ze hihamise ovandu imba mbe hina tjihako tja Mukuru movipara viao. ⁵ Nu kape jandjerue ku zo kutja ze zepe ovandu mbo, nunguari kutja ve hihamisiue omieze vitano. Nu omahihamisiro ua zo ja ri tjimuna ondje tji ja vete omundu. ⁶ Momajuva ingo ovandu mave je ku paha ondiro nu ave he imunu, nu mave jeku paha oku koka tjinene, nunguari ondiro mai je kutupuka okuza muvo. ⁷ Ozombahu aa zemunika tjimuna oukambe mbua tuninua ovita. Nu moviuru viazo za ri nomakori uouhona tjimuna ouongolto, nu omirungu viazo via ri tjimuna omirungu viovandu. ⁸ Nu ozo zari nozondjise tjimuna ozovakaendu, nu omajo ua zo ja ri tjimuna omajo uozongejama. ⁹ Nu za ri novitjevere viorukoro tjimuna ovitjevereviorukoro viovitenda. Nu ombosiro jovivava viazo ja sanene kombosiro jomatemba uoukambe omengi tji maje purukutire kovita. ¹⁰ Nu za ri nomitjira tjimuna ozondje, nu momitjira viazo viari nomasa uo oku hihamisa ovandu omieze vitano. ¹¹ Nu zari nombara kombanda ja zo, omuengeri uotjirekoto tji tjihina ndjandero, keraka ro Tjiheperi ngu ja isaneua Ambandona, nu mo Tjihirika ua ri Aporiona kena. ¹² Otjiuonga itji otjitenga tja kapita. Nu tara! Kombunda ja imbi ngunda mapeja oviuonga vivari. ¹³ Omuengeri outjahamboumue ua tona ohiva, nu mba zuva eraka amarizu mozonja ze zuko rombunguhiro ro ngolto ndiri pomurungu ua Mukuru, ¹⁴ Amari tja nai komuengeri ingui outjahamboumue ngua ri nohiva, ''Kutura ovangeri imba ovane mba pandekua kondondu onene Eufratesa.'' ¹⁵ Nu ovaengeri imba ovane mba ri a va tuninua oiri, nejuva, nomueze, nombura ovo vakuturua kutja ve zepe otjimbumba tjimue tjovandu mu vitatu. ¹⁶ Nu otjivarero tjo masorondate uoukambe tjari omangete omasere jevari. Nu ami mba zuva otjivarero tjao. ¹⁷ Nu ami otji mba muna mombunikisiro oukambe na imba mba kavirire kuuo: Nu ovitjevera rukoro via viari oviserarumbu, novindungura no ovirumbu tjimuna o rusurungu. Oviuru vioukambe via ri tjimuna oviuru viozongejama, nu movinjo viauo ija mu piti omuriro, nomuise nosurungu. ¹⁸ Imbi ovitatu imbi via zepire otjimbumba tjimue mu vitatu viovandu: omuriro, omuise nosurungu, mbia pitire movinjo viauo. ¹⁹ Orondu omasa uauo jari movinjo viauo, na momitjira viauo- orondu omitjira viauo tjinga a via ri tjimuna ozonjoka, avina oviuru, imbi mbija avi ungurisa oku topora oviruaro movandu. ²⁰ Nu ovandu imba ovakuao, imba mbe ha tire ijoviuonga mbi, kave rivererere ovitjitua viomake uao, kutja ave he rikotamene kozondemone, na kovisenginina vio vingolto, nosilveri, nongoporo, nomaue, nomiti mbi ha jenene oku muna poo oku zuva poo oku kaenda. ²¹ Nu uina kave rivererere oku zepa kuao, poo omauroi uao, poo otuvakiro tuao, poo omaurunga uao.