Ekondua Oritja murongo na ndatu
1
Mejuva ndo Jesu ua pita mo ndjiuo naka haama po posijo uo muronga.
2
Nu otjimbumba tjo vandu ovengi ua uongarera kuje,neje a hiti mo kaaha a haama,nu otjimbumba tjo vandu a tja kuruma mene ro muronga.
3
Nu Jesu a hungire ovina ovingi no visanekero,natja tareje,omukune ua pitire okuka kuna;
4
Nu eje tjija kunu ozondui tjiva za uira mene ro ndjira,no zondera zeja nu e ze zeri:
5
Tjiva za uira mo maue,Puzehari nehi nda jenene:nu ozo za pita tjimanga mokutja ka pari nehi ekoto:
6
Ejuva tji raza no ku ronda arire tji za pji, nu mokutja kazari no muze aze kukuta.
7
Nu tjiva za uira mokati ko makuija,no makuija tjija hapa a jeze sina.
8
Nunguari zemue za uira mehi eua,nu aze jeta ovihapa,tjiva omirongo hamboumue,tjiva omirongo vitatu,
9
Nguna omatui okuzuva ngazuve.
10
Nu ovahongeua veja nu avetja kuje,onguae tji u hungira kuena vo no visasanekero?
11
Neje ua zira natja kuvo, mokutja pa jandjeua kuene okutjiua oviundikua vio uhuna uejuru,nunguari kuvo kape jandjerue.
12
Orondu kaaniauhe nguno tjina,eje ma peua,nu akara novena ovingi oku tanana:nu ingui ngu hina tjina,na itji tje natjo matji toorua muje.
13
Pumbizo ku hungira kuena vo no visasanekero o mokutja,ovo a mavetara kave munu,a mave puratene kave zuu nu kave pangununa.
14
Nu muvo mu jenenisiua otjiprofeto tja Jesaja,tji tjitja, ingui oku zuva mamu zuu nu ka muna ku pangununa, nu okumuna ma mu munu nu kamuna ku kondonona.
15
Orondu o mitima vio vandu imba via nuna,nu omatui uao ja rira omangundi okuzuva,nu omeho uao ja patua,kutja apeha ningi kutja mo ruveze rumue ve mune no meho uao poo ve zuve no matui uao nu ve pangunune no mitima viao nu ve tanaurue kutja Ami mbi ve verukise.
16
Nunguari omaningandu omeho uenu orondu je muna:no matui uenu orondu je zuva.
17
Tjiri metja nai kuene,kutja ovaprofete ovengi no varumendu ovasemba ovengi va zerire okumuna ovina mbi mbimumuna; no ku zuva ovina mbi mbimuzuva,nu kave vi zuvire.
18
Nambano zuvee otjisasanekero tjo mukune.
19
Omundu auhe tja zuu indi embo rouhona nu ehe ri pangununa naua, a peja ingui omunauvi,na hakana tji tjari atja kunua mo mutima ue.Ingui ngua jakura ondui mene rondjira.
20
Tji tja kunua mehi ro maue, omundu ngu mazuu embo,nu tjimanga a jakura ro no ndjoroka.
21
Nunguari a e hina muze muje omuini,eje otje Takama oka ruveze okasupi,nu ombamisiro po okohangaurua tji kueja mena rembo eje u putara mo tjimanga.
22
Tji tja kunua mokati ko makuija ;ingui omundu ngu zuva embo;nu omerikendero uo vipukise, vio tutumbo to uje atu sina indi embo;a ha jeta ovihape.
23
Nu ondui ndji ndja kunua mehi eua, itji omundu ngu zuva embo na pangununa ro,nu rukuao ngu jeta otjihape,tjiva esere,tjiva omirongo hamboumue,tjiva omirongo vitatu.
24
Jesu eve pa otjisasanekero otjikuao natja,ouhona uejuru mau sasanekua ko murumendu ngua kuna ondui ombua mo tjikunino tje:
25
Nunguari ngunda ava rara,omunavita nae tjeja na kunu ozondombora mokati ko vikokotua vie,nai
26
Nu imbio vikunua tjivia zu no ku pita jeta ovihape, inda ozondombora za munika uina.
27
Nu imba ovakarere vo munionganda veja nu a vetja kuje,munene,tjii ove ko kunine ondui ombua mo tjikunino tjoje? inda ozondombora,ma zire pi?
28
Eje uatja kuvo,omunavita ongua tjiti itji.Ovakarere va tja nai ku je,ete ngatu jende tu ka tukura uonge?
29
nunguari eje uatja,kako,tjaa rumue tji mamu uongo inda ozondombora ngaa mu putura omiti vio vikokotua muena zo.
30
Viesee vi hape pamue nga ko makondero: nu moruveze ruo teero ami mee kutja nai kovakonde,uongeree kumue inda ozondombora rutenga nu ze kutee kumue mo mikuta kutja ze huikue: nu uongereje ovikokotua mo viruuona viandje vio mbuikiro.
31
Eje ue pa otji sasanekero otjikuao,natja,ohuna uejuru ua sana kondui jomumosteri ndja toorua ijomundu,nu a kunu jo motjikunino tje:
32
Ojo ndjiri okatitititi mo zondui azehe,nu ojo tjije kuru,I kapita ovihape a vihe nua irire omuti,nu ozondera zo mo mbepo zeja naze tura mo vitavi viauo.
33
Ueve serekarera otjisasanekero otjikuao,Ouhona uejuru uasana ko surise, omukaendu ndja toora na uaneke mo ruhere ruo zomboroto ruozolita omirongo vivari na mbari nga tjirua suru aruhe.
34
Jesu ua hungirire ovina mbi avihe ko uingiuingui uo vandu no visanekero:nu no kuhina tjisasanekero eje kaa hugire kuena vo.
35
kutja ku jenenisiue itjintji tja hungirirue ijo muprofete,tja tjere,me paturura otjinjo tjandje no visasanekero,me hungire ovina mbia undikirue okuza ko mbutiro jouje.
36
Jesu kuzambo ua isa ouingiuingi uo vandu nu ahiti mondjiuo:nu ovahongeua ve veja kuje nu avetja,tumangururira otjisanekero itjo tjo zondombora mo tjikunino.
37
Eje ua zira nu atja nai,ingui ngua kuna ondua ombua Omuna uo mundu;
38
Ojikunino ouje,ondui ombua ovanatje vo uhona; nu indo zondombora ovanatje va ingui Omurunde;
39
Omunavita ngue ze kuna Omunauvi; omakondero omajandero uouje; nu ovakonde ovaengeri.
40
Nu otja inda ozondombora tji maze uongua nu aze huikua mo muriro,otji mapee ku kara ko maandero uouje mbui.
41
Omuna uo mundu mee ku hinda ovaengeri ve, nu mavee ku uongera pendje ovina avihe ovijaukise,na imba mbe tjita ourunde.
42
Nu mave umbua me zuko ro muriro:nu ingo maku ka kara omauriro no makueero uomajo.
43
Nu imba ovasemba otji mavee ku kenakena otje juva mouhona ua Ihe jao. Ngunomatui nga zuve.
44
Ouhona uejuru u asana ko tjihuze tji tja horekua motjikunino,Omundu ue tjivaza na horeke,nu mo ndjoroka a kaenda,a karandisa ovina avihe mbienavio, na randa otjikunino tjo.
45
Rukuao,ouhona uejuru ua sana ko mundu ngu randa no ku randisa,ngu ja paha omaue omahuze:
46
Nu tjamuna rimue ena ndengu jo tjimariva tjohaveha,ngua ire na karandisa avihe mbia ri navio n aka randa ro.
47
Rukuao,ouhona uejuru uasana ko mbate jo mahundju,ndja umbiruemo muronga,nai uongo omahundju uo zo ndungiro azehe:
48
Ojo tji jaza nokuura,ovo vei nanena komukuro,nave haama pehi,nave uongere inga omasemba mo vitjuma nu inga omavi ave nakere kuarue.
49
Nu mapee ku kara nao komaandero uouje:ovaengeri maveja nave hana ovarunde movasemba,
50
Nu mave umbua me zuko ro muriro: nu ingo maku ka kara omauriro no makueero uomajo.
51
Nu Jesu uatja nai kuvo,ene mua pangununa ovina mbi avihe? Novo vatja nai kuje ii Muhona.
52
Neje otja tja nai kuvo,okutja omutjange auhe ngua hongua imbio vio uhona uejuru,uri otjo munionganda,ngu ma pitisa mo vihuze vie ovina ovipe novikuru.
53
Nu pa kara nai kutja,Jesu tjaza no ku mana ovisasanekero mbi, ua kumuka ponambo,
54
Nu tjeja kehi re omuini a hongo mozo sinagoge jao,nu ave himua tjinene na vetja,omurumendu ngui ua isapi ounongo noviungura ovinamasa mbi?
55
Ingui ka muna uo muhonge uo miti are? Ina ka isaneua Maria? Ovamuangu ve kao Jamesa,na Joses,na Simona na Judas are?
56
Imba ovatenakue kaveri mokati ketu avehe are? Nu nambano omundu ngui ua isapi ovina mbi avihe?
57
Novo arire tji va pindikisiua ije.Nunguari Jesu uatja nai kuvo,omuprofete kena pona peha munu ondengero andu mehi re omuini na mo ndjiuo je omuini.
58
Nu aha tjiti ovihumise ovingi ingo mena ro ku hina ngamburiro kuao.