1
Nambano mejuva etenga rotjiveke, rukuru muhuka omunene ovo veja ke endo, ava tjindi ovinuke, mbi va tunu, averi puena ovakuao varue.
2
Novo va vaza eue a ra kunguzurua ara isapeua pejendo.
3
Nuvo va hitire moukoto, nave ha vaza orutu rua Muhona Jesu.
4
Nu pa kara nai ovo ngunda ava temua averi mbo, kutja tara, ovarumendu vevari vozombanda ozongenangene va kuramene mene rao.
5
Novo va urumine nu ave uorere omirungu viao pehi mehi, nave tja kuvo, "Mamu pahere tjike omunamuinjo movati?
6
Eje kepo imba, nunguari ua penduka, zemburukuje Eje tja hungirire kuena ene ngunda aeri kOgalilee.
7
Tja tjere, Omuna uOmundu uasokujandjeua momake uovandu ovarunde, nu a penduka rukuao mejuva oritjatatu."
8
Novo va zemburuka omambo Ue,
9
Nave kotoka okuza kombongo, nave serekarere ovina imbi ku imba omurongo na umue, na ku imba avehe.
10
Maria Magdalene, na Joana, na Maria inaa James, novakazendu ovakuao mbari puena vo, omba serekarerere ovina imbi kovakuao.
11
Nu omambo uao ja karere kuvo otja ovihambarere, novo kava ve itaverere.
12
Nu Petrusa otja sekama na tupuka ke endo, nu tja munine moukoto a munu ozonguju a za tu ua potjikoro ovine. Nu eje a kaenda aa himua a me ripura kutja pa kara tjike.
13
Nu, tara, mejuva otjingero vevari vao va ja kotjirongo, tja Emaus, tji tjari mangara ozomile hambombari okuza mo Jerusalema.
14
Novo va serekarera pamue ovina imbi avihe mbia tjitirue.
15
Nu pa kara nai kutja ovo ngunda amave serekarere nokuripura, Jesu omuini ua riama popezu navo nu A kaenda puena vo.
16
Nu omeho uao ja paterue kutja ave he Mu tjiua.
17
Jesu uatja kuvo, "Omange mbo ngu mamu serekarere otj tji mamu kaenda? Va kurama mbo avahara oruhoze.
18
Nu umue uavo, Cleopas kena ua zira na tja ku Je, "Ove oove omuriange uriri mOjerusalema, ngu u hina ku tjiua ovina mbia karere po momajuva inga?"
19
Jesu uatjere kuvo, "Ovikuae?" Novo va tja nai ku Je, "Ovina mbiri ohunga na Jesu ua Nasareta, nguari omurumendu, Omuprofete uovitjitua ovinamasa nembo enamasa pomurungu ua Mukuru novandu avehe,
20
Nokutja ovapristeri ovanene, novanane vetu ve Mu jandjere vi kombanguriro jondiro nave Mu papere kotjikoroise.
21
Nu ete tuari nomaundjiro uokutja Eje ongu me je ku randurura o Israel. Ii, pendje ja imbi avihe, ndino ejuva oritjatatu nganda ovina imbi a via tjitirue,
22
Novakazendu vorive mokati ketu mbai kombongo muhuka omunene vetu himisa,
23
Ovo kave vazere orutu Rue mejendo, notji veje, nave tja, va munu ombunikisiro jovaengeri, mba tja Eje U nomuinjo.
24
Nu vemue va imba mbari puena ete vai kejendo, nave ke ri vaza otja imba ovakazendu pu va hee. Nunguari Eje kave Mu muine.
25
Nu Eje otja tja nai kuvo, "Ouene varumendu omajova, vomitima viongono oku itavera avihe ovaprofete mbi va hungirire.
26
Kriste ka A sere oku hihamisiua movina mbi nokuhita moujere Ue?"
27
Nu okuuta ku Mose novaprofete avehe, Eje ua honga vo okuza momatjangua ohunga na Je.
28
Novo veja popezu notjirongo ku ja vei, Jesu atjiti tjimuna ma kapita.
29
Nunguari ovo ve Mu tjaerere, "kara puena ete, orondu omapeta ja tumbuka nejuva ra toko." Jesu uahita okukara puena vo.
30
Nu pa kara nai kutja Eje tja haamene pe riro puena vo, Ua toora omboroto n Ei sere ondaja, na kojora jo nu Ei jandja kuvo.
31
Nomeho uao ja patururua novo ave Mu zemburuka. Nu Eje ua zenga pomurungu uao.
32
Novo vatja nai, umue komukuao, "Omitima vietu ka viari ama vi pji moukoto uetu, Eje tjari a ma hungire kuena ete mondjira, Eje tjari a Me tu mangururire omatjangua?"
33
Novo va sekama mo ire otjingejo indjo nave jaruka kOjerusalema, nave vaza imba omurongo na umue ava uongarere pamue, na imba mbari puena vo.
34
Nave tja, "Muhona ua penduka katjiri nu Ua munika ku Simon."
35
Novo va serekarera ovina mbia tjitua mondjira, nokutja ovo ve Mu zemburuka vi momakojorero uomboroto.
36
Novo ngunda amave hungire nai, Jesu omuini ua kuramene mokati kao, nA tja kuvo, "Ohange ngai kare puena ene".
37
Novo va urumine tjinene, amave tjangovasi mave munu otjiruru.
38
Jesu ua tja nai kuvo, "Mua urumisiua i tjike? Nu onguae omauripura uenu tji maje jeruruka momitima vienu?
39
Tareje, omake Uandje, nozombaze kutja Ouami omuini! Ndji tuneje nu mu mune, orondu ombepo ka ina njama nomatupa, otja tji mamu munu kutja Mbi navio."
40
Nu Eje tjaza noku hungira nai, Eje Ue ve raisira omake Ue nozombaze Ze.
41
Novo ngunda ave hina ku kambura mena rondjoroka nokuhimua, Jesu uatja nai kuvo, "Muna ovikuria imba?"
42
Novo ve mupa okatjaive kehundju nda pji, novihira viozonitji,
43
Nu Eje ua jakura na rire pomurungu uao.
44
Eje Ua tja nai kuvo, "Tji mbari punaene, Mba hungirire kuene kutja ovina avihe mbia tjangua I Mose novaprofete na momapialme ohunga na Ami via sokujenenisiua."
45
Kuzambo Eje otja paturura omapangununino uao, kutja ve pangunune omatjangua.
46
Eje Ua tja kuvo, "Otji pa tjangerue notjipapuire kutja Kriste ahihamisiue, nokupenduka movati ejuva oritjatatu.
47
Nomeriverero uondanaukiro nondjesiro jomauvi ja sokuzuvarisiua moviuana avihe mena Re okuuta mOjerusalema.
48
Nu ouene ozohatoi zovina mbi.
49
Nu tareje Me hindi otjikuizikiua tja Tate kombanda jenu, Nunguari kareje motjihuro tja Jerusalema ngatji mua zarekua nomasa okuza kombanda."
50
Jesu ueve hongorerere nga popezu na Bethanie. Na jerere omake ue kombanda ne eve sere ondaja.
51
Nu pa kara nai kutja Eje ngunda ame ve sere ondaja ua haniua kuena vo, nu atoorerua kombanda Kejuru.
52
Novo ve Mu hivirika nave jaruka kOjerusalema nondjoroka onene.
53
Novo va karere mondemberi oire aihe amave tanga nokujozika Mukuru.