1
Notjimbumba atjihe otji tja sekama nu atji Mu nanene ku Pilatus.
2
Novo va utire oku Mu pahera ondjo, amave tja, "Tua vaza omurumendu ingui a ma pukisa otjiuana, a ma tjaere otjiuana okusuta otjouhona komukesare, Ama tja Eje omuini onguri Ombara, Kriste."
3
Nu Pilatus ue Mu pura, na tja, "Oove ngu u ri ombara jOvajuuta?" Nu Eje Ue mu zira na tja, "Opo pu mohee."
4
Kuzambo Pilatus ua heja ovapristeri ovanene notjimbumba tjovandu kutja, "Ami hina kumuna ondjo momundu ngui."
5
Novo va ndandiparere tjinene, amave tja, "Uzunganisa ovandu, nokuhonga kue mehi arihe ra Judea, okuza kOgalilea nga nguno."
6
Nu Pilatus tja zuva Ogalilea, ua pura kutja, Omurumendu ingui hapo o ua Galilea?
7
Neje tja jtiua kutja uaza kehi rouvara ua Herodes, ue Mu hinda ku Herodes, eje uina nguari mOjerusalema oruveze nduo.
8
Nu Herodes tja muna Jesu, eje ua joroka tjinene, orondu eje ua pahere okumumuna orure, mena rokutja ua zuvire ovina ovingi ohunga na Je. Eje ua tjangovasi ma munu otjihimise tjimue amatji tjitua i Je.
9
Nu eje ue Mu purire nomambo omengi, nunguari Eje ke mu zirire kotjina.
10
Nu imba ovapristeri ovanene novatjange, va sekamene nave mu paha ondjo tjinene.
11
Nu Herodes novasorondate ve Mu njekererere noku mu huikika ozombanda zeviaro, nu kuzambo e Mu jarura ki Pilatus.
12
Nu mejuva otjingeruo, Pilatus na Herodes va hangana, orondu ovo komurungu ua nai va ri novita kumue.
13
Nu Pilatus tja zire nokuisanena pamue ovapristeri ovanene, novanane, novandu,
14
Ua tja nai kuvo, "Mua jeta omurumendu ngui kuami otja umue ngu pukisa ovandu. Nu Tareje, tji mbazu nokumukondononena pomurungu uenu, hi vazere ondjo momurumendu ingui ohunga novina, mbi mamu hatoire.
15
Kako, na Herodes uina, orondu ami mbar i a mbe mu hindi ku je, nu tareje, kapena tjina tji tja puirua ijondiro tji tja ungurua ijomurumendu ingui.
16
Opume Mu tonene ozongora ne mu kutura.
17
Orondu pari ohepero kutja eve kuturire umue momukandi.
18
18 Novo va urira tjimue kombanda, amave tja, "Ingui nga ze po nu tu kuturira Barabbas!"
19
Barabbas omurumendu ngua umbirue mondorongo mena rezunganeno nda karere motjihuro,nokuzepa.
20
Pilatua ngua otja tja vangere okukutura Jesu ua hungirire kuena vo rukuao.
21
Novo va ura, amave tja, "Papera kotjikoroise, Mu papera kotjikoroise!"
22
Neje ua tja nai kuvo orutjatatu, "Mena ra tjike? Eje Ua tjita ouvi ua tjike? Ami hi muine ezeva rokuMuzepa, opu me Mu tonene ozongora nu e Mu kutura."
23
Novo ve mu ninikiza nomaraka omanene, amave paha kutja A zepiue. Nomaraka uao na inga ouovapristeri ovenene a tona.
24
Nu Pilatus otja jandja ombanguriro kutja ngape kare otja pu ja ve vanga.
25
Neje u eve kuturira ingui ngua hitisiririrue ezunganeno nokuzepa mondorongo, ngu va pahere, nunguari a jandja Jesu kombango jao.
26
Nu ngunda amave Mu tuara va tua omake uao ku Simona ua Kirene, ngu a zu mokuti. Novo va tuire otjikoroise ku je oku tji tjinda kombunda ja Jesu.
27
Nu Eje ua kongorererue ijotjimbumba otjinene tjovandu, novakazendu, mbu ja ve urire Je nokumuririra.
28
Nunguari Jesu ua tanaukiririre kuvo natja, "Vasuko va Jerusalema, amu Ndji ririre, nunguari riririreje oveni novanatje venu.
29
Orondu, Tareje, omajuva ma jeja mu ma veje kutja, 'Ovaningandu ozongandji, novikuatero mbi ha kuatere, nomavere nge hina ja njamisisire.'
30
Nu otji ma veje kutja nai kozondundu, Uireje kuete, nu kozondunda, 'Tu kutjireje.'
31
Orondu tji mave tjitiovina mbi komuti omutarazu, ku imbui omukukutu maku tjitua vi?"
32
Nu apri novakuao vevari, ovazunde, mba tuarerue puena Je okukazepiua.
33
Novo tji va vaza pona pupe isaneua "oKalvary," imbo opuve ve paperera kovikoroise, Eje puena imba ovazunde, umue aeri kokuuoko okunene umue aeri kokuuoko okumoho.
34
Nu Jesu uatja, "Tate, ve jesira orondu kavena ku tjiua tji mave tjiti." Nu ovo va hanasana ozombanda Ze, nokuumba ozohanga.
35
Novandu va kuramene nave tarere. Nu ovanane rukuao mbari puena vo ve Mu njekererere nave tja, "Eje ua jamene ovakuao, ngeri jame omuini tjeri Kriste, Omutoororua ua Mukuru."
36
Nu ovasorondate uina ve mu njekerera, amave ja kuje, okumupa o vineka.
37
Amave tja, tji uri ombara Ovajuuta, rijama omuini.
38
Nu omatjangero ja tjangua kombanda Je mOtjihirika, nOtjilatina, nOtjiheperi, "INDJI OMBARA JOVAJUUTA."
39
Nu umue uovazunde imba mba paperua, ue Mu jamburura, na tja, "Ove tji uri Kriste rijama omuini na ete."
40
Nunguari ingui omukuao mezirira ue mu kandaiza na tja, "Ove kotira Mukuru are, ngunda a ua munu ombanguriro otjingejo?
41
Nu ku ete aeri mousemba, rorndu ete tjitua munu otjisuta tji tja puira ovitjitua vietu, nunguari Omurumendu kena tjina tja zunda."
42
Neje ua tja ku, "Jesu, Muhona, ndji zemburuka tjo mo ja mouhona uoje."
43
Nu Jesu Ua tja nai ku Je, "Tjiri Me tja nai kove, ndinondi ove mo kara puenaAmi mOparatisa."
44
Nu mangara moire oitja hamboumue, kua kara nondorera kombanda jehi arihe nga ko ire oitja muviu.
45
Nu ejuva ra zorerisiua nu otjitjivikize tjomondemberi tja taurua pokati.
46
Nu Jesu ua urire neraka enene, nA tja, "Tate Me jandja ombepo jandje momake uo Je." Nu tjaza nokutj nai, ua suvanena ombepo Je pendje.
47
Nunguari ingui omukendurio tja muna tji tja tjitua, ua hivirika Mukuru, ama tja, "Tjiri ingui ua ri omurumendu omusemba."
48
Nu ovandu avehe mba uongarerere okumuna tji, nu mba muna ovina imbi mbia tjitua, ve ritona motukoro nave jaruka.
49
Nomapanga Ue ajehe, novakazendu mbe Mu kongorerere okuza kOgalilee, va kuramenene kokure amave tarere ovina imbi.
50
Nu tara pari nomurumendu omunauvara ngu ja isaneua Josef, eje ua ri omuua nomusemba.
51
Ingui eje ka a itaverasanene nondiero na itji tji tja tjitua. Eje ua zire kOarimathea, otjihuro tjOvajuuta, nu eje uina ua undjire omeero uOuhona ua Mukuru.
52
Nomurumendu ingui ua ire ku Pilatus, nu a ka ningira orutu rua Jesu.
53
Neje ue Ru turura, nu E ru manga monguju, nu e Ru rarisa mombongo Je ndja kororerue meue, mu mu hina mua rarisirue omundu.
54
Nejuva ndo rari oromarongerero, nu esabata a ra tumbuka.
55
Novakazendu imba mbe ere puena Je okuza kOgalilee, uina va kongorera nave kamuna indi ejendo, nokutja orutu Rue rua rarisiua vi.
56
Novo va jaruka nave katuna ovinuke novisopore. Novo va suvire mesabata, otja koveta.