1
Jesu ua jerere omeho, na rire tja munu ovatumbe ameve umbu ovijandjeua viao motjikes tjovimariva.
2
Nu Eje rukuao ua muna omuhepundu uorive omusiona ama umbu oumariva uvari uovitenda moukoto.
3
Nu Eje Ua tja, Tjiri Me tja nai kuene, kutja, omuhepudu ingui omusiona ingui ua umbu moukoto okukapita avehe.
4
Orondu avehe va umbu ovijandjeua ku Mukuru okuza mouingi mbu ve nao, nunguari eje okuza mouhepe ue ua umbu atjihe tjaru natjo moukoto.
5
Nu vemue va hungirire komunda uOndeberi kutja ja mbimbirirue nomaue omaua novijandjeua, nu Eje Ua tja nai,
6
"Otja ku imbi ovina mbi mamu munu, omajuva maje ja, ngeri kutja kapena eue rimue ndi mari je ku seua kombanda je kuao, ndi hina ku umbua pehi."
7
Novo ve mupura amave tja Muhonge, ovina mbi mavi je ku tjitua rune? Notjisanekero tjomajenenisiro uovina mbi ma ije kurira tjike?"
8
Jesu ua tja, Tjevereje kutja ape ha ningi umue ngu me mu pukisa, orondu ovengi mave je kuja mena Randje amave tja, OUAMI. Nu rukuao, Oruveze rua tumbuka! Amu ve kongorere.
9
Nu tji mamu zuu komunda uovirua nomazunganeno, amu uruma, orondu ovina mbi viasokukarapo rutenga, nunguari ondjandero kai na ku karera po imbo."
10
Kuzambo Eje uatja kuvo, "Otjiuana matji sekamene otjiuana, nouhona au sekamene oukuao.
11
Nu mape kara omanjinganjingiro uehi motuveze pekepeke, nozondjara nomitjise omize. Noozombunikiro ozondirise novisanekero ovinene mavi kara mejuru.
12
Nunguari komurungu ua imbi avihe, mave tuako omake kuene nu ave mu tatumisa, amave mu nanene pomurungu uozosinagoge na mozondorongo, nave mujeta pomurungu uozombara novanane mena Randje.
13
Nu itji ma tjije ku tanaukira ouhatoi kuene.
14
Opumuasokutakamisa itji momitima vienu kutja kamuna ku ripura omazirira ngu mamu ka jandja.
15
Orondu Ami Me mupe otjinjo nounongo ovanavita na ene mbive hina ku peura okutara poo okupatana.
16
Nene ma mu je ku hororua ijovakuate venu, ovakuatuapamue naene, omuhoko vienu nomapanga. Novo maveje ku tjita kutja tjiva venu ve zepiue.
17
Nu avehe mave je ku mu tondera Ene Randje.
18
Nunguari kapena ndjise joviuru vienu ndji mai je ku pandjara.
19
Mena romiretima vienu mamu je ku takamisa ominjo vienu.
20
Nu tji mamu je ku muna Ojerusalema atja koverua ijovimbumba viovasolndate, imbo tjiuee kutja omanjoneno uatjo ja tumbuka.
21
Indino imba mberi mu Judea ngave taurire kozondundu. Imba mberi mokati katjo ngave pite mutjo. Nu imba mberi pendje ave kahita mutjo.
22
Orondu inga omajuva uomerisutisiro, kutja imbi avihe mbi tjangua vi jenenisiue.
23
Ouee ku imba ovingundi novanjamisise, momajuva ingo. Orondu ma peje ku kara ombamisiro onene kombanda jehi nomazenge kombanda jovandu imba.
24
Nu maveje ku uisiua ijoutue uengaruvio, nave tuarua ovahuurua koviuana avihe. Nojerusalema ma tjije ku ajtua ijovahakambure, nga otuveze tuovahakambure tjitua jenenisiua.
25
"Mape kara novisanekero mejuva na momueze na mozonjose; nomburuma nomajaraarero moviuana kombanda jehi, Omironga nozongazona amavipose,
26
Omitima vio vandu amavi ngundipariua ijomburuma, nokutarera ovina imbi mbi mavija kombanda jehi. Orondu omauvara uomajuru maje njinganjingisiua.
27
Nu kuzambo otjima ve je ku muna Omuna uOmundu ameja motjikamba nouvara noujere ounene.
28
Nu ovina mbi tji via utu okujenennisiua, jereje oviuru vienu kombanda, orondu onguturiro jenu tji ja tumbuka.
29
Jesu ua hungira otjisasanekero kuvo, "Tareje omukujumbua nomiti avihe,
30
Tjivia via njomoka, na mu munu muritjivirua oveni kutja oruteni rua tumbuka.
31
Nu momuano otjingeuo tji mua munu ovina imbi amavi jenenisiua, tjiuee kutja Ouhona ua Mukuru ua tumbuka.
32
Tjiri Me tja nai kuene, Ondekurona indji kai na ku kapita ko ngunda ovina imbi avi hija jenenisiua.
33
Ejuru nehi mavi kapita, nunguari omambo uandje kanaa je kapita ko.
34
"Nunguari rutjevereje, kutja omitima vienu avi urisiua neraru nomerikendero uohupo, nu ejuva indo arija muene tjimanga,
35
Orondu oro mari ja otjo nguehe kombanda ja imba avehe mba tura kombanda jehi.
36
Opu muasokukara katumba noku kumba aruhe, kutja mu varue ovanandengu kutja mu je ku jepa ovina mbi avihe mbi mavi je ku jenenisiua, noku kurama pomurungu uOmuna uOmundu."
37
Nu momutenja ija hongo mondemberi, nu ngurova ija piti aka kara kondundu, ndji isaneua Ondundu Jomininga.
38
Novandu avehe ija veja ku Je rukuru muhuka kondemberi, oku Mu zuva.