1
Nu pa kara nai mu rimue romajuva ngo, Eje otja tjija hongo mondemberi, Ama zuvarisa Ombuze Ombua, kutja ovapristeri ovanene, novatjange, ve mujendera puena ovanene,
2
Novo va hungira kuena Je, nave tja, "Tu raera, ovina imbi u vi tjita nouvara une, Poo ouani ngue mu pa ouvara mbui"
3
Eje ua zira na tja kuvo, "Me mu pura otjina tjimue nu ndji zireje:
4
Ombapitisimo ja Johanesa ja zire kejuru, poo, movandu?"
5
Novo ve ripura mokati kavo oveni, amave tja, "tji tua tja, 'kuza kejuru', Nu onguae tji mu ha kamburire mu Je?
6
Nunguari tji tua tja ojovandu, ovandu imba avehe mave tu vete omaue orondu, orondu ovandu avehe ve itavera kutja Johanesa uari omuprofete."
7
Novo va zira amave tja, kavena ku tjiua kutja ja zire pi.
8
Jesu ua tja nai kuvo, "Ami uina opumbihina ku mu raerera kutja ovina mbi mbi tjita nouvara une?"
9
Nu Eje ua uta okuserekarera ovandu otjisasanekero tji, "Omurumendu rive ua kunine otjikunino tjomivite, na jazemisa tjo kovaungure narire tjai kehi rokokure.
10
Nu moruveze ruomahorero uovihape, eje ua hinda omukarere kovaungure votjokunino kutja ve mupe tjiva viovihape viomivite, Nunguari ovaungure votjikunino ve mu tona nu a ve mu ramba make.
11
Nu eje ua hinda omukuao rukuao, novo ve mu tona uina, ave mu tjiti ondjambu, nu ave mu ramba make.
12
Nu eje ua hinda outjatatu rukuao. Novo ve mu teta ozombara uina, nave mu nakere pendje.
13
Nu ingui omuhona uotjikunino tjomivite otja tja, Hi tjite vi? Me hindi omuna uandje omusuverua, rumue mave ka kara nondengero ku je tji ve mu munu.
14
Nunguari imba ovaungure votjikunino tji ve mu muna, ve ripura mokati kavo oveni, amave tja, 'Ingu eje omurumate ueta, indjeje, ngatu mu zepe kutja eta ri rire oretu.'
15
Novo otji ve mu nakera pendje notjikunino tjomivite na ve mu zepa. Nambano ingui omuhona uotjikunino tjomivite meje ku tjitavi kuvo.
16
Eje meja nu eje ku njona imba ovaungure votjikunino, ua jandja otjikunino tjomivite kovakuao. Nu tjiva zuva itji va tja, "Ape kara nao."
17
Nu Eje ueve tara, na tja, "Nu nambano itji otjikuae tji tja tjangua, Eue indi ovatunge ndi va tonda, oro onda rire otjiuru tjomauaneno uotjikoro?
18
Nu auhe ngua uire keue indi matekateka, nu ingui auhe ku ra uire ma tukuturua arire oruuma."
19
Nu ovapristeri ovanene novatjange va vangere okumutuako omake moire otjingejo ndjo orondu ovo tji va tjizire kutja ua tuvirire vo motjisasanekero tji. Nunguari, ovo va tirire ovandu.
20
Novo va jarukire okumutjungira, na rire tjiva hindi ovaungure vovineja, mbe ritjindire ajo ovasemba, kutja ve ke Mu kambure nembo Re rimue, kutja ve Mu jandje kouvara uomuhegemone.
21
Novo ve Mu purire amave tja, "Muhonge, matu tjiua kutja Ove U hungira, nu U honga osemba, nu Kona konatja nondengu jomundu, nunguari U honga ondjira ja Mukuru mouatjiri.
22
Tjii okokuua otja koveta okusuta otjisuta tjouhona komukasare poo indee?"
23
Nunguari Eje ua tjiza ovineja viao, na tja kuvo, Onguae tjima mu Ndji roro?
24
"Ndji raisireje otjipeni. Otjiperendero nomatjangua uani ngeri mu tjo?" Novo va zira nave tja, "Ouomukekasare."
25
Nu Eje ua tja kuvo, "Okutja muaso ku jandja komukesare ombio viomukesare, na ku Mukuru imbio via Mukuru."
26
Nu kave pe urire okumupata nomambo pomurungu uovandu, na rire tjiva muina, ava temisiua ije zirira Re.
27
Kuzambo peja vemue vOvasadukai, imba mbe pirura ombendukiro momahungi uao, mbetja ka ina ku kara ko, nu ave Mu pura,
28
Amave tja, "Muhonge, Mose ue tu tjangererere, Erumbi romundu tja koka ae nomukazendu, nu tja tu ae hina vanatje, omuangu ua uasokuria omukazendu ue nu e mu pandukire ovanatje.
29
Nambano pari ovazandu oomuangu nerumbi hambombari. Nu ingo mutenga ua kupa nu a tu ae hina vanatje.
30
Nu ingui outjavari a ri omukazendu ingui, nu eje uina a tu nokuhin muatje.
31
Nu ingui outjatatu, nu momuano otjingeuo imba ohambombari, kave jesire ovanatje nu ave tu.
32
Nu kombunda javo avehe, omukazendu a tu.
33
Nambano mombendukiro ma rire omukazendu ua une puvo avehe? Imba ohambombari otja tji ve mu kupire."
34
Nu Jesu mokuzira, Ua tja nai, Ovanatje vouje mbui ve kupua nu ve jandjua kotukupo.
35
Nunguari imba mba varua ovanandengu okumuna ouje mbuina, nombendukiro movati, kavena ku kupa nu kavena ku jandjua kotukupo.
36
Nu kavena ku uhuara amave koka ko, orondu ovo veta puena ovaengeri, nu ovanatje va Mukuru, orondu ovanatje vombendukiro.
37
Nambano kutja ovakoke ve pendurua, na Mose ua raisire tji poTjihua, tja isana Muhona, Mukuru ua Abrahama, na Mukuru ua Isaka, na Mukuru ua Jakova.
38
Orondu eje ka Mukuru uovati, nunguari uovanamuinjo. Orondu avehe ve hupa ku Je."
39
Nu ovatjange vemue va zirire nave tja, Muhonge, Ove ua hungire naua.
40
nu okuzamba kave rorere okumupura omapurira rukuao.
41
Nu Eje ua tja kuvo, "Omokutjavi tji vetja Kriste Omuna ua David?
42
Ingu David omuini ua tja nai membo romapialme, MUHONA ua tjere na kOmuhona uandje, Ove haama ke ke randje indo rokunene,
43
Nga tji mba ungura ovanavita naove otjihavero tjozombaze zoje.
44
Nu David omuini tji me Mu isana Muhona, Eje omuna ue vi?"
45
Nu Eje Ua tjere nai kovahongeua Ve, ovandu avehe ava puratene,
46
Ritakamiseje kovatjange, mba suvera okuzara ozombanda ozonde, nokuminikua motuveze tuomarandisiro, novihavero viokondomba mozosinagoge notuveze tuondengero pomikandi.
47
Mbe njondorora na ve pundu ozondjiuo zovahepundu, nu motjiuova ave kumbu ozongumbiro ozonde; Omberero ja imba mai je ku rira ondeu okukapita.