1
Jesu ua hitire nu kapita mu Jeriko.
2
Nu Tara, mua ri omurumendu, uena Sakeusa, nguari umue uoviuru viovasutise votjisuta tjouhona, nu eje ua tumbire.
3
Nu eje ua zerire okumuna Jesu kutja Eje ouani. Nu ke pe urire mena rouingi uovandu nomena rokutja eje uari okatikona momuhapo.
4
Nu eje ua tupuka komurungu nu a ka ronda omuti kutja a sore okumumuna, orondu Eje tja sere okukapita imbo.
5
Nu Jesu Tje ja poruveze indo, Ua tara kombanda, nu E mu munu, na tja ku je, Sakeusa, hakahana, heruka, orondu ndinondi Mba sokukakara mondjiuo jo je.
6
Nu eje ua hakahana, nu a heruka, nu e Mu jakura nondjoroka.
7
Nu ovo tjiva muna tji, va unauna, amave tja, Eje ua ka rira omujenda uomurumendu omurunde.
8
Sakeusa ua sekama na tja ku Muhona, "Tara, Muhona, orumbembera rumue ruouini uandje me jandja kovasiona, Nu tjimba toora otjina momundu nohongononeno uomakuminina, me tji jarura potune."
9
Jesu Ua tja nai ku je, "Ndino ondjamo je ja kondjiuo ndji, orondu eje uina omuna ua Abraham.
10
Orondu Omuna uOmundu ue jera okupaha nokujama imbi mbia pandjarere."
11
Ngunda ama ve zuu ovina imbi, Eje Ua ueza nu eve serekarere otjisasanekero, orondu uari popezu na Jerusalema, nu ovo ija ve ripura kutja Ouhona ua Mukuru uasokurimunikisa tjimanga,
12
Eje otja tja, "Pari omurumendu ngua zire monganda jouhona, nu eje ua kuka oujenda kehi rokokure okukazikua ombara, nokukotoka.
13
Nu eje ua isanene ovakarere ve omurongo nu a jandja kuvo ovipondo omurongo, na tja kuvo, 'Unguriseje nga tji mbe ja.'
14
"Nunguari ovandu ve ija ve munjengua, nu va hindire omaraa kombunda je, amave tja, 'Ka tuna ku vanga omurumendu ingui kutja a kare nouvara kombanda jetu.'
15
Nu pa kara nai kutja eje tja kotoka, tjaza nokujakura ouvara, otja pangura kutja ovakarere ve, imba mba jandjere ko ovimariva, ve isanenue ku je, kutja a tjiue kutja auhe ua ueza na vingapi nokuranda nokurandisa.
16
Otji peja ingui omutenga, amatja, o pondo joje ja kuata ovipondo omurongo.
17
Nu eje uatja ku je, "Ua ungura naua, mukarere ove omuua, ove tjinga ua kara noutakame mokana okatiti, mo kara nouvara kombanda jovihuro omurongo.'
18
"Nu outjavari ueja, amatja, 'Muhona o pondo joje ja kuata ovipondo vitano.'
19
"Nu eje ua hungira omambo otjingeuo ku je, Ove mo kara nouvara kombanda jovihuro vitano.'
20
"omukuao ue ja, na tja, 'Muhona, osiringa joje ojo ndji, ndji mba mangere mokarapi,
21
orondu ami mba tirire ove mokutja oove omurumendu omuzeu, ngu u toora imbi mbi ha tuiirue ijove pehi, nokuteja mbi ha kuninue ijove.'
22
"Nu eje ua tja ku je, 'Me ku pangura no mambo uee uoje omuini, mukarere ove omurunde. Ove ua tjiua kutja ouami omurumendu omuzeu, ngumbi toora imbi mbi ha tuiirue ijami pehi, nokuteja mbi mbi ha kunine.
23
Nambano onguae tji u ha hitisire otjimariva tjandje kozombaanga, kutja tjimba kotoka mbije ku kambura itji otjandje notjiuezeua.
24
Nu eje ua tja nai ku imba mba kuramene mbo, 'Tooreje opondo ndjo mu je nu I jandjeje ku ingui ngu novisiringi omurongo.'
25
"Nu ovo va tja ku je, 'Muhona eje u novipondo omurongo.'
26
"Orondu Me tja nai kuene, Ku ingui nguna otjina maku jandjeua, nu ingui ngu hina tjina ma jekua na inga ke na ko.
27
Nunguari imba ovanavita na ami, mbe ha vangere kutja mbi kare nouvara kombanda jao, ve eteje imba mu ve zepire pomurungu uandje."
28
Nu tjza nokuhungira nai Ue ve hongorera, ama rondo okujenda kOjerusalema.
29
Nu pa kara nai kutja, Eje tjeja popezu na Betfage na Betanie, pOndundu jOmininga, ua hinda ovahongeua Ve vevari,
30
amatja, "Tuendeje kotjirongo tji tjiri komurungu uenu, nu tji mua hiti mutjo mamu kamuna okasinona kuka kutua, ku ke hija kavirua, ke kutureje mu ke jete nguno.
31
Nu omundu auhe ngue mu pura, Mamu ke kuturire tjike? 'Mamu tja nai ku je, Muhona Me ke hepa."
32
Nu imba mba hindirue va ja, nu ave ka vaza otja imba pe ve raere.
33
Novo ngunda ama ve kutura okasinona, oveniako va tja nai kuvo, Mamu kuturire tjike okasinona?
34
Novo vatja, Muhona Me ke hepa.
35
Nu ovo v eke jeta ku Jesu, nu ave umbu ozombanda zao ku ko, nu ave vatere Jesu okukekavira.
36
Nu otja tja kavirire, ovandu va umbire ozombanda zao mondjira.
37
Nu Eje tjari vazere popezu, pomaherukiro uOndundu jOmininga, otjimbumba atjihe tjovahongeua tja utire okunjanda nokutanga Mukuru neraka enene mena rovitjitua avihe ovinamasa mbi va muine,
38
Amave tja, "Oningandu Ombara ndji ma ija mena ra Muhona, Ohange mejuru, noujere mokombandambanda."
39
Nu vemue vOvafarisei mbari mombunga va tjere ku Je, "Muhonge, kandaiza ovahongeua vo Je."
40
Jesu ua zira na tja kuvo, "Me mu raere kutja, imba tjiva muina, omaue maje ravaere."
41
Nu Jesu tja riama popezu, Ua tara motjihuro, nu a ririre tjo,
42
Amatja, "Andaku ove, tjiri ove, ua tjiua ovina mbi mavi ku pe ohange, nangarire mejuva roje indi! Nunguari ovio nai via undikua kove.
43
Orondu omajuva maje ja kombanda joje, ovanavita naove ngu maveje ku kondorokisa ove orumbo, nave ku kondoroka, nave ku jezerere moukoto kominda avihe.
44
Nu mave ku njondororere pehi, novanatje voje moukoto uoje, nu kavena ku jesa eue kombanda jeue move orondu ove kotjivirue oruveze ruokuvarurua koje."
45
Nu Eje uUa ka hita mondemberi, nu a ruku okunakera pendje imba mbu ja ve randere moukoto nokurandisa,
46
Amatja nai kuvo, "Pa tjangua, Ondjiuo jandje ondjiuo jongumbiro, nu ene mue i ungura ondimba jomarunga."
47
Nu Jesu ua hongere aruhe mondemberi. Nunguari ovapristeri ovanene, novatjange, novanene vovandu ijave vanga okumuzepa.
48
Novo kave muine kutja ngave tjitevi, orondu ovandu avehe va kakaterere ku Je, amave puratene.