¹ Avo embo nimo Iesu ka maha God ami au ereto kito re, donda irareta avo fuketo kijo, mine Iesu re God ta ingene be ai amrumbeto mija. ² Donda erareta avo horembejo, mane enda ta donda avo mane horembatioa. ³ Mine nimo re ambureri ra, eto nou mirerire akari amore Iesu ka God henai ai unjukarira. ⁴ Eto Iesu ofai vuveaja, nou mereri mo havun re, eto nimo amika ofai vuvureto avo amita usasa amita joi ra. ⁵ Vija aja ta ujeje, ahihi samuna ta ujeje, inderi bari ta ujeje eto jo samuna ta ujeje ami tei afaja. ⁶ Donda enana emi ere na ami maha God ta hini kambari pemi be amore vutofuja. ⁷ Avo ei ami nimo haire jo ei re ai ue era. ⁸ Rate nimo eha amore nou pe eto hivivi avo jikama ejo. ⁹ Ke sokova mane atoa embo pamone eni ta, amitake re samuna maha amore mah tufe mirae eija. ¹⁰ Nou jo aire embo eha avo umbuto hie horeija, embo nimo ari embo avo. ¹¹ Iji amikote re embo enana Greek eto Jew embo meni amo mirae iji te, tari kajari, meme kame embo mirae iji te,rate meni Iesu ami nuha be ra eto amore jo ai mihaja. ¹² Avo embo maha God ami meni tapa be avo otofu be, tunga umbarimeni tofo ta jo ta amore jokaja. ¹³ Avo embo amika otofu eto avo hini kambari mane atoa enjo hoi ka re, urou avo maha God ami nou samuna horembeto toatiuja. ¹⁴ Rate betapata amita joi re tunga umbari avo pemi be ra. ¹⁵ Meni Iesu ta peka avo tojo nou jokomoi miroi,ami au avo nimo re vuvuto tapata atoa. Ao avo nimo re e--ee ena. ¹⁶ Meni Iesu ta ke avo tojo nou jo ai nanofo anga miroi. Siro horembari akari ahihi otofu ta eto maha God ta ami tiri jikikurue harepoekaie. ¹⁷ Pure betapata atioa avomeni Iesu eto maha God amita javo ai ejo. Eto re avo e---ee avo javo jikorovioi ¹⁸ Pamone, nou ivu otofu ue amita hembai mijo,maha God re avo uje uja. ¹⁹ Embo, nou aje tunga umbujo, eto mane hini kambari atoa. ²⁰ Meni ningota aha,maha God evo, amore maha Gdo ta uje ta vasiri ra. ²¹ Maha, nou undi meni mane ao hini kambari atora. ²² Kitofo, embo avo ninae pure jokora avo otofu ue ambo,ambo ejo nou jo komo ami. ²³ Pure betapata oa amore nou ahihi ,maha God amita avo oa rate ando visi emita mane ra. ²⁴ Avo oa amore nou akari maha God amitai umbati oa. ²⁵ Embo Pamone avo samuna ora amore totofo ta meme umbari iji re mija, eto re samuna ora amita jo ari re mane hietuja.