¹ Pol re Meni otofu ta ambotane ra,maha otofu ami nango ta nameni Timothy amika ivo jokaja. ² Eto re Meni Iesu ta kembe ari eto humora embo meni amika da Colossae,Maha pemi God eto Meni Iesu amita javoi peka ningo ka ra aja. ³ Nango Maha God otofu be eto Meni iesu avo jakeka humora avo ninae ora. ⁴ Nango nou kembe ari ingikorora eto meni Iesu te maha God te amita tunga umbari nango ta uja. ⁵ Nimo tunga umbari evi ofoa amo no akari unga sirikere mija. Nou kembe ari eto otofu amike hei mireri nanofo re umbea. ⁶ Avo ninae vuviaja. Angari itoko avo ke otofu ami joi be bijireuja enda emei papajuruja,eto avo ingito maha otofu amita ke avo vasiri eto ujiji ai hiea. ⁷ Ke otofu emore mah meni otofu amita pure embo anga eto erue hare poekere kia, da Epaphras ama ie. ⁸ Epaphras ama ami ei ahihi ta tunga umbari amore ei nango re kia ra. ⁹ Tunga umbari ke evi ingito irikarara amo nango nimo humora toae ra. Nango ninae ahihi ta siro horembari avo nango ta hioa ue mah nanofo anga eto ingikoro ra. ¹⁰ Nango nimo humora ora, nango ta joi otofu be eto hora ue.Nango humora ora nango ta joi ao avo be bijiroja ue, nango ta siro horembari aferekaja ue,maha God henai. ¹¹ Nango nimo humora ora, nou ivo ari, nou usasa,nou akari eto tunga humbari avo nangota hijo mah nanofo amga mirae erurore. ¹² Nango humora ora nine maha God eto anera ta pure embo anita ao usasa hioja. ¹³ Embo ama ami nango re ufaja,osaka,meme eto sarara sisae ai re eto ona tofota meni ta mireri nanofo ai re jokaja. ¹⁴ Ama ami ei nango ta samuna re harikere mira aja. ¹⁵ Amore maha God amita tiri pe be ra eto tofota meni kiri ra,donda betapata aja anita joi re. ¹⁶ Donda betapata amore nuha ove aja,enda ta eto unga ta. Eijate,unga ta arafe eto enda ta arafe akakari,enda embo ta tiri jikirikari avo barako ove amita ra. ¹⁷ Embo avo donda betapata ove ae mie avo mah nimo re nuha irerembaraja eto na ami nuha donda emore ove eto hei ijekaraja. ¹⁸ Embo amore donda betapata amita siro ra eto re,amore vande ra. Amore irikari eto tutumo ra. ¹⁹ Eto ami ija re donda betapata amore hamo amita miroja ija. ²⁰ Eto re donda betapata avo aro eha au avo umbuto overeketo meni Iesu amita hietora.Maha God ami peka re sasaha ami i~ ifai ei umbuto vuviaja.Amita javoi maha God ami ei donda betapata amore akari aja, unga eto enda amore. ²¹ Iji tapa ami nimo re maha God henai re mirae ra, eto re tofota siro horembari aire nimo re tofota kitofo anga oa. ²² Rate eha emi nimo re tofota ando ami ufuja. Emi eto avo nimo re hiei tofota tofo aie. ²³ Nimo nou kembe ari avo mah angato hurihuriato mea kito. Amore kembe ari be re avo ra,eto Pol (Paul) re anga eto maha ta pure embo re aja. ²⁴ Eha namo hanana ona,nau osaga meme avo meni Iesu ami ekei avo vande eha ona. ²⁵ Namo re maha God ami tofota pure embo anga eto jokaja,eto avo keami hei ijekaraja. ²⁶ Emore pure ona usukari ra iji avo ta avo ie.Rate eha emi re osai vuviaja ei avo kouve avo humora ora. ²⁷ Maha God ami uje uja au nango hajavaja te ara ue, eto avo Gentiles embo ta kembe ari meni Iesu tai avo jikoro viaja ue. ²⁸ Nango re avo javo jikikoro re viviuja. Nango re meni Iesu ta usasa avo hare poekoro re kora. ²⁹ Avo eto namo meme eto osaga amita jo ai, ivoivo eto avo ivo ari ofana.