¹ Vakuetu, a mu kara no ngamburiro mo Muhona uetu Jesu Kriste noku tara o vandu ko vivara. ² Orondu tjinga a peja o mundu ngue rihara ngu na o kareinga ko ngoldo ko munue, na tji peja o musiona ngua zara o mituaro mbi hina mbuiro, ³ Nu a mu jandja o ndengero ku ingui ngua za o mituaro vio ndengu, nu a mu tja ku je, “haama imba po ruveze o ruua,” nu ku ingui o musiona a mu tja kurama mbena, poo “haama pehi imba kehi jo tjihavero tjo zombaze zandje; ⁴ Tjandji nao ka mu tjitire o ngarera mokati kenu, nu ka mu ririre o vapangure no uripura o urunde? ⁵ Purateneje vakuetu o vasuverua, Tjii Mukuru ka toororere imba o vasiona vo uje mbui oku rira o vatumbe mo ngamburiro no varumate ve ta ro uhonapare imbui mbua kuizika ku imba mbe mu suvera? ⁶ Nunguari ene mu tengurura ingui o musiona. O vatumbe ka mbe mu tua kehi jo ninikizire noku mu nanena ko vihavero vio mbanguriro? ⁷ Ka mbe jamburura Ena indi e ua ndi mua isanenua mo? ⁸ Tji mua jenenisa o veta jo uvara otja ko matjangua, “ove mo suvere o muraranganda uo je, tjimuna ove o muini,” tjandji ma mu tjiti naua. ⁹ Nunguari tji mamu tara o vandu ko vivara, tjandji ma mu tjiti o uvi, nu ma mu pangurua ijo veta otja o vakatuke. ¹⁰ Orondu auhe ngu ma takamisa o veta aihe, nunguari a putara me pu rimue uriri, tjandji ua tura o ndjo joku katuka o veta aihe. ¹¹ Orondu ingui ngua tja, “Ko na ku katuka ko ko rukupo,” uina ua tja, “kona ku zepa ko o mundu.” Nu tji u hina ku katuka ko rukupo, nunguari o zepa o mundu, ove tjandji ua rire o mukatuke uo veta. ¹² Opu mua soku hungira noku tjita tjimuna imba mbu ma ve je ku pangurua ijo veta jo ngutukiro. ¹³ Orondu ingui ngu ha karere no tjari ma pangurua nokuhina tjari, nu itji o tjari tji nata o mbanguriro. ¹⁴ Vakuetu, ma pe kotora tjike o mundu tji ma tja u no ngamburiro, nunguari ae hina vitjitua? O ngamburiro mai jenene oku mu jama? ¹⁵ Tji pena o mukambure o murumendu poo o mukaendu ngu ri muzu nu ngu kara aehina vikuria aruhe, ¹⁶ Nu umue uenu tja tja ku je, Kaende mo hange, kara no upiu nu u kute, nunguari e he mu pe o vina mbi mavi hepiua ijo rutu, mape vatere tjike? ¹⁷ Nu uina o ngamburiro, tji i hina vitjitua, ja koka tjinga air i peke. ¹⁸ Nunguari o mundu umue ma jenene o kutja, ove u no ngamburiro, ami mbi no vitjitua. Ndji raisira o ngamburiro joje ndji hina vitjitua, nu ami me ku raisire o ngamburiro jandje mo vitjitua viandje. ¹⁹ U itavera kutja kun a Mukuru umue; u tjita naua: No zombepo o zombie ze itavera na ze zezera. ²⁰ Nunguari kona ku zera, arikana mundu o mungandjo, kutja o ngamburiro ndji hina vitjitua ja koka. ²¹ Tate uetu Abraham ka zembamisirue ijo vitjitua indi tja jandjere o muna ue Abraham po tjipunguhiro are? ²² Mamu munu kutja o ngamburiro i ungurira mo vitjitua, nu o nganburiro i puisirua mo vitjitua? ²³ Nu o matjangua a rire tji ja jenenisiua nge tja, “Abraham ua itaverere Mukuru, nu itji tja varerua ku je otja o usemba nu ej a isaneua e panga ra Mukuru. ²⁴ Mamu munu nao kutja, o mundu u sembamisiua vi ijo vitjitua, ae heri ijo ngamburiro poruajo. ²⁵ Mo muano o tjingeuo, Rahab ingui o mukorondu uina ka sembamisirue ijo vitjitua tja jakurire o vahindua nu e ve pitisa nondjira jarue? ²⁶ Orondu otja indui o rutu ndu hina mbepo tji rua koka, o ngamburiro dnji hina vitjitua uina otji ja koka.