1
Indui orutuu rozondekurona za Adam. Mejuva Mukuru nda mema ovandu, Eje ue ve mema kosaneno Je.
2
Eje ua mema omurumendu nomukazendu. Ue ve sera ondaja nu eve ruku ovandu tje ve mema.
3
Nu Adam tjinga za no ku hupa ozombura 130, a rire ihe uo muatje omuzandu kombunikiro je, kosaneno je, nu e muruku ena Seth.
4
Adam tjinga a za noku rira ihe ja Seth, ua hupa ozombura omasere hambondatu. A rire ihe wo vanatje ovengi ovazandu novakazona.
5
Nu Adam wa hupa ozombura 930, tjazumbo aṱu.
6
Nu Seth tjinga ari nozombura 105, arire ihe ja Enosh.
7
Tjingaaza noku rira ihe ja Enosh, wa hupa ozombura 807 tjazumbo a rire ihe wovanatje ovengi ovazandu novakazona.
8
Seth ua hupa ozombura 912, tjambo aṱu.
9
Nu Enosh tjinga azu noku hupa ozombura omirongo muvju, arire ihe ja Kenan.
10
Tjinga aza no kurira ihe ja Kenan, Enosh wa hupa ozombura 815. Eje arire ihe jovanatje ovengi ovazandu novakazona.
11
Enosh a hupu ozombura 905 tjazumbo aṱu.
12
Nu Kenan tjingaari nozombura omirongo hambombari, arire ihe ja Mohalalel.
13
Nu tjinga za no ku rira ihe ja Mahalalel, Kenan ua hupa ozombura 840. Eje arire ihe jovanatje ovangi ovazandu novakazona.
14
Kenan ua hupa ozombura 910, tjazumbo aṱu.
15
Nu Mahalalel tjinga ari nozombura omirongo hamboumue na ndano, arire ihe ja Jared.
16
Nu tjinga a za no kurira ihe ja Jared, Mahalalel ua hupa ozombura 830. Eje arire ihe uovanatje ovengi ovazandu novakazona.
17
Mahalalel ua hupa ozombura 895, tjazambo aṱu.
18
Nu Jared tja za noku hupa ozombura 162, arire ihe ja Enoch.
19
Nu tjinga aza noku rira ihe ja Enoch, Jared ua hupa ozombura omasere hambondatu. Eje ua rira ihe jovanatje ovengi ovazandu novakazona.
20
Jared ua hupa ozombura 962, tjazambo aṱu.
21
Nu Jared tjinga ri nozombura omirongo hamboumue na ndano, ua rira ihe ja Methuselah.
22
Enoch ua kaondja puna Mukuru ozombura omasere jetatu tjinga aza no kurira ihe ja Methoselah. Eje ua rira ihe uovanatje ovengi ovazandu novakazona.
23
Enoch ua hupa ozombura 365.
24
Enoch ua kaondja puna Mukuru, nu eje ua zenga, orondu Mukuru ue mu toora.
25
Nu Methusela tjinga ari nozombura 187, arire ihe ja Lamech.
26
Tjinga aza noku rira ihe ja Lamech, Methuselah ua hupa ozombura 782. Eje ua rira ihe uovanatje ovengi uozandu novakazona.
27
Methuselah ua hupa ozombura 969. Tjazambo aṱu.
28
Nu Lamech tjinga aza noku hupa ozombura 182, arire ihe uomuatje omuzandu.
29
Eje ue mu ruka ena Noah, a matja, "ingui me tu suvisa koviungura vjetu noko viungura ovi ihamise vjo make uetu, mbinga ama tu so ku ungura motjimbe tjehi Jehova nda senga."
30
Lamech ua hupa ozombura 595 tja za noku rira ihe ja Noah. Eje arire ihe jovanatje ovengi ovazandu novakazona.
31
Lamech ua hupa ozombura 777. Tjazambo aṱu.
32
Noah tja aza no ku hupa ozombura omasere jetatu, arire ihe ja Shem, Ham, na Japhet.