¹ Varumendu vakuetu, noo tate, nambano purateneje tji me rizirire po murungu uenu.'' ² Nu tji va muine kutja Paurusa ma hungire kuena vo meraka ro Tjiheperi, ovo va muinine tjinene.Nu eje ua tja, ³ O uami o Mujuuta, ngu mba kuaterua ko Tarsus mo Silisia, ngu mba hongua mo tjihuro tji kehi jo zombaze za Gamaliel. Ngu mba hongua katjiri o veta joo tate. Ngu mba takama mu Mukuru, otja tji mu ri amuhe ndinondi. ⁴ Mba tatumisire o Ndjira ndji nga ko ndiro, ambi pandeka noku umba mo zondorongo o varumendu no vakaendu, ⁵ Otja ingui o mupristeri o munene, na imba ova nene avehe tji mave hatoire. Nu mba jakurire o zombapira kuvo zo vakamburea ko Damaskasa, nu e ingo oku keve eta mo mapando kutja ve je ku verua. ⁶ Nu pa kara nai ku ami kutja, ngunda a mbiri mo ujenda popezu na Damaskasa kutja tjimanga mo kaviriviri, o ndjerera o nene ndja zire me juru je ndji koverere. ⁷ Nami mba uira pehi nu ezuu eraka nda tjere ku ami, ''Saulusa, Saulusa, mo Ndji tatumisire tjike?' ⁸ Nami mba zirire, ''O ove une, Muhona?' Nu Eje Ua tja ku ami, 'O Uami Jesu ua Nasareta, ngu mo tatumisa.' ⁹ Nu imba mbari puena ami, va muna indji o ndjerera, nunguari kave zuvire eraka raingui nguja hungire kuna ami. ¹⁰ Nami mba tja, 'Hi tjitevi Muhona?' Nu Muhona Ua tja ku ami, 'Sekama, nu ujende ko Damaskasa. Nu ingo mo ka raerua o vina avihe mbia tuninua ove oku tjita.' ¹¹ Nu ami otja tjije ha munu mena ro ujere uo ndjerera ndji, mba nanua ko rupangu i imba mbu mbari puena vo, e ka hita mo Damaskasa. ¹² Nu ingo mba ka uana kuna umue uena ra Ananiasa, o murumendu o mutue mo ngamburiro otja ko Veta, nguna o mbuze o mbua mo Vajuuta avehe mba tura ngo. ¹³ Ue ere kuami, na kurama puami, natja, ''Mukuetu, Saulusa, jakura oku muna kuoje!' Nu mo ire o tjingejo ndjo emu munu. ¹⁴ Nu eje ua tja, 'Mukuru uoo tate Ue ku toorora kutja u tjiue o mbango Je, no kutja u mune ingui o Musemba, nu u zuve eraka ndi mari zu mo tjinjo Tje. ¹⁵ Orondu ove mo je ku rira o hatoi ko vandu avehe ja itji tji ua munu noku zuva. ¹⁶ Nambano mo uombisiua i tjike? Sekama nu u papitisiue, kutja u kohue o mauvi uoje, a mo isana ena ra Muhona.' ¹⁷ Nu tjimba jarukire ko Jerusalema, nu ngunda a mbiri mo ndemberi ame kumbu, o mbunikisiro jeja puami. ¹⁸ Nu e Mu munu ama tja nai ku ami, 'Sekama nu pita tjimanga mo Jerusalema, orondu kanaa ve jakura o uhatoi uoje o hunga na Ami.' ^{21 19} Nami e tja, 'Muhona, ovo oveni mave tjiua kutja ije ve tua mo zondorongo noku tona imba mbe itavera Move mosinangonge a tjihe. ²⁰ No kutja o mbindu jo mukarere uo je, Stefanusa, tji ja tirahiua, opu mbari, ame itaverasana noku ta kue, nu ame takamisa o zombanda za imba mbu jave mu zepa.'21 Nu Eje ua tja ku ami, ''Kaende, orondu Ami Me ku hindi kokure ko vo viuana.''' ²² Novo ve mu puratenene nga pembo ndi.Nu kuzambo otji va jerere omaraka uao kombanda, ama ve tja, ''Isameje omundu otja ingui mehi, orondu ka ko kuua kutja a hupe.'' ²³ Novo ngunda ama ve ravaere, noku taura o zombanda zao, noku umba o ruuma mo mbepo, ²⁴ O mukapeteina omunene arire tji ja pangura kutja Paurusa nga tu ue mo tjitunga. Ama tja nga nongononue noku tonua o zongora, kutja onguae ovo tji mave rokoha tjinene o hunga nae. ²⁵ Nunguari ovo tjivazu noku mu pandeka no mivia, Paurusa ua tjere nai ko mukendurio ngua kuramene mbo, ''Tjii o veta i jandjera kutja ene mu tone o murumendu o Muroma, ngunda ae hija pangurua?'' ²⁶ Nu tja zuvire tji, o mukendurio ua riamene popezu na horora ko mukapteina o hongora, ama tja, ''Movanga oku tjitavi? Orondu o murumendu ngui o Muroma.'' ²⁷ Nu ingo omukapteina o hongora ua tumbukire kuje natja kuje, ''Ndji raera, oove o Muroma?'' Neje ua tja, ''Ii.'' ²⁸ Nu ingo omukapteina o hongora ua tjere, ''Ami no tjimariva otjingi tjiri mba randa o ukuatera mbui.'' Nunguari Paurusa ua tja, ''Ami mba kuatua o Muroma.'' ²⁹ Nu tjimanga ovarumendu imba mba sere oku mu kondonona otji ve muesa. Nu ingo omu kapteina o hongora uina ua urumine, tja tjivirue kutja Paurusa o Muroma, nokutja uemu pandekere. ³⁰ Nu mependukirua, omukapteina ohongora tjinga a zerire oku tjiua o katjiri ohunga nondjo indji o Vajuuta ndjiva hungamisa Paurusa. Nu otje mu pandura, na pangura kutja o vapristeri o vanene no Sanhedrin ngave uongare okuuana. Neje ua jetere Paurusa nemu tua po mo kati kao.