¹ Nu pa kara nai kutja tue riporere kuvo, o ruveze ruo skepi oku jenda tji rue ja, , tueja o semba ko Kos, nu mependukirua atu vaza ko Rodesa, nu kuazambo a tu ja ko tjihuro Patara. ² Nu tji tua munu oskepi a matji kondere ku Foenecia, a rire tji tua hiti mutjo natu kaenda. ³ Nu tji tua muna o Siprusa, tue tje sa ko kumoho o skepi, natu kondo ku hita mo Siria, natu vaza kuTira, orondu o skepi ija tji herura o mituaro ngo. ⁴ Nu tji tua vaza o vahongeua, tua kara ngo o majuva hambombari. Nu mo Mbepo va raerere Paurusa mo kutja ka sere oku jenda ko Jerusalema. ⁵ Nunguari o majuva uetu tjija manuka, tua pita, natu kaenda mo ujenda uetu, novo avehe, no vakaendu vao, no vanatje, vetu tika nga pendje jo tjihuro. Nu tua uorera o zongoro zetu pehi po mukuro natu kumbu. ⁶ nu tji tuaza noku virikasana. Nu tua ronda mo skepi, novo ave jaruka kozo jao. ⁷ Nu tji tua manene oujenda uo makondero okuza koTira natu ja mo Ptolemaisa. Nu ingo atu minike ova kambure nu a tu kara puena vo ejuva rimue. ⁸ Nu me pendukirua tua pita, natu ja ko Kesarea. Nu tua ka hita mo ndjiuo ja Filipa, ingui o muevangeli, nguari umue ua imba o hambombari, natu kara puena je. ⁹ Nu omurumendu ingui uari no vasukona vane, mbe hija tjiua o varumendu, mbu jave profete. ¹⁰ Nete otja tji tua kara o majuva, o muprofete uorive okuza ko Judea, uena Agabusa ua raukire. ¹¹ Neje ue ja kuete na toora ekuamo ra Paurusa. Naro neri pandeke naro o zombaze no make, na tja, ''o Mbepo o Ndjapuke ma hungire o vina mbi, 'Nu indji oondjira O Vajuuta ko Jerusalema otji mave ka pandeka o murumendu ue kuamo ndi, nave mu jandja mo make uo vandu vo viuana.''' ¹² Nu tji tua zuva o vina mbi, ete no vature va ingo, arire tji tue rijarikana ku Paurusa kutja a ha i ko Jerusalema. ¹³ Nu Paurusa otja zira, ''Mamu ungura tjike, tji mamu riri noku ndji njaa o mutima? Orondu ami hi rituninine oku pandekua uriri, nunguari uina oku ka tira en era Muhona Jesu ko Jerusalema.'' ¹⁴ Nu mena ro kutja Paurusa tje ha viurirue, tua muina nu kuzambo atu tja, ''Ombango ja Muhona ngai tjitue.'' ¹⁵ Nu kombunda uo majuva ngo, tua toora ozondjatu zetu, na tu i ko Jerusalema. ¹⁶ Nu mba kaendere puna ete uina jari ovahongeua tjiva mba zire mo Kesarea.Nu va jeterere Manasona, omurumendu ua Siprusa, o muhongeua o mukuru, ngu tua sere oku ka kara po je. ¹⁷ Nu tji tua vaza ko Jerusalema, o vakambure vetu jakura no ndjoroka. ¹⁸ Nu mependukirua Paurusa ua kaenda puena ete ku Jakobasa, no vanene avehe opu vari. ¹⁹ Nu tja zire noku ve minika ua serekarera ko tjimue na tjimue o vina Muhona mbia ungurire mo ruhindo rue mokati ko viuana. ²⁰ Nu tjiva zuvire itji, va hivirikire Muhona, nave tja ku je, ''Mo munu, mukuetu, kutja o majovi jengapi uo Vajuuta mba kambura. No kutja ve kongorera o Veta no upandi. ²¹ Novo va raerua o hunga na ove, kutja u honga o Vajuuta mberi mo viuana oku imbirahi Mose, a mo tja ka ve sere oku sukarisa o vanatje vao, poo oku takamisa o tuzo tuao. ²² Nambano otje ri tjike? Tjiri ovo mave je ku zuva kutja ove ue ja. ²³ Okutja ove tjita itji tji matu ku raere. Tuna o varumendu vane mberi kehi jo makuizikiro. ²⁴ Toora ovarumendu imba nu u ke ri japure puena vo, nu u ke ve sutire o tjisuta tjoku ri henja o viuru, nu avehe maveje ku tjiua avihe mbi va raererue o hunga naove o vinauriri, nunguari ove u kaenda mo mbuiro nu u takamisa o veta. ²⁵ Nu otja kovo viuana mbia kambura, tue vi tjangera oku vi ronga kutja ngaa vi takamisa tjimue tja imbio, no kutja ve ritjaere oveni ku imbi mbia punguhirua o visenginina, no mbindu, na itji tji tja siniua, na ko ruvakiro.'' ²⁶ Nu Paurusa ua toora ovarumendu, me pendukirua otje rijapura puena vo.Nu a ve hiti mo ndemberi, na tjivisa kutja pa seua o majuva jengapi koku japurua kuao, no mbunguhiro tji mai je ku ungurirua auhe uao. ²⁷ O majuva hambombari tji jari pooku jeneniisiua, o Vajuuta tjiva mba zire ko Asia, tji va mu muine Paurusa mo ndemberi, va zunganisire o vandu nave tua o make ku je. ²⁸ Amave ravaere, ''Varumendu va Vaisraera, tuvatereje! Ingui oo murumendu ngu honga o vandu kona akuhe oku pirukira o vandu, no veta, no pona mba.Nu rukuao, ua hitisa o Vahirika mo ndemberi, na tunda o ruveze ndui o rujapuke.'' ²⁹ Ovo tjinga ve mu muine komurungu ua nao mo tjihuro puena Trofimusa ingui o Muefese, otji va tjangovasi Paurusa ue mu jeta mo ndemberi. ³⁰ No tjihuro atjihe tja njinganjingire, no vandu otjiva purukuta nave tuako o make ku Paurusa. Nave mu nanene pendje jo ndemberi, Nu tjimanga o mijero avi jezerua. ³¹ No tja tjija ve vanga oku mu zepa, o mbuze ja vaza ko munane uo vasorondate, kutja o Jerusalema atjihe tjiri me zunganeno. ³² Neje tjimanga ua toora o vasorondate, no vakendurio na tupuka kuvo. Nu ovandu tji va muna o munane no vasorondate, ovo otji va kuramisa oku tona Paurusa. ³³ Nu omunane uo vasorondate o tjeja popezu naje, na pangura kutja nga pandekue no zoketanga mbari. Nu ja pura kutja eje o uani nu ua ungura tjike. ³⁴ Nu tjiva va ravaera o tjina tjimue, nu varue ave ravaere tjarue, numo kutja omunane uo masorondate ka tjivirue o uatjiri uezunganeno mena ro makueneneno, otja pangura kutja Paurusa nga tuarue ko tjitunga. ³⁵ Nu tji tjeja po zondondo zo marondero, ua toorua ijo o vasorondate mena re handukiro ro tjimbumba. ³⁶ Orondu o tjimbumba tjo vandu tja kongorerere amatji ravaere, ''Nga jende!'' ³⁷ Nu Paurusa tjari pooku hitisiua mo tjitunga, eje ua tja ko munane uo masorondate, ''O veta mai jandjere kutja mbi hungire o tjina ku ove?'' Neje ua tja, ''Ove u tjiua o Tjihirika? ³⁸ Ove nanguari ka ove o Muengipte ngua tjitire ezunganeno mo majuva nga kapitire, na tuara o vazepe o majovi jane mo kuti ongaango?'' ³⁹ Nunguari Paurusa, ua tja, ''O uami o Mujuuta nguaza ko tjihuro Tarsusa, mo Silisia. Ouami omuture uo tjihuro o tjinandengu. Nu meku ningire, ndji jandjera mbi hungire kuena o vandu.'' ⁴⁰ Nu omunane uo masorondate tjemu jandjera, Paurusa ua kurama mo zondondo,nu a na nanga o vandu neke. No ovandu avehe tjiva muina, ua a hungirire kuvo meraka ro Tjiheperi. Na tja,