¹ No mungunda tji uaza noku ua pehi, Paurusa ua isanena o vahongeua ku je, e ve zeuparisa, na rire tja sekama oku hita mo Makedonia. ² Nu tja pitirire mo makondua ngo, ameve rongo no mambo o mengi, na rire tjeja ko Greece. ³ Neje tjaza noku kara o mieze vitatu ngo, ape kara no ndando ombi ohunga naje ijo oVajuuta eje tje rirongerere oku jenda ko Syria, nu otja tuurungire mo Makedonia. ⁴ Nguari puna je oku kavaza ku Asia jari Sopatera ua Berea; na Aristarkusa na Sekundusa ova kambure mbaza mu Tesalonika; na Gaijas ua Derbe, na Timoteusa; na Tikikusa, na Trofimusa okuza ko Asia. ⁵ Nu ovarumendu imba va kaendere ko murungu nave ke tu undjira ko Troasa. ⁶ Nu tua za ko Firipi mo skepi nu kombunda uo majuva uo Mboroto ndji ha Surisirue, nu mo majuva jetano atu vaza kuvo ko Troasa.Ingo tua ka kara o majuva hambombari. ⁷ Nu me sabata e tenga, tjitua uongarisirirue pamue oku teja o mboroto, Paurusa ua hungira kuno ovakambure. Ngua tiere oku jenda me pendukirua otja hungira omambo omare kuena vo nga mokati ko utuku. ⁸ Nu muari o marambe o mengi me tuuo ro kombanda mu va uongarerere. ⁹ Nu po ruiho pa haamane omurumendu o mutanda uorive uena Eutikusa, nu ua havererue ijo zombotu o zondeu.Nu Paurusa ngunda ama hungire orure, ingui omurumendu omutanda, otja uira pehi oku za ko ndendeko jo ndjiuo o itjatatu, na toorerua kombanda a eri orurova. ¹⁰ Nu Paurusa ua herukira kehi, na uire kombanda je, nemu putaka. Natja. ''Amu uruma, orondu o ngunda uno muinjo.'' ¹¹ Neje ua ronda kombanda naka teja o mboroto, na ri. Nu tjaza noku hungira orure ngatji patji nu arire tjai. ¹² Novo va jeta o murumendu ingui o mutanda ae no muinjo nave huhuminiua tjinene. ¹³ Nete tua tenga po, ko murungu ua Paurusa a tu i ko Asos mo skepi, a tua tie oku ka toora Paurusa ingo. Orondu eje ua rakizire nao, eje tjinga a ire ngo pehi. ¹⁴ Nu tja hakaena kuena ete ko Asosa, tue mu toora natu mu jakura mo skepi na tu ja ko Mitilene. ¹⁵ Natu sekama ngo mo skepi, nu me pendukirua atu heruka o mbarakana na Kiosa. Nu me pendukirua atu heruka mo Samosa, Nu me pendukirua atu jamo tjihuro tja Milete. ¹⁶ Orondu Paurusa ua tiere oku kapita o Efesusa mo skepi, kutja a ha njono o ruveze mo Asia; orondu eje ua hakahanene kutja aka kare mo Jerusalema, me juva ro Pentekoste, tji pa urika. ¹⁷ Okuza ku Miretusa ua hindire ovarumendu ku Efesusa neve isanene kuje o vanene vo kereka. ¹⁸ Novo tji veja ku je, Eje ua tja ku vo, ''Ene mamu tjiua, okuza ke juva etenga okujata ombaze mu Asia, kutja mba kara puena ene o tuveze atuhe. ¹⁹ A mbi ungurira Muhona no merisusuparisiro ajehe uo uripura, no mahoze o mengi no marorero o mengi nga kara ku ami mena ro ngondjero jo mauererekero uo Vajuuta. ²⁰ No muano mbumbi hina mba horekere ko tjimue tjo mbuiro ku ene, kutja e he mu hongo, nemu hongere po murungu ua avehe, no kuza mondjiuo oku jenda kondjiuo, ²¹ Ame hongonona ko Vajuuta na kova Hirika, o meriverero uo ndanaukiro ku Mukuru, no ngamburiro mo Muhona uetu Jesu Kristu. ²² Nu nambano, tareje, me i ko Jerusalema a mba pandekua ijo Mbepo, a mbi hina ku tjiua kutja ma ku ka tjitua tjike ku ami ngo, ²³ Pendje no kutja o Mbepo o Ndjapuke U ndji tjivisa kutja mo tjihuro atjihe mbi undjua ijo mapando no mauzeu. ²⁴ Nunguari kapena tjimue tjo vina mbi tji tji ndji njinganjingisa, nu uina hi vara o muinjo uandje auri o munandengu ku ami, kutja mbi jenene oku mana o tjiungura tjandje no ndjoroka, no ruhindo ndu mba jakura mu Muhona Jesu, oku zuvarisa o Mbuze jo tjari tja Mukuru. ²⁵ Nu nambano, tareje, Ami me tjiua kutja amuhe, ene mbu mba riangere ame zuvarisa o uhona, kamuna ku uhuara ama mu munu o murungu uandje, ene mu ²⁶ Otji me hatoirire ku ene me juva ndi kutja o uami o mukohoke ko mbindu ja avehe. ²⁷ Orondu hina pu mba horekere oku mu raera o mbango aihe ja Mukuru. ²⁸ Opu mua soku ritjevera o veni, na indui o rupanda aruhe, ndu mua zikua kombanda jaro oku ru tjevera ijo Mbepo o Ndjapuke. Takamisa oku risa o kereka ja Mukuru, ndja randa no mbindu Je o muini.*** ²⁹ Orondu me tjiua tji, kutja tjimba zu noku jenda, o zombungu o zo njondorore maza je ku hita mokati kenu naze njono o rupanda. ³⁰ No mokati kenu oveni, ovarumendu mave je kusekama mbu mave je ku hungirao viporoporo, oku pukisa navio o vahongeua, kutja ve ve kongorere. ³¹ Nu tjevereje nu zemburukeje kutja oure uo zombura ndatu, hina pu mba kuramene oku ronga avehe omutenja no utuku no mahoze. ³² Nu nambano, me mu jandja ku Mukuru, na ku indi Embo ro Tjari Tje, o ro ndi mari jenene oku mu tunga noku mu pa eta mokati ka imba avehe mbu mave japurua. ³³ Ami hina pu mba nanukirua ko silveri, poo o goldo poo o zombanda zo mundu. ³⁴ Nunguari ene mamu tjiua kutja o make nga ja unguririre o mauhepe uandje, no ua imba mbari puena ami. ³⁵ Mu imbi avehe mbari o tjihorera ku ene, mo zohupo zenu, kutja mua soku vatera imba mba ngundipara, nu amu zemburuka o mambo ua Muhona Jesu, kutja Eje o muini Ua tjere: 'Pena o uningandu o uingi mo ku jandja oku kapita moku jakura.''' ³⁶ Nu tja zire noku hungira nai ua uorera o zongoro ze pehi, na kumbu puena vo avehe. ³⁷ Nu pari no maririro tjinene muvo avehe, nu va uiririre mo sengo ja Paurusa nave mu hupite tjinene. ³⁸ Ama ve hihamisiua i inga o mambo nga hungirire uo kutja, kanaa ve uhuara ama ve munu o murungu ue rukuao. Novo ve mu tika nga ko skepi.