1
Nu pa kara nai kutja, ngunda Aporosa ae ri mo Korinde, Paurusa ua tuurungire o miruko vio kombanda neja ko Efesasa, nu ua vazere o vahongeua vemue ingo.
2
Nu Paurusa uatja kuvo, ''Ene mua jakura o Mbepo o Ndjapuke tji mua kambura? Novo vatja ku je, ''Ete katu zuvire nandarire kutja ku no Mbepo o Ndjapuke.''
3
Paurusa eje ua tja ku vo, ''Nu nambano ene mua papitisiua mu tjike?'' Novo va tja, ''Mo mbapitisimo ja Johanesa.''
4
Nu Paurusa ua tja, ''Johanesa tjiri ua papitisire no mbapitisimo jo meriverero ko ndanaukiro. Ama raere o vandu kutja ngave itavere mu Ingui ngu meja kombunda je, o kutja, mu Jesu Kristu.''
5
Nu ovandu tjiva zuva ovo va papitisiua mena ra Muhona Jesu.
6
Nu Paurusa tja jambeka o make ue kuvo, o Mbepo o Ndjapuke je ja ko mbanda jao, nave hungire no maraka nave profete.
7
Navehe vari o varumendu mangara o murongo na vevari.
8
Paurusa eje ua hitire mo sinangonge na hungire no uvande o mieze vitatu, ama hungire o zondunge kuena vo noku kondjisa kutja ve itavere o vina o hunga no uhona ua Mukuru.
9
Nunguari ovajuuta tjiva va kukutisire o mitima viao, nu ka ve itaverere, ama ve hungire o uvi o hunga no Ndjira po murungu uo vandu. Nunguari Paurusa ua pitire mu vo, nu atoora o vahongeua mu vo, na hungire o zondunge kuena vo aruhe mo skole ja Tiranusa.
10
Nu pa kara nai o ure uo zombura mbari, kutja imba avehe mba turire mo Asia otji va zuvire Embo ra Muhona Jesu, o Vajuuta no Vahirika.
11
Nu Mukuru ua tjitire o viungura vio masa mbi ha iririrue no make ua Paurusa,
12
kutja nangarire o u sanduka no tuhira tu tuazu ko mukova ue ija tu tuua ko vavere no mitjise avi piti mu vo, no zombepo o zombi aze piti mu vo.
13
Nu vemue vo Vajuuta mbu jave rianga ama ve naka o zombepo o zombi no masa uo undjai. Va rorere oku ungurisa ena ra Muhona Jesu kombanda ja imba mbari no zombepo o zombi, ama ve tja, ''Mena ra Jesu, ngu zuvarisiua i Paurusa memu pangura kutja mu pite.''
14
O mupristeri o munene uo Vajuuta, uena ra Skeva, uari novazandona hambombari mba tjitire nai.
15
Nu me zirira o mbepo ombi, ja tjere kuvo, ''Jesu mbi Mu tjiua, Paurusa mbi tjiua komunda ue; nunguari ene o uene oo uani?''
16
No murumendu ingui mu muari no mbepo o mbi, ua tukira muvo, neve taara neve tono. Nu otji va purukuta mondjiuo nave tupuka muzu ava tetua o zombara.
17
Nu itji tja tjiukirue ku avehe, Vajuuta no Vahirika mba turire mo Efesusa. Nu ovo va uruma tjinene, nu ena ra Jesu ari peua o ndengero o nene.
18
Nu ovengi vo vakambure ve ere, ave rihepura nave hongonona o vitjitua viao ovivi mbi va tjita.
19
Nu uina o vengi va imba mbu jave tjiti o vio undjai, va etere o mambo uao nave je njosire po murungu ua avehe. Nu tjiva kondononene o ndengu jo mambo nga jari o vimariva vio silveri o majovi o mirongo vitano.
20
Embo ra Mukuru otji re kurire tjinene na ri honapara mozo ndjira zomasa.
21
Nu kombunda jo vina mbi tjivia manuka, Paurusa ua manene mo mbepo je kutja a kapite na Makedonia na Akija mo ndjira a mai ko Jerusalema, ama tja, ''Tji mbazu noku jenda ngo, mbaso ku ka muna o Roma uina.
22
Paurusa ua hindire ko Makedonia vevari mbu ja ve mu vatere, Timoteusa na Erastusa. Nunguari eje a seua mo Asia o majuva.
23
Nu mo ruveze ndui kua pendukire e zunganeno enene ohunga no Ndjira.
24
Orondu o muhambure uo vitenda uorive uena Demetriusa, ngu ja hambura o tjiserekarera tjo ndemberi jo mukuru uo tjisenginina o serekaze Diana, ija eta o vihohe o vingi ko vaungure.
25
Eje mba uongarisire pamue no vakuao mbu ja ve ungura o viungura otja imbi, natja, ''Varumendu, mamu tjiua kutja mo tjiungura tji o mu tu ungura mo otjimariva otjingi.
26
Nu mamu munu noku zuva kutja, ka mo Efesusa poruatjo nunguari o mo Asia atjihe, ingui Paurusa ma tanaura na pukisa o tjimbumba tjo vandu o tjinene, Ama tja, imba mba ungurua no make kao mukuru.
27
Nu kakutja itji ma tji jeta o umba kuete uriri, kutja o tjiungura tjetu matji tengururua, nunguari o mukuru o munene o serekaze Artemisa mai ngara ka tjina, no unene ue uina mau janda, ngu rikotamenua ijo Asia atjihe no uje.''
28
Novo tji va zuvire va pindikire tjinene, nave ravaere, amave tja, ''O munene o Artimisa uo Vaefese!''
29
No tjihuro atjihe tje urire ezunganeno, no vandu va tupukire ko ruveze ruo manjando no ndero imue uriri. Nu va kamburire ovakuke voujenda va puena Paurusa, Gaijusa na Aristarkusa, mba zire ko Makendonia.
30
Nu Paurusa ua zerire oku hita mo tjimbumba tjo vandu, nunguari o vahongeua ave he mu jandjere.
31
Nu vemue vo zohongora va Asia, mbari o mapanga ue, va hindire o maraa ku je, amave rijarikana kutja e rijeta o muini ko ruveze ruo manjando.
32
Ovandu tjiva tjiri ijave ravaere o tjina tji, nu varue tjarue, orondu o mbongarero ja pandjarisire o muhungi. No vengi vao kaave tiua kutja va uongarere tjike.
33
Nu tjiva vo tjimbumba va zemburukisa Arekisanda, o Vajuuta tjija ve mu undururire ko murungu. Nu Arekisanda ua nangere neke re ama zeri oku rizirira kovandu.
34
Nunguari tji va tjivirue kutja eje o Mujuuta, avehe va ravaerere neraka rimue o ure uo zoiri mbari, O munene Artemisa uo Vaefese!''
35
No omutjange uo tjihuro tja zire noku muinisa o tjimbumba, ua tja, ''Varumendu Vaefesasa, O uani omundu mokati kenu ngu ha tjiua kutja o tjihuro tjo Vaefese tji rikotamena ko mukuru o munene Artimisa, na itji o tjisekarera tji tja uire okuza ke juru.
36
Nu o vina mbi otja tji vi hina mapataneno, opu muaso ku pora namu ha tjiti o tjina mo zonduma.
37
Orondu ene mua eta o varumendu imba, mbe hina va pundire o zondemberi poo oku jamburura o mukuru uenu o serekaze.
38
Nu Demitriusa na iba mberi mo tjiungura tjimue naje, tji ve no tjiposa no mundu kaani, o vetaja paturuka nu pena o vapangure, ngave tuare o viposa viao ko veta.
39
Nunguari tji mamu pura tjimue o hunga no vina viarue, mavi tunua mo mbongarero ndji ri kehi jo veta.
40
Orondu tu rimo umba uoku pangurirua ezunganeno o hunga na ndino, otja tji pe hina ezeva ndi matu zirire naro o ndunganeno ndji.***