¹ Embo indi etenga ndimba tjanga, Teofilasa, ovina avihe Jesu mbia utire oku ungura noku honga, ² Nga ke juva nda toorerua mejuru, tjaza noku jandja omatuako mo Mbepo Ondjapuke ko Vaapostele mba toorora . ³ Kombunda jo mahihamisiro Ue, Ueri raisire aeri omunamunjo kuvo no vi raisiro mbi hina mbata.Nu ama munikua i vo omajuva omirongo vine, nama hungire komunda uo vina vio Uhona ua Mukuru. ⁴ Neje tja uongarere pu navo, Eje Ueve rakiza kutja ave ha piti mo Jesusalema, nunguari ngave undje omakuizikiro ua Ingui Tate, ngaa tja, ''Mua zuva muami ⁵ kutja Johanesa tjiri ija papitisa nomeja, nunguari ene mamu je ku papitisiua no Mbepo Ondjapuke, mo majuva o masupi.'' ⁶ Novo tji ve ere pamue ve Mu pura, ''Muhona, mo ruveze indui mo kotora ouhona ua Isiraera?'' ⁷ Nu Eje Ua tja kuvo, ''Kauene kutja mu tjiue ozoire no tuveze ingui Tate tua zika mouvara Ue Omuini. ⁸ Nunguari ene mamu jakura omasa, Ombepo ondjapuke tji je ja kombanda jenu, nu mamu rire ozohatoi Zandje mo Jerusalema na mo Judea atjihe, na mo Samaria, nga ko maandero uehi.'' ⁹ Nu Muhona Jesu tja za noku hungira ovina mbi, ngunda ama vetarere kombanda, Ua toorerua mejuru, notjikamba atji Mu jakura na zumo momeho uao. ¹⁰ Novo ngunda ava tara kejuru tjinene moku ronda Kue, motjimanga, ovarumendu vevari va kuramene puvo mo zombanda o zombapa, ¹¹ Mba tjere, ''Ene, varumendu va Galilea, mua kuramene tjike a mua tara mejuru? Ingui Jesu ngua toorerua Kejuru muene, ma kotoka mo muano tjingeo mbu mue Mu munu ama i nauo kejuru.'' ¹² Nu ovo otji va jaruka ko Jerusalema okuza ko Ndundu ndji i isaneua jo Mininga, ndjiri popezu na Jerusalema, mangara oujenda ue juva ro Sapata. ¹³ Novo tji ve ja, va ronda ketuuo ro kombanda, ku ja vekara. Ovo jari Petrusa, na Johanesa, na Jakobasa, na na Andreasa, na Filipusa na Tomasa, na Bartelomeusa, na Mateusa, na Jakobasa, omuna ua Alfeusa, na Simona omuiuke, na Judasa omuna ua Jakobasa. ¹⁴ Imba avehe va karere kumue na mo maningiriro no muinjo umue mongumbiro, puena ovakazendu, na Maria, inaa Jesu, puena ovamuangu Ve. ¹⁵ Nu mo majuva ngo Petrusa ua sekamene mokati ko vahongeua, otjivarero tjo mana ajehe kumue tja ri mangara esere no mirongo vivari, natja, ¹⁶ Varumendu ovakuetu, pari no hepero joku tja omatjangua eenenisiue, inga Ombepo Ondjapuke ngu Ja hungirire rukuru no tjinjo tja Daavita ohunga na Judasa, ingui ngua ka rira o mutauve ua imba mba kambura Jesu. ¹⁷ Orondu eje uari uumue uetu, nu uari no rupa mo tjiungura tji.'' ¹⁸ ( Nambano o murumendu ngui ua randa o tjikunino no tjisuta tjo urunde ue, nu eje tja ua no tjiuru rutenga, nu otja pamuka pokati no vio pehuri vie avihe avi tikire pehi. ¹⁹ Nu avehe mba mba tura mu Jerusalema va zuva otjina itji, nu ave isana otjikunino itjo keraka rao, ''Akeldama,'' okutja, ''Otjikunino tjo Mbindu.'' ²⁰ Orondu pa tjangua Membo ro Mapialme, ''Oruveze ro tjikunino tje nga ru seue tjo, ape hina omundu umue ngu ma hupire mu ruo; no kutja, oruveze rue mounane nga u toorue i jo mukuao.'' ²¹ Pa so okukara nai, kutja umue uo varumendu imba mba kara puena ete oruveze indui aruhe Muhona Jesu tji ja hiti noku pita mokati ketu, ²² Okuza ke juva ro mbapitisimo ja Johanesa nga ke juva nda toorua muete, kutja arire ohatoi puena ete jo mbendukiro Je. ²³ Novo va toorora ovarumendu vevari, Josefa ngu ja isaneua Barsabasa, nu uina aa isanua Justusa, na Matiasa. ²⁴ Ovo va kumba nave tja, ''Ove, Muhona, ngu utjiua omitima avihe vio vandu, raisa kutja mu imba Ove ua toorora une, ²⁵ kutja a toore oruveze ruo ukarere no uapostele Judasa mbue uesa kutja a jende koruveze rue omuini. ²⁶ Novo otji va ungura o hangahanga mai uire kuani, nu ohanganga ai uire ku Matiasa, neje arire tja varua puena ovaapostele imba omurongo na umue.