¹ Paulusa, Silvanusa na Timoteusa, ko kereka ja Ovatesalonika mu Mukuru Tate uetu, na Muhona Jesu Kristu. ² O tjari ku ene, no hange okuza ku Mukuru Tate uetu, na Muhona Jesu Kristu. ³ Tu so kutja aruhe tu mu jandjare ondangi ku Mukuru, vakuetu, otja tji pa puira, mena ro kutja o ngamburiro jenu i kura tjinene, no rusuvero auhe uenu ndue naro ko mukuao ru riueza. ⁴ Ete o veni tu rihiva na ene mo zokereka za Mukuru ko miretima no ngambriro jenu mo zondatumisire na mo zongondjero azehe ndu mu kondja nazo. ⁵ Itji o tjiraisiro tjo mbanguriro o semba ja Mukuru, kutja mu ripurirue oku varua oku puirua o uhona ua Mukuru, ku uina mbi mu tatumisa. ⁶ Mo kutja tjiri, o tjisemba ku Mukuru oku jarura o mbamisiro imba mbe mu ihamisa, ⁷ no suviro kuene mbu ihamisiua na ku ete noho, nu Muhona Jesu ua urikua okuza mejuru puna o vaengeri ve o vanamasa ⁸ mo muriro mbua rundu, oku sutisa no miihamo mo imba mbe ha tjiua Mukuru na imba mbe hina nduviro ko Mbuze ja Mukuru, Muhona uetu Jesu. ⁹ Mave je ku ihamisiua no njoneno ongarere ko kure na Muhona, na mo ujere uo masa ue. ¹⁰ Meje ku tjita tji tjeja mejuva ndo oku jerisiua mo vandu ve mbo vasemba noku himinua i imba mba itavera, mena ro kutja o mahongononeno uetu ku ene ja itaverua. ¹¹ Mena ra itji tu mu kumbira aruhe, kutja Mukuru uetu e mu vare otja mbu mua puirua ijo maisaneno nu no masa ue a jenenise otjina atjihe tja sere no tjiungura atjihe tjo ngamburiro. ¹² Tu kumba itji kutja ena ra Muhona uetu Jesu ri jerisiue mu ene, na ene mu je, otja ko tjari tje Mukuru uetu na Muhona Jesu Kristu.