¹ Mo muano o tjingeuo, ene mbu muri o vakaendu mbu mua kupua, riuisee kehi jo varumendu. Tjitee tji nangarire ovarumendu tjiva tjivee ve ha zuu kembo, kutja peje ve taarue no kuhina embo, mena ro tjikaro tjo vakaendu vao, ² tji nga ve rimuina o ngaro jenu o ngohoke jo ndengero. ³ Amu jesa o meriharero uenu oku munika tjinene - o mauozero uo zondjise, no mazarero uo vietenda vio ngoldo, poo o zombanda ndu mu zara. ⁴ Nunguari, o meriharero uenu nga rire ouo mundu ingui uo mourekoto uo mutima karera o ngozo ngua pora mombepo, uo ndengu o nene po murungu ua Mukuru. ⁵ Orondu itji otjitjari ovakaendu o vajapuke rukuru mbaa ve undju mu Mukuru o tjinga a ve rihara, noku riuisa kehi jo varumendu vao. ⁶ Mo muano mbui Sarah uari ua jozikire Abraham, ne mu isana muhona ue. O uene ovanatje ve tjimua tjiti o uua nokuhina ku tiro ko oumba. ⁷ Mo muano o tjingeuo, varumendu mbu mua kupa, kareje pueena vakaendu venu mo ndjiviro, otja tjitjuma otjipupu, o mukaendu. Jandjee ondjozikiro otja ovakuenu ovarie veta ro tjari tje hupo. Tjitee tji kutja o zongumbiro zenu aze ha tjaerua. ⁸ Otjomaandero, amuhe, kareje no ku tjariparera, no rusuvero otjo vakambure, no mutima o mutarazu, no merisusuparisiro. ⁹ A mu sutisa ko o uvi no uvi, poo o ndjambu ko ndjambu. Nunguari ene, serereje o ndaja aruhe, mena ra itji mua isanenua, kutja murie eta ro ndaja. ¹⁰ Ingui ngu ma vanga oku suvera o hupo, noku muna o majuva omaua oso ku tjaera eraka re ko uvi, no mina vie ko ku hungira o vineja. ¹¹ Eje nga tanaukire ovina mbiri ovivi nu a tjite o uua. Nga pahe o hange nu a tezere jo. ¹² Orondu omeho ua Muhona je muna o vasemba, nu o matui ue je zuva o zongumbiro zao. Nunguari o murungu ua Mukuru ua pirukira imba mbe tjita o uvi. ¹³ Nu o uani ngu me mu tjiti o tjipo tji mua rambere o kutjta tjitjiri o tjiua? ¹⁴ Nunguari uina tji mua ihamisiua mena ro usemba, ene mua serua o ndaja. Amu tira o matirisiro uao. Amu rikende. ¹⁵ Nunguari hanenije Muhona Kristu mo mitima vienu otjo mujapuke. Otja aruhe ritunineje oku jandja e zirira ku auhe ngu me mu pura ohunga no maundjiro ngu munao - ¹⁶ nu noho, no unjanutima no ndengero. Kareje no urizemburuka o uua kutja nangarire mu kaani tji ma mu hungirua kutja ouene ovavi, ovandu mbu mave hungire onavi ohunga no hupo jenu ombua mu Kristu ve tisiue ohoni. ¹⁷ Mape ngara tjinene, kutja irire o mbango a Mukuru, kutja mu ihamisirue oku tjita o uua oku kapita oku ihamisirua oku tjita o uvi. ¹⁸ Kristu uina ua ihamisirue o mauvi. Ingo musemba ua ihamisirua ete, mbu tuari ovahasemba, kutja etu jete ku Muhona. Eje ua zepeua mo njama, nunguari a jetua ko muinjo ijo mbepo. ¹⁹ No mbepo, ua kaenda aka zuvarisira ko zombepo nde ri mo ndorongo. ²⁰ Ozo zari no kuhina nduviro, indi omuretima ua Mukuru tjau undju mo majuva ua Noah, mo majuva uo matungiro uo arka, nu Mukuru jamene o vandu o vatiti - o minjo hambandatu - okutja mena ro meja. ²¹ Itji otjiraisiro tjo mbapitisimondji mujama nambano - ndji he ri o makohero uo ndova mo rutu, nunguari otjo maningiriro uo urizemburuka o uua ku Mukuru - mo mbendukiro ja Jesu Kristu. ²² Kristu uri ko kuhoko kunene kua Mukuru. Eje uaja ke juru. Ovaengeri, no mauvara no masa jeso ku ua kehi je.