¹ Petrusa, o muapostele ua Jesu Kristu, ko vambangu mo marimbarero, ko vatoororua Pontus, Galatia, Kapodasia, Asia, na Bithania, ² Itji otja ko ndivirondjatengapo ja Mukuru Tate, mo majapuriro uo viungura vio Mbepo, ko nduviro no matjatjero uo mbindu ja Jesu Kristu. O tjari ngatji kare pueena ene, no hange jenu nga i ningipare. ³ Mukuru nu Ihe jo Muhona uetu Jesu Kristu nga tangue!, Mo tjari tje o tjinene, ue tupa o nguatero ombe ko maundjiro o manamuinjo mo mbendukiro ja Jesu Kristu mo vakoke. ⁴ Itji otje ta ndi ha zundaka, kanaa ri tundaka, nu kanaa ri zengi. Ra puikirua ene ke juru. ⁵ Mua tjeverua ijo masa ua Mukuru nga no ndjamo ndja tuninua oku raisiua mo ire jo maandero. ⁶ Mu itji mu joroka tjinene, nangarire kutja nai, mo karuveze o kasupi, ma muso ku ihamua mokati ko marorero o mengi pekepeke; ⁷ Itji oku tjitira kutja mu urike o ngamburiro jenu, ndjiri ohuze tjinene oku kapita o ngoldo ndji zundaka, nangarire ja rorua no muriro. Pe kara nao kutja ongamburiro jenu i vaseue no ku janda no ndangero, no ujere, no ndjozikiro ko maraisiro ua Jesu Kristu. ⁸ Ka muje mu muna, nu mue mu suvera. Ka mu mu munu nai, nu nguari mu itavera muje na mu joroka no ndjoroka ndji hina maraisiro na mu urisiua no ujere. ⁹ Ene nambano ma muri jakurire o ndjandero jo ngamburiro jenu, o ndjamo jo minjo vienu. ¹⁰ Ohunga no ndjamo ndji, o vaprofete mba porofetere o hunga no tjari tji tjari noku ja kuene, va pahere nave nongonona no ndjeverero. ¹¹ Okupura kutja omungendu poo o ire ombepo ja Kristu muvo ndjaa iurike tji ja hongononene ko murungu uo ruveze o maihamisiro ua Kristu no maujere ngu maa jeja kombunda. ¹² Kua raisirue kuvo kutja kaa ve riungurire o veni, nunguari ene, tjiva hungira ohunga no vina mbia hororua kuene i imba mbe zuvarisa o Mbuze ja muhona kueene no Mbepo o Ndjapuke ndja hindua oku za me juru - ovina mbi o vaengeri mbi ve zera oku muna. ¹³ Nambano patee o vikondambunda vio zondunge zenu. Karee no upore. Tuamee omaundjiro uenu oku ura mo tjari tji ma tji jetua kuene Jesu Kristu tja raisiua. ¹⁴ Otjo vanatje vo nduviro, amu risanisa ko zondero ndaa mo kongorere tji muhari no ndjiviro: ¹⁵ Nunguari otja ingui ngue mu isana tje ri o mujapuke, ene, uina, riree ovajapuke mo mihingo vienu aehe. ¹⁶ Mo kutja patjangua, "Riree o vajapuke, orondu o uami o mujapuke." ¹⁷ Nu tji ma mu isana "Tate" ingui ngu pangura no ku hina ngarera nunguari otja ko vitjitua vio mundu auhe, ritjindee no ndira mo ruveze ruenu otjo vandu va mbangu. ¹⁸ Ma mutjiua kutja ka jari no tjisilveri tji tji zundaka poo ngoldo kutja mua randururua mo ngaro ndji hina tjitjamurongo, ndji mua ria peta kova kura venu, ¹⁹ Nu nanguari no mbindu o nandengu ja Kristu, tjimuna o jo ndjona ndji hina tjipo noho ndji hina evara. ²⁰ Kristu ua tjivirue ko murungu uo mautiro uo uje, nunguari nambano ua raisiua ku ene mo majuva uo maandero. ²¹ Muje ene imba mbu mu itaverera mu Mukuru, ngue mu pendurire mo vakoke nu e mu pe o ujere, kutja o ngamburiro no maundjiro uenu je kare mu Mukuru. ²² Mua kohororera o minjo vienu no nduviro ko uatjiri. Itji jari mena ro rusuvero ndu hina tjavivi ruo vakambure; nu suverasanee tjinene oku za mo mutima o mukohoke. ²³ Mua kuatua oupe, ku kuheri mondui ndji zundara, nunguari i indji ndji ha zundara, okuza membo enamuinjo nda seuapo ra Mukuru. ²⁴ Orondu, “O njama aihe iri tjimuna e hozu, nu o ujere uajo uri tjimua o uo zongara zehozu zokuti. E hozu ri kukuta, nu o zongara aze uire pehi aze koka, ²⁵ nunguari embo ra Muhona ri karerera.”