¹ Nu nambano ohunga no zombunguhiro nde tjitirua ovisenginina, matu tjiua kutja atuhe tu no ndjiviro. Ondjiviro i ritongamisa, no rusuvero ru tunga. ² Nu omundu auhe ngu me ripura kutja u tjiua otjina, ngunda ke na tjiua tjiua, otja imba pa soku tjivirua. ³ Nunguari auhe ngua suvera Mukuru, eje ua tjiukua i Je. ⁴ Nu nambano ohunga no kuria ovina mbia punguhirua ovisenginina, matu tjiua kutja otjisenginina katjina mo uje, no kutja kapena Mukuru, pendje na Umue uriri. ⁵ Orondu nangarire tji pena imba mbe isaneua oo mukuru, ao Mejuru poo okombanda jehi (otja tji pena oo mukuru ovengi noo muhona ovengi), ⁶ Nunguari pena Mukuru umue uriri, ingui Tate, omute uo vina avihe, na ete mu Je, no Muhona umue, Jesu Kriste, mu tu hupira. ⁷ Nunguari ondjiviro ndji ka iri mu avehe. Nunguari tjiva mena roku kara no ndjiviro jo tjisenginina ve ria tjimuna ombunguhiro jo tjisenginina ngamba, no urizemburuka uao otji u tundua ouo tjinga au hina masa. ⁸ Nunguari ovikuria ka vi tu jakurisa ku Mukuru. Orondu ka kutja tji tuari otji tu ngara, poo tji tu ha rire otji tu rira ovavi oku kapita. ⁹ Nunguari takamiseje kutja ongutukiro jenu ndji ai ha rire ko otjiputariseku imba ozo suaka. ¹⁰ Orondu omundu umue ngue mu munu ene mbu muna ondjiviro a mua haama mo ndemberi jo tjisenginina, o urizemburuka ua ingui otjingundi kanaa u sekamene oku ria ovina mbia punguhirua ovisenginina are? ¹¹ Nu mena ro ndjiviro joje omukambure ingui otjingundi, ngua tirua i Kriste otji mau. ¹² Nu moku katukira ovakuenu mo ndjira ndji, na moku hihamisa o urizemburuka uao, ove mo katukire Kriste. ¹³ O kutja, ovikuria tji mavi putarisa omukuetu, ami hinee ri ko onjama ngaaruhe, kutja e ha putarisa omukuetu.