¹ Ji̧yȩnö̧ mo̧ro̧ 'cuäopina̧'a̧ röji pähuä ruhuotö huettinö̧ pä̧nä̧ ppä'ipänä ji̧na̧'a̧ jahuäto tti̧rȩjä̧nä̧mä̧, ja̧hua̧nö̧ jo̧menä̧ ya̧tȩmä̧ Belenra̧'a̧ Judarȩjȩra̧'a̧cu̧ 'chi̧nö̧ Moab ttä'ähuarära̧'a̧cu̧ irecua'inä̧ ja̧'hua̧ta̧'a̧nö̧ i̧tti̧mö̧ ta̧ju̧'i̧ndä̧. ² Ja̧u̧ ubo i̧mi̧mä̧ micuinö̧ Alimelec, ja̧'hua̧ta̧'a̧nö̧ irecua ki̧mimä̧ micuinä̧ju̧ Noemí. Ja̧u̧ i̧tti̧mu ta̧ju̧ tti̧mi̧mä̧ micuinä̧tö̧ Mahlon ja̧'hua̧ta̧'a̧nö̧ Quelión pä'ö, Efrata ttö̧ja̧ ji̧na̧'a̧ Belen de Juda ötahuiyä. Rä̧bȩhui̧nä̧tö̧ Moab ttö̧ja̧ ttä'ähuaränä̧ ja̧hua̧nö̧ ja̧'a̧ttö̧ juhuȩnȩtä̧ ka̧cui̧nä̧tö̧. ³ Ja̧'hua̧nö̧ ja̧'a̧ Emelic, Nohemi quireco'inä, 'coru ju'oächinö, ja̧'hua̧nö̧ ja̧'a̧ttö̧ juajumä qui̧'i̧nä̧ju̧ qui̧tti̧mu̧ ta̧ju̧cu̧ttö̧. ⁴ Juätö ki̧tti̧mu̧mä̧ ttirecuamurö, eminätö̧ Moab ötahuiyä nä̧tö̧ttö̧, yajute quimimä micuinäju Orfa jö̧nä̧, ja̧'hua̧ta̧nö̧ ca̧ra̧ju̧ qui̧mi̧mä̧ micuinäju Rut jö̧nä̧. Juȩnȩmä̧ cacui̧nä̧tö̧ dieznö a̧'ȩ jo̧mȩnä̧. ⁵ Ja̧'hua̧nö̧ ja̧'a̧ttö̧, juättömä, Mahlóninä, Quelión'inä 'coru juoächinätö̧, Noemimä katä qui̧'i̧nä̧ju̧ qui̧tti̧mu̧ ttä'oinä toajutä ja̧'hua̧ta̧nö̧ qui̧tti̧mu̧ ta̧ju̧'i̧nä̧ toajutä. ⁶ Ja̧jua̧nö̧ ja̧'a̧ Noemi amucuädö 'chinä̧ju̧ chö̧ja̧ri̧mucu̧ Moattö Judara̧'a̧cu̧ ja̧hua̧nö̧ ppa̧ja̧cha̧ pä'ö Moab rȩjȩnä̧ kä̧nö̧ kä̧ju̧cuo̧menä̧ TTÖ̧Ä̧NÄ̧HUA̧ recuärö̧jä̧u̧ru̧ ttu̧cuä̧ iyö ppädö huȩnȩ. ⁷ Ja̧hua̧nö̧ ja̧'a̧ttö̧ kö̧ja̧ri̧mu ta̧ju̧cu̧ kö̧ji̧nomettö̧ jaropiö ppa̧'a̧'chi̧nä̧ju̧ Juda rȩjȩ mä̧nä̧ra̧'cu̧. ⁸ Noemímä̧ ku̧jo̧ri̧mö̧ nä̧tö̧ ta̧ju̧rö̧ pä'inäju̧, ucutu yajucupönä̧mä̧ cua̧ju̧tu̧cu̧ kojusodera̧'a̧tä̧ ppa̧'ä̧chä̧tu̧cui̧. TÖ̧Ä̧NÄ̧HUA̧TÄ̧ adiunä jȩä̧tu̧cua̧cu̧jä̧, ttörö'i̧nä̧, chi̧tti̧mö̧ 'corujuo'ächinä̧tö̧rö̧ adiu jȩ'cui̧nä̧tu̧cu̧ta̧'a̧nö̧. ⁹ TÖ̧Ä̧NÄ̧HUA̧TÄ̧ 'cuä'ächi'ö cu̧jä̧tu̧cu̧nä̧ iyätucuacujä̧, ucutu yajucupönä̧ cuirecuo ja̧rȩpa̧ ujusode cu̧jä̧tu̧cu̧nä̧. Ja̧'hua̧nö̧ ja̧'a̧ jahuäjumä 'chu̧jo̧pi̧nä̧u̧, ja̧'hua̧nö̧ 'chu̧jo̧pä̧u̧ pä̧i̧cu̧nä̧ ajahuinätö̧. ¹⁰ Jahuätömä jahuäjurö pä'inä̧tö̧: "¡'Cho̧co̧tö̧jä̧! Ujutumä ucucutä cuahuaruhuä ttö̧ja̧cua̧'a̧tä̧ ppa̧tä̧chä̧cuo̧tö̧jä̧." ¹¹ Ja̧hua̧nö̧ ja̧'a̧nä̧ Noemimä̧ pä'inä̧ju: "!Pa̧'a̧chä̧tu̧cui̧ chi̧tti̧mö̧! ¿Dä̧bö̧ ppa̧cuä̧chä̧tu̧cua̧ päcuätucua'attö ttucumä̧? ¿Ji̧nä̧ amucuädätöjä ta̧ji̧ köacuänä̧ chi̧tti̧mö̧rö̧ ȩnä̧rä̧ju̧ pä'ö, cui̧rȩcua̧mö̧ päi'önä̧ cuȩmä̧tu̧cua̧ pä'ö.? ¹² Ppa̧'a̧chä̧tu̧cui̧, chi̧tti̧mö̧ nä̧tö̧, ucutu'inä̧ pä̧huä̧rö̧jo̧mecu̧ tätucui, ttömä̧ täcö buasajusä chirecuorö chȩma̧ pä'ömä̧. Pa̧'a̧nö̧ pädöttötä: Mä̧cuä̧ yodó chirecuocu chö̧jä̧cua̧ju̧sä̧, ja̧'hua̧nö̧ jö̧ttö̧tä̧ ta̧ju̧ru̧ uhuäbecuajajusä, ¹³ ¿tta̧'a̧ra̧ja̧tö̧jä̧ jahuätö buo juotta'anä̧? ¿ja̧'hua̧nö̧ tta̧cuä̧rä̧tu̧cua̧'a̧ttö̧ cuȩmiyä̧tu̧cu̧'a̧nö̧ cuirecuotucurumä̧? !Ja̧hua̧nö̧ mä̧cö̧ chi̧tti̧mö̧ nä̧tö̧! rö̧ä̧i̧nä̧ cha̧'cua̧tta̧'ȩcuä̧ju̧sä̧; ucutu cua̧'cua̧tta̧cuecuä̧tu̧cuo̧mettö̧'inä̧ abonä̧nö̧, CHU̧RU̧HUA̧TTÄ̧ ja̧'a̧ ja̧hua̧nö̧ ubara roecuä̧tä̧ jȩpö̧mä̧." ¹⁴ Ja̧'hua̧nö̧ ja̧'a̧ kö̧ja̧ri̧mu nä̧tö̧ pä'äjita'anö̧ pä̧i̧cu̧nä̧ huopu ajuähuinä̧tö̧. Orfamä̧ kimiyajuru te'ähui'inä̧ju̧ 'chu̧huo̧pö̧nö̧, ja̧'hua̧nö̧ ja̧'a̧nä̧ Rutmä̧ yajucutä 'quiyö̧nä̧ repeö ki̧nä̧ju̧. ¹⁵ Noemí pä'inä̧ju̧: "Ä̧ju̧cui̧, ucu cusäpo isajumä̧ ppa̧'ä̧chä̧jä̧ju̧ kahuaruhuä ttö̧jo̧cuo̧me ja̧hua̧ta̧'a̧nö̧ kö̧'ä̧nä̧huo̧tö̧rö̧. Ppa̧'a̧chi̧ cusäpo isajucu." ¹⁶ Ja̧'hua̧nö̧ päjäcua Rutmä̧ pä'inäju̧, "Ucuttö 'kä̧di̧pä̧chu̧nä̧mä̧ jȩ'cuä̧ttö̧, ja̧'hua̧nö̧ ja̧'a̧ttö̧ ucu cui̧'cho̧mȩmä̧ chi̧'chä̧cua̧ju̧sä̧, ucu cu̧jo̧mȩmä̧ juȩnȩtä̧ chö̧jä̧cua̧ju̧sä̧, ucu cuahuaruhuämä̧ ttö'i̧nä̧ chahuaruhuä jä̧cua̧'a̧, ja̧'hua̧ta̧'a̧nö̧ ucu CU̧Ä̧NÄ̧HUA̧MÄ̧ ttö'i̧nä̧ CHÖ̧Ä̧NÄ̧HUA̧ jä̧cua̧'a̧, ¹⁷ Ucu 'corujuocuächomenämä ttö'i̧nä̧ 'corujuodächäcuajusä, ja̧'hua̧ta̧'a̧nö̧ juȩnȩtä̧ 'turepö tticuäcuajusä. TÖ̧Ä̧NÄ̧HUA̧TÄ̧ ro̧ȩpa̧ttö̧jä̧, ja̧'hua̧ta̧'a̧nö̧ jua'a yabonänö, ji̧yȩtȩ hua'are u̧huä̧mȩnä̧ jö̧ttö̧'i̧nä̧ yorö'iso 'cä̧'ȩpö̧mä̧ i̧cuo̧co̧u̧ täcuotöjä̧." ¹⁸ Nohemímä yajutäcu Rut ki̧'cha̧ päja'a topö, yabonömä pä'ä'chocoju pinä̧ju̧. ¹⁹ Ja̧'hua̧nö̧ ja̧'a̧ttö̧ juätö nä̧tö̧ ta̧ju̧mä̧ ihuinätö̧ Belen ötahuiyära'a ttö̧rä̧bȩhua̧ pä'ö. Belenä ttöräbȩhuo̧mȩnä̧ cuä'opina'a ötahuiyä ttö̧ja̧ o'catoi'önä esehuinä̧tö̧ juätörö nä̧tö̧rö̧. Juätö nä̧tö̧mä̧ pä'inätö̧, ¿Pajutä Noemimä? ²⁰ Ja̧'hua̧nö̧ ja̧'a̧ juäjumä pä'inäju̧, "Noemi jö̧nä̧mä̧ ocuätucuätö̧. O'ca tucuittö ta̧'cua̧ta̧ȩca̧ju̧nä̧. Tö̧ä̧nä̧hua̧ Tu̧ru̧hua̧ jurähuämä ttörömä suronä cha̧'cua̧ ta̧dȩcu̧nä̧ jȩpi̧nö̧ ttörömä. ²¹ Räopinäju̧sä̧ ku̧nä̧rä̧ju̧tä̧, ja̧'hua̧nö̧ ja̧'a̧ Tu̧ru̧hua̧ ppä̧huä̧dä̧cua̧sä̧ pä'äta'anö chijusodera'a jui'ajurötä. Ja̧'hua̧nö̧ ja̧'a̧ttö̧ ¿ta'anö pä'ö ocuätucuättö Noemi pä'ömä, topu'cänä Tu̧ru̧hua̧ suro juopinäcua̧sä̧; Tu̧ru̧hua̧mä̧ o'ca juiyunä Ju̧ru̧hua̧ ttörömä a̧'a̧tö̧ȩpi̧nö̧? ²² Ja̧'hua̧nö̧ ja̧'a̧ttö̧ Noemi ja̧hua̧ta,anö̧ Rut'inä̧, Moab ttö̧ja̧ ja̧'a̧ttö̧, kimiyajucumä̧ Moab ttä'ähuaräcu ppa̧'a̧chi̧nä̧tö̧. Rä̧bȩhui̧nä̧tö̧ Belenra̧'a̧mä̧ Cebada u̧huä̧ju̧ ote kiyächäcua'a ä'canä̧.