¹ Korotömä ucuturu cuähuä ticuä pä'ö ä̧rä̧miä̧tö̧. Ötahuiyä ttoȩcuome jäyänämä Suo̧da̧u̧ru̧ ku̧ni. mäniyä̧nä ttö̧tta̧rö̧ pä'ö juruhuätörömä ku̧ni cuähuäruhuä recutucu ucucu. ² Ja̧u̧ TU̧RU̧HUA̧MÄ pä'äji ta̧'a̧nö adiunä tö̧ja̧ pä'ö jȩpö̧ Ru̧huä̧ Jacob'nätä. Taboiyotömä Isade a̧u̧cua̧dȩ jȩpo̧ tticuä'a ja̧i̧'nö'anö jepö tticuomettö. töjipa pä'ö. ³ Umätö juruhuätö ttoecuärä̧bi'nä kunari̧nätömä 'Catä̧hui̧nätö päcuäji tuhuo̧'o̧tätä̧; ttöcaru'quiyä curäutä adicuämä säruhuina'a jereönä ttaditö ta'anö jönä, Ja̧'hua̧ta̧'a̧nö ttödäcuä odiyänäi'nä cipres dauttu adicuä'a Ku̧näri̧nätö juttojunä tticuomenä oto tticuä''cuä'a pä'ö. ⁴ ttö'caruquiyänä caballostö dotta'anä mänärä'acu 'chinätö: mänä cahueattö chänö'inä ppä̧'a̧chö'inä cueächinätö, jotteomenä pä̧i̧'cu̧nä uhuocuinä'a̧ cu̧'u̧pa̧ cörö'ächä ja̧i̧nö'anö jönä. ⁵ Su̧ro̧da̧u̧ttö̧ tturuhuotö huotömä tä'co hucinätö ttumohuäyottö Su̧ro̧da̧u̧ru̧mä: Jahuatömä 'chinätö, Ötahuiyä ttoecuä'ca o'ca juiyönä sobucuächunä korotörö ttörohuähuä pä'ö tto'epäräcuähuä odiyä kunärätömä tta'ärinätö rohuähuö ' chä'a̧tö̧rö̧. ⁶ Aje äpatiyä ujurucu bachächipomenä, ruhuodemä pparächi'önä̧tä̧ ma̧ä̧chi̧na̧'a̧. ⁷ Huzzabmä kö̧'ca̧tä̧huä̧ti̧yö̧ 'ko̧'ä̧dö̧ tticuäcuaju ja̧'hua̧ta̧'a̧nö̧ pporädö icuähuäcuaju. Kumöhuäyotö nätö̧mä̧ ttajahuäcuotö unucu 'cua̧rö̧nä̧ tta̧mö̧canä 'ta'tapäcuäutä. ⁸ Nínive ttö̧ja̧mä̧ ajiya acuäba suädi'ba jä̧'i̧nö̧'a̧nö̧ huotö, ttö̧ja̧mä̧ dö'ecuächätö ajiya juruhuoya jä̧'i̧nö̧'a̧nö̧. Korotömä huopätö: "Kämädä̧tu̧cui̧, kä̧mä̧dä̧tu̧cui̧, pä'ö huotta'anä ya̧tȩ'i̧nä̧ kärächi'ömä topocö jä̧cua̧. ⁹ Plata'i̧nä̧, oro'inä 'chocuipäjätucumä ȩmä̧tu̧cui̧, ja̧'hua̧ta̧'a̧nö̧ o'cajuiyönä Nínive ötahuiyä a̧'cua̧cu̧ öädihuämä beipocö jä̧cuȩ. ¹⁰ Nínive rȩjȩmä̧ yorö'iso to̧ä̧jä̧ ja̧'hua̧ta̧'a̧nö̧ toe'ächinä̧jä̧. O'catoi'önä ttamiso'quimä jahuächia'a; o'ca toi'önätä ttihue'quiyumä tti̧ä̧huä̧u̧, o'catoi'önä tta̧'cua̧ tta̧ȩ́cuä̧tö̧; o'catoi'önä̧tä̧ tti'ämä teättitti jö̧nä̧tä̧ huotö. ¹¹ ¿Jitämä to ka̧'a̧ttö̧ mö̧ yä̧hui̧tä̧ ttäjumä, mö yä̧hui̧ttö̧ ppo̧'ä̧tö̧ atateja ttahuä'ijomemä, mö yähui ubo'inä isaju'inä tti̧tti̧mö̧cu̧ cuettächä'ijomemä yorö'iso yecuäcuähuä juiyönä̧tä̧? ¹² Ja̧u̧ mö̧ yähuimä i̧tti̧mö̧ ppo̧'ä̧tö̧ yä̧hui̧tö̧rö̧ yu̧yu̧pö̧ 'co'ö icuäji, irecua mö yähui isajuru'inä ku̧ru̧pä̧'quȩnä̧ yu̧'u̧ icuäji ja̧'hua̧nö̧ jȩpö̧ rrejumä suädi'önä ȩnä̧ji̧ yu̧yu̧pö̧ i̧cuä̧jä̧u̧rö̧mä̧, irejumä suädi'äja'a 'co'copö i̧cuä̧jä̧u̧ttö̧tä̧. ¹³ Topätucui, Ttömä ucuturömä kö'cocösä, pa̧'a̧nö̧ pä'ötó su̧ro̧da̧u̧ TTÖ̧Ä̧NÄ̧HUA̧MÄ̧. Ttömä ucuru cuiäretucu caruquiyämä ocuränä cuo'ö icu isppa 'chähuädönätä jȩchä̧cua̧sä̧, ja̧'hua̧ta̧'a̧nö̧ curä'chumä mö yä̧hui̧tö̧ möäyotörömä rahuädi'äcua'a. Ttömä ucutu 'chocuipäjätucumä 'cho̧di̧pä̧cuä̧u̧jä̧ cui̧rȩjä̧tu̧cu̧ttö̧mä̧, ja̧'hua̧nö̧ jittähua pä'ö hue'ö ku̧nä̧huo̧tö̧ tti̧huȩnȩmä̧ ya̧bo̧nö̧mä̧ ä̧ju̧cuä̧cuä̧huo̧ca̧'a̧ jä̧cua̧.a̧