¹ Mizpatömä Israel ttöja̧mä jȩtäcuo̧ttöjä pä'ö ttu̧ju̧nina̧'a̧ ji̧na'a̧:" Ujututtu ya̧tȩinä ö̧jiya̧cua̧ ittijurumä Benjamin sotö sa̧ irecua päi'önä ȩmapä'ömä." ² Jahua'anö ja'a̧tö jahuätömä 'chinäö Betelra'cu TTÖÄNA̧HUA̧ ä'ca jo̧me ttöa̧ päö nipäro̧me huoächomejobu päiönä, jahua'anö ja'nä i̧nä röi̧nä huopunö ahuähuinättö. ³ Jahuätömä päi̧cu̧nä huopinätö: "¿Ttä'anö päö Israel TTÖÄNA̧HUA̧ Dios pi̧yȩ 'cuäopäjäcuä ujutu Israel ttöja̧römä, jinä yotöte huotö ta'anä jitämä toeächätöjä?" ⁴ Ja̧'u̧nö̧ koro mo̧ro̧ ötahuiyä ttö̧ja̧mä̧ porähuinätö̧ pä'i mo̧ro̧ jua'a ja̧'hua̧nö̧ ja̧'a̧ aditinätö̧ juȩnȩ ttiäre iyähuome ja̧'hua̧ta̧nö̧ iyinätö̧ ppö'icu iyähuä'inä ja̧'hua̧ta̧nö̧ curä juiyönä käcuähuäinä. ⁵ Benjamin ahuaröhuä o'cotömä, toe'inätö̧ diezciocho milnö ttö̧ja̧ jo̧mȩnä̧, o'catoi'önä juattömä curä rohuäcuähuä ttö̧ja̧ pi̧nä̧tö̧. ⁶ Israel ttö̧ja̧mä̧ rȩrö̧jö̧nä̧ topinä̧tö̧ Benjamin ahuaruhuä o'cotörömä̧. jahuätö päinä̧tö̧: "Jitä mo̧ro̧ ji̧nä̧ yotöte huotöttö Israelttö kä̧ȩcuä̧cha̧'a̧. ⁷ ¿Dijä̧cua̧'a̧ttö̧ ka̧cui̧pä̧jä̧tö̧ tti̧rȩcua̧mö̧rö̧ po̧cui̧pö̧ iyä̧cua̧mä̧, ujutu TO̧Ä̧NÄ̧HUA̧ ä'cajometö̧mä̧ päinä̧tö̧jä̧ jahuätöttömä̧ ya̧terö̧'inä̧ huetiyäcuotöjä ujutu ti̧tti̧mucu̧ tirecua päi'önä̧ tȩmapä'ömä̧?" ⁸ Jahuätömä̧ päinätö̧: "¿Israel ttö̧ja̧ ttahuaruhuä 'cotöttö, Mizpa ötahuiyättö TÖ̧Ä̧NÄ̧HUA̧ ä'ca jo̧mȩ ichi'ocotö päjätömä̧ titötä ja̧'a̧ttö̧?" Ja̧'hua̧nö̧ ja̧'a̧ tottipomenä Jabes Galaad ttö̧ja̧ttömä̧ ya̧tȩ'i̧nä̧ ca̧ca̧cu̧ ttö̧'ȩjo̧mȩmä̧ ichi'oca'a ja̧'a̧tä̧ ji̧na̧'a̧. ⁹ isopäi'önä̧ adihuomenä̧ ttö̧ja̧rö̧ ttö̧'a̧to̧mȩnä̧, Jabes Galaad ttö̧ja̧ttömä̧ ya̧tȩ'i̧nä̧ juȩnȩmä̧ toina̧'a̧. ¹⁰ Ca̧ca̧cu̧ pȩjä̧tö̧mä̧ doce milnö huotö u̧mä̧tö̧ juruhuätörö hue'ömä̧ pa̧'a̧nö̧ pä'i̧nä̧tö̧, Jabes Galaad ttö̧ja̧rö̧ ruhuäumä cuä'ö cuicuätucuja, nä̧tö̧rö̧'i̧nä̧ ja̧'hua̧ta̧'a̧nö̧ ppo̧'ä̧tö̧rö̧'i̧nä̧. ¹¹ a̧'a̧nö̧ jȩpä̧tu̧cui̧: Cuä'äu cuicuätucuajá o'catoi'önä̧ u̧mä̧tö̧rö̧ ja̧'hua̧ta̧nö̧ nä̧tö̧ ubocu ä'äjätörömä̧." ¹² Jahuätö u̧mä̧tö̧mä̧ po̧cui̧pi̧nä̧tö̧ Jabes Galaad ötahuiyänä̧ ka̧cua̧tö̧ttö̧mä̧, cuatrocientanö̧ nä̧tö̧ mö̧äyotörö ji̧nä̧ ubocu'inä̧ 'cuä'opocotörö, jahuätömä ttȩpi̧nä̧u̧ ttä'ähuarära̧ Silo ötahuiyäcu, Canaán rȩjȩ ra̧'a̧cu̧ ¹³ Huȩnȩ ȩpu̧ tti̧'cha̧ pä'ö hue'inätö Benjamín ahuäruhuärö o'catoinärö Rimón inähuänä ko̧cuȩtörö jahuätucu 'ttecehua pä'ö.Jahua'anö ja̧'a̧tö ¹⁴ Benjamín ttöja̧mä ppa̧'a̧chinätö ja̧u̧nu̧ta̧ jahua'anö jȩpu̧ ttiyä'chinä̧u̧ Jabes Galaad, nä̧tö muäyotörö jahua'anö ja'anä 'i̧nä ji̧nä to'i na'a̧ na̧tömä o'cato'inä ttȩmapä'ömä. ¹⁵ Jahuätömä tta̧cua̧ tta̧ȩhui̧na̧ttö Benjamínrö 'cuä'opäjimä, ja̧u̧mä TTÖÄNA̧HUA̧TA̧ jȩi̧nö ji̧na'a̧ Israel ttöja̧ttö 'kȩtȩhuä̧cha̧ pä'ömä. ¹⁶ Ja̧'hua̧nö̧ ja̧'a̧ ttö̧'ca̧ca̧cuo̧mȩ rohuotömä pä'inätö̧: "¿Tta̧'a̧nö̧ ttö'ojo äcua̧'a̧ttö̧ Benjamin ttö̧ja̧mä̧ 'ca̧cui̧pä̧jä̧tö̧ ttirecuamörömä, ja̧'hua̧nö̧ ja̧'a̧ nä̧tö̧ o'catoi'önä Benjamin idepiyunä kä̧jä̧tö̧mä̧ cuä'ö tticuäju?" ¹⁷ Juatömä pä'inätö̧: "ku̧a̧nö̧ ja̧'a̧, juätö yabocu yoä'u ttö̧jo̧cua̧ pä'ö o'ca'a ca̧cui̧pä̧jä̧tö̧ Benjamin ahuaröhuä o'cotö, juätö Benjamin ahuaröhuä o'cotö tötipächa juiya pä'ö Israelttö. ¹⁸ Ti̧tti̧mö̧ nä̧tö̧rö̧mä̧ jahuätö tti̧rȩcua̧mö̧ päi'önämä iyocotöjä̧, isopäi'önä Israel ttö̧ja̧mä̧ ji̧yȩtȩ jä̧cuȩ pä'ö ku̧ni̧nä̧tö̧, surojutä jä̧cua̧ chu Benjamín ahuaruhuä 'cotörö ttirecua päi'önä iyörömä̧." ¹⁹ Ja̧'hua̧nö̧ ja̧'a̧ttö̧ jahuätömä̧ pä'inä̧tö̧: "TÄÖ̧Ä̧NÄ̧HUA̧ ö'ä'cärimä̧ a̧'ȩ jö̧ta̧'a̧nö̧ ka̧'a̧ Silo ötahuiyänä pä'ömä huo̧jua̧jä̧ (ja̧u̧ ötahuiyämä ka̧'a̧ Betelttömä̧ ttä'cacu, mä̧nä̧ Betelttö Siquemra̧'a̧cu̧ 'chä̧cuä̧huä̧mä̧ttö̧mä̧ kä̧hua̧ räopa'acu ja̧'hua̧ta̧'a̧nö̧ Lebona ötahuiyättömä ttabo ja'acu)." ²⁰ Benjamín ahuaruhuä 'cotömä hue'önö pä'inätö̧: "Yo̧ä̧huä̧i̧nä̧ cudahuächätucua tätucui ja̧'hua̧nö̧ dajahuächö uva ka̧cuo̧mȩ tta̧cuä̧rä̧tu̧cua̧ja̧. ²¹ Silo ötahuiyättö nä̧tö̧ rä'o'ö eseu ttötome adiu to'cuätucuaja, ja̧u̧nö̧ o'ca'a uva ka̧cuo̧mȩttö̧ jurunä rä'o'ö ucutu ya̧cu̧nä̧mä̧ Silo ötahuiyä nä̧tö̧ttö̧mä̧ yajucupönä cuirecuatucu päi'önä cuȩmä̧tu̧cua̧ja̧, ja̧'hua̧nö̧ ȩmi̧pö̧ Benjamín ahuaruhuä 'cotö tti̧rȩjä̧ra̧'a̧ ppa̧cuä̧chä̧tu̧cua̧ja̧. ²² Jahua'anö ja̧'anä ttä'ottö'i̧nä ttubuo̧ttö tti̧jä̧cua̧ttö i̧nä ichö huottöttömä̧,pätähuottöjä jähuättörömä:.'!Rȩrö̧jönä topu ppä'ädätuhuittö! huä̧'i̧nä ja̧'a̧tä̧ topätuhui jahuättö na̧törömä ttirehua punä tema̧'anä curä pänä̧'i̧nä ȩmoko̧tö pinättöjä̧.Ucumä huȩnȩ jui'a̧ta̧ hua̧jä̧, täkö huiyoka'a ja̧ja̧tö̧ hui̧tti̧murö na̧törö jahuättörömä. ²³ Benjamin ahuaruhuä o'cotö pa̧'a̧nö̧ jȩpinä̧tö̧. Ya̧cu̧pö̧nä̧ ttirecua päi'önä̧ topö ku̧ninä̧tö̧ pä'cäri eseu töttomettö̧, ja̧hua̧nö̧tä̧ ȩmipi̧nä̧tö̧ ttirecua päi'önä̧. Jahuätömä̧ ȩmipu̧ 'chi̧nä̧tö̧ tti̧rejä̧ra̧'cu̧; ja̧hua̧nö̧ ca̧ca̧cu̧ ötahuiyä aditinä̧tö̧, juȩnȩtä̧ ca̧cui̧nä̧tö̧. ²⁴ Ja̧hua̧nö̧ ja̧'a̧ttö̧ Israel ttö̧ja̧mä̧ juhuorö̧ rä'opu i̧hui̧nä̧tö̧ ttidepiyura̧'a̧cu̧, ya̧cu̧pö̧nä̧ ttahuaruhuä o'cotö ttö̧jo̧cuo̧mecu̧, ja̧hua̧nö̧tä̧ ya̧cu̧pö̧nä̧ ttireji̧yä̧nä̧. ²⁵ Ja̧'u̧nö̧ mo̧ro̧mä̧ röhuotö'inä toina'a Israelnämä. Ja̧'hua̧nö̧ ja̧'a̧ttö̧ o'catoi'önä jȩpi̧nä̧tö̧ jittörötä tottomenä adihuomenä.