¹ Ja̧hua̧nö ja̧'a̧ Sansón Gaza ötahuiyära'a 'chä̧ji'ca jua'ttö yajute mänä ruhuajuru topinö'Ja̧hua̧nö ja̧'a̧ttö̧ jahuäjucu idepä iyä'chäcuäu 'cuäo'cuä'chö kinö̧. ² Gaza ötahuiyä ttö̧ja̧rö̧ päi'nä̧tö: "Sansónmä po ihuächäji". ³ Ja̧hua̧'anö ja̧'a̧nä Sansónmä ä̧'ä̧huäppä̧nä yodo kä̧'co päiomejobu cuä'ächö pinö. Juorötä ä̧rä̧miö 'chu'ädinö ötahuiyä apate o'ca, ja̧hua̧nö jȩpö̧ cä'epinö ppȩ'tä̧rönä ka̧cu̧ o'cajuiyönäta̧. Jahua'anö jȩpu̧ u'upi'canä kä'ecu huä̧näu̧ ȩpi̧nö Hebrón ötahuiyä pa̧tȩcuä̧nö muä'ca jo̧mȩcu̧. ⁴ Ja̧'hua̧nö̧ jä̧ji̧ o'ca'a, Sansónmä yajute isaju Sorec pä'ö micuomettö̧ pämäroppä päi'omenä kä̧ju̧rö̧ 'chä̧ji̧'ca̧ kö'quinö. Ki̧mi̧mä̧ Dalila pä'ö micuinäju̧. ⁵ Filisteos ttö̧ja̧ tturuhuotömä jahuäju kö̧jo̧mȩ 'chä̧jä̧'co̧tö̧ pä'inätö̧: "Sansónrö̧ yapare jicuähuaja ujurumä torö ichaja pä'ö tota, ja̧'hua̧ta̧'a̧nö̧ ja̧u̧rö̧mä̧ tocu jȩpö̧ huetö'anö ja̧ pä'ö, ti̧dȩ'a̧dä̧tä̧ päi'önä ö̧jö̧nä̧ nö̧'cö tötarö. Pi̧yȩ jȩ'cu̧ttö̧mä̧ ujutu yotucunämä̧ 1100nö̧ pärärtä o̧bi̧ tiyäcuajujä̧. ⁶ Ja̧hua̧nö̧ ja̧'a̧ Dalila päinä̧ju̧ Sansonrö̧: "Ppä'ädipönö̧ ji'ähuittö, ¿Tta̧'a̧ pä'ö juiyó u̧ru̧hua̧jä̧ttö̧ ucumä̧, ja̧hua̧ta̧'a̧nö̧ tta̧'a̧nö̧ ttönö̧'cädacujättö pätöta'anö̧ cu̧ja̧ pä'ömä̧?" ⁷ Sansón jahuäjuru pä'inö̧: "Jahuätö ttörö jimu̧tȩ ta'arenö̧ jo̧mȩ appiyä 'cuärä jö̧ appiyänä̧ ji̧nä̧ joecuocönä̧ ttönö̧'cöttömä̧, ja̧u̧nu̧tä̧ chijiyuhuächiö'anö̧ ja̧'a̧ ja̧hua̧nö̧ jö̧ttö̧tä̧ ucutu jö̧ ta̧'a̧nö̧ chä̧cua̧sä̧." ⁸ Ja̧'hua̧nö̧ ja̧'a̧ filisteos tturuhuotömä̧ Dalilarö sietenö̧ appiyä jareö ji̧nä̧ joecuocö i'cächö iyinätö̧, juajumä ja̧u̧tä̧ appiyänä nö'quinäju̧ sansónrö̧mä̧. ⁹ Ja̧'hua̧nö̧ ja̧'a̧ jahuäjumä u̧mä̧tö̧rö̧ koju i̧so̧ca̧nä̧ jacuä yo̧ä̧huä̧i̧nä̧ daju ku̧ni̧nä̧ju̧. Jahuäjumä ja̧u̧rö̧ pä'inäju̧: "¡Sansón filisteos 'chuttädäcujä̧!" ja̧'hua̧nö̧ päjäcu ja̧u̧mä̧ 'to'ocu icuinö isappämä̧ pö̧jä̧ttö̧ mȩtahuäppä ocurä cuoia'a 'cua̧rö̧nä̧tä̧. Ja̧'hua̧nö̧ jo̧mȩnä̧ jahuätömä ja̧u̧ ujuru ko̧mȩmä̧ ttu̧huo̧jui̧pö̧ juiyönä ji̧nä̧u̧. ¹⁰ Ja̧u̧ o'ca'a Dalilamä Sansónrö̧ pä'inäju̧: "Ja̧'hua̧nö̧tä̧ ttörömä rö̧ȩnä̧tä̧ cuyaparehuäcuasä. Ppä'ädipittö, tocu jȩpö̧tä̧ ttönö'cacujä̧ttö̧". ¹¹ Ja̧u̧mä̧ jahuäjurö pä'inö: "Jahuätö isappä jareappänä ji̧nä̧ nö'cähuocoppänä ttönö'cöttömä korotö jö̧ta̧'a̧nö̧ chujurumä juidächipä̧cua̧sä̧." ¹² Ja̧'hua̧nö̧ ja̧'a̧ttö̧ Dalilamä̧ isappä jareäppä ȩmo̧po̧'ö̧, juappänätä̧ nö̧'quinäju̧, nö̧'cä'cojumä pä'inäju̧ "Sansón, filisteos 'chuttädäcujä̧!" U̧mä̧tö̧mä̧ tta̧'a̧rö̧ pȩjä̧tö̧mä̧, ä̧'ä̧huo̧ca̧ jacuä pȩji̧nä̧tö̧. Ja̧'hua̧nö̧ ja̧'a̧nä̧ Sansón öjohuiyättö appiyämä ji̧'qui̧cha̧ja̧ppä ppo̧u̧cu̧ päi'önä 'toruhuipa'a jä̧'i̧nö̧'a̧nö̧ 'toruhuipina̧'a̧. ¹³ Dalila päinä̧ju̧ Sansonrö̧: " Jitära̧'a̧ päi'önä̧ yaparetä päcuäcuasä ja̧hua̧nö̧tä̧ yapare pä'ä'chöjä. Ji'ähuittö tta̧'a̧nö̧tä̧ tö̧nö̧'cö'anö̧ hua̧jä̧ttö̧." Sansón jahuäjuru pä'inö̧: "Ucutä chuhuo'che ji̧mu̧tȩ ta'arenö̧ jo̧me kä̧'ȩpö̧ pö̧jä̧ta̧ pöttähuänä̧ jäbetö cu'uttomenä̧mä̧, ttömä̧ chä̧cua̧sä̧ korotö jö̧ ta̧'a̧nö̧." ¹⁴ Ja̧u̧ ä'ipächäji o'ca'a, Dalilamä̧ pöttinä̧ju̧ ji̧mu̧tȩ ta'arenö̧ jö̧me pu̧jä̧ta̧cu mamatö̧ ja̧hua̧ta̧'a̧nö̧ jȩpö̧ pö̧jä̧ta̧nä̧ rȩjȩ pȩ'o̧pö̧ kö̧ninä̧ju̧, ja̧hua̧nö̧ ja̧'a̧ jahuäju pä'inä̧ju̧: "!Sansón filisteo ttö̧ja̧ 'chuttädapä'ö ttichäcujä! Ä'omettö̧ porächi'nö̧ ja̧'a̧ uhuo'che pö̧jä̧ta̧cu̧ pȩtto̧pä̧jo̧me'inä̧ 'choähuächina̧'a̧. ¹⁵ Jahuäju 16pä'inäju̧ ja̧u̧ru̧:" ¿tta'anö pä'ö repedäcuajä päcua'ajätö, ttörö'inä jicuähuoca'a ja̧'a̧mä yä̧huä̧inä cu̧ju̧narö?. Ucu törö ya̧cuähuä'cha̧'a̧mä huäbodäcuänä pä'ia'a jahua'anö ja̧'anäinä jinä jiähuo'cöjä ucu abora'atä̧ cujuru'unä jömä". ¹⁶ Mo̧ro̧ji̧nö̧ a̧u̧cuä̧ pä̧i̧cu̧nä̧ pä'ä'chö jä̧jȩpä̧ri̧nä̧cu̧, ja̧hua̧nö̧ pä̧i̧cunä̧ a̧'cua̧ emö̧ huiyönä̧ päjä'chäcu 'coruhuodächahué pä'inö̧. ¹⁷ Ja̧hua̧nö̧ ja̧'a̧ Sansón o'cajuiyönä̧ jiäu päi'nö jahuäjuru:" Ttömä̧ yautenä̧'i̧nä̧ juiäiyösä nahuodämä chuhuo'che 'cuidahua pä'ömä,ja̧hua̧nö̧ ja̧'a̧ ttömä̧ 'cä̧ȩpö kunä̧hua̧sä̧, DIOS jahuättö cha̧ju kuacuä jacuättö päi'önä̧. Chuhuo'chemä 'cui'ö icuähua'a,ja̧hua̧nö̧ ja̧'a̧ttö̧ chujurumä juida̧cua̧sä̧, ja̧hua̧ta̧'a̧nö̧ jȩchö̧ juiyönä̧tä̧ korotö jó̧ tta̧'a̧nö̧tä̧. ¹⁸ Dalilamä̧ ja̧u̧ isopäi'önä̧ o'cajuiyönä ji'u icua'a huo̧jui̧'ö̧mä̧ filisteos tturuhuotö ttichi'a pä'ö hue'ömä pä'inäju̧: "Pä'äjita'anö̧ ichätucui, isopäi'önä o'cajuiyönätä̧ ji'äu icuäcuasä." Ja̧'hua̧nö̧ ja̧'a̧ filisteos tturuhuotömä jahuäju kö̧jo̧mȩcu̧ 'chä̧nö̧mä̧, ttiya pättäji pärätämä i'cächö ichinä̧tö̧. ¹⁹ Jahuäjumä ä'i'önä kujanä kutähuinä̧cu̧. Rutähuäjä'coju ya̧tȩrö̧ uhuo'che 7nö jo̧mȩnä̧ huiähuä jäji 'cui'ö icu ichönä jittähuiyaju pä'ö hue'inäju̧, ja̧'hua̧nö̧ jo̧mȩnä̧ jȩö̧ juiyönätä̧ jȩji̧nä̧cu̧, isopäi'önä̧ ujuru jä̧ji̧mä̧ toepo'aja'attö̧. ²¹ Jahuäju pä'inä̧ju̧: "!Sansón filisteo ttö̧ja̧ rohuäu ttichäcujä!" ja̧u̧mä̧ ä'ö ö̧o̧mȩttö̧ porächiö ä̧rä̧mi̧ö̧ pä'inö̧: "ko̧ro̧nö̧ pä̧nä̧ tödipächäijö ta'anö̧ tu̧dipä̧chä̧cua̧sä̧." Ja̧hua̧nö̧ ja̧'a̧nä̧ ja̧u̧mä̧ jerupinö̧ chö̧ä̧nä̧hua̧ ttörö jaropi'inö̧ pä'ömä̧. ²⁰ Ja̧hua̧nö̧ ja̧'a̧ttö̧ filisteo ttö̧ja̧mä̧ 'chuhuädö ö'äriya baropö tticuinä̧cu̧. ja̧hua̧nö̧ jȩpö̧ Gaza jubu tti̧meyȩdinä̧cu̧ ja̧u̧nu̧ o'ca'a ttönö̧'quinä̧cu̧ bronce cuoräusanä̧, cärenä̧ ö̧'o̧mettö̧ ido'qui i̧sa̧ppȩ päi'önä̧ kärähuo'qui öjärönä̧ huettinä̧cu̧. ²² Ja̧hua̧nö̧ ja̧'a̧ uhuo'che 'cui'ö tticuinö̧ o'ca'a pä'äji ta'anö̧ bahuinä̧cu̧. ²³ Filisteos tturuhuotömä̧ ca̧ca̧cu̧ pȩjä̧mi̧nä̧tö̧ ttö̧ä̧nä̧hua̧ Dagónrö̧ i̧sa̧rö̧ kuhuö icu iyö ttesehua pä'ö. Jahuätömä pä'inätö̧: "Ttö̧ä̧nä̧hua̧mä̧ ttaboiya̧ Sansónrö̧ tu̧mö̧nä̧ päi'önä i̧yä̧u̧jä̧." ²⁴ Ttö̧ja̧ ja̧u̧rö̧ topömä ttö̧ä̧nä̧hua̧rö̧ ucuo te'äumä pä'inä̧tö̧: "Ttö̧ä̧nä̧hua̧mä̧ ttaboiya̧rö̧ tu̧mö̧nä̧ päi'önä i̧yä̧u̧jä̧-- tidepiyu surojuoecuä i̧sa̧, ujutu tahuaruhuä recuätörö cuä'äu icuinö̧rö̧." ²⁵ huätö pä'cäri eseu tö̧jo̧mettö̧, pä'inä̧tö̧: "Sansonrö̧ huopätucui, ja̧u̧ ujutu ya̧tä̧u̧nä̧ yȩa̧tö̧." Jahuätömä̧ juopinä̧tö̧ Sansonrö̧ cärenä̧ ö̧'o̧mettö̧ räopönä̧ ja̧hua̧nö̧ jȩpö̧ ya̧'a̧huȩi̧nä̧tö̧ ja̧u̧ru̧. Jahuätömä̧ jȩpi̧nä̧tö̧ isode 'chu̧huä̧rö̧ o'ca kä'copäte'ö ö̧jö̧nä̧. ²⁶ Sanson pä'inö̧ mö̧ä̧ja̧ umö̧nä̧ 'chu̧huä̧rö̧rö̧: "Isode rö̧o̧de 'chu̧huä̧rö̧ o'ca medö̧nä̧ jȩpi̧ttö̧, juhuene 'cuä'ächö chö̧'ä̧mä̧da̧." ²⁷ Jitämä̧ isode suhuädiönätä̧ ka̧cuä̧tö̧ umä̧tö̧'inä̧ nä̧tö̧'inä̧.o'cati'önä̧ Filisteottö ruhuo hueätö'inä juä̧netä̧ ka̧cuinä̧tö.Isäbä ju'toju isäbänä ka̧cuä̧tö̧ u̧mätö'inä̧ nä̧tö̧'inä̧ tres mil ttö̧ja̧ tö'cöhuächi'önä̧, titöjä̧ttö̧ to̧pä̧rö̧ ka̧cuä̧tö̧mä̧ Sansón jȩä'cha̧'a̧. ²⁸ Sansónmä̧ TÖ̧Ä̧NÄ̧HUA̧RÖ̧ ucuocumä pä'inö: "¡Chö̧ä̧nä̧hua̧ ttörö a̧mö̧cuädö!, ppä'ädipittö, ya'utenätä̧'i̧nä̧ chujurumä iyittö, filisteos chi'äriyä barö tticuinö̧ micuä chimitatö." ²⁹ Sansónmä isode 'chu̧huä̧rö̧ o'ca kä'co ka̧cu̧nä̧ o'canä 'chu'ädö, ja̧u̧ o'canä ja̧rȩyö̧ pä'i'ö, u̧huo̧jua̧'a̧cu̧nä̧ kä'ca'i̧nä̧ ja̧'hua̧ta̧'a̧nö̧ ieruhua'acunä̧ kä̧'ca̧nä'i̧nä̧ 'chu'ädinö̧. ³⁰ Sansón pä'inö̧: "!Ja̧'a̧tä̧ topätucuittö filisteo ttö̧ja̧cu̧ todea'anä̧!" ja̧u̧mä̧ ujurucu ä̧rä̧mi'ö̧ isode rö̧ode chu̧huä̧rö̧ o'ca pparopö icuinö̧ ja̧hua̧nö̧ päi'omenä̧ ruhuotö juode jacuä kacuä̧tö̧mä̧ to'e'inä̧tö̧. ja̧hua̧nö̧ ja̧'a̧ttö̧ juorö cuä'ö icuinä̧u̧mä̧ recuinä̧tö̧ jinä̧ a̧'cua̧rä̧i̧ cuä'ö icuinomettö̧'inä̧ abonä̧nö̧. ³¹ Ja̧u̧nu̧ o'ca'a, ijä̧hua̧tö̧'i̧nä̧ ja̧hua̧ta̧'a̧nö̧ o'catoi'önä̧ ojuisoden ka̧cuä̧tö̧'i̧nä̧ mejä̧hui̧nä̧tö̧. Ȩmä̧jä̧'cotö pa̧'ä̧chö̧ ttȩpi̧nä̧cu̧ ja̧hua̧nö̧tä̧ rȩä̧dö̧ tticuinä̧cu̧ Zara Esteolcu kä̧tȩ jo̧me, chutä jä'o Manoarö rȩä̧dö̧ tticuinomȩ. Sansonmä̧ ruhuo hue'inö̧ ji̧na̧'a̧ Israel ttö̧ja̧rö̧ veitenö̧ a̧'ȩ jo̧menä̧.