¹ Recuo mo̧ro̧ 'cuäo päji o'ca'a, Trigo huä̧jö̧ pä̧nä̧,samsón 'chuhuädinö cabra i̧tti̧rö̧ irecuarö doächö 'chä̧nö̧ mipponä̧ iya pä'ö. Jau a̧'cua̧ jacuänä pä'ähuinö,"ttö dodächi'ä̧cua̧sä̧ chirecua kä̧o̧ca̧ra̧'a̧." Ja̧hua̧nö̧ ja̧'a̧nä kä'omä̧ do'ächa pä'ömä hueococu pinö. ² jahuäju kä'omä pä'inö,"ttömä a̧möcuädinö̧sä̧ iso päi'önä a̧u̧tä̧cua pä'ö, jahuanö ji̧yä̧cu cua̧hua̧rö̧hua̧rö̧ chiyinä̧cua̧.Kijähuaju röji isajumä jahuäjuttö'inä abonänö a̧'cua̧cua̧ju, ¿jahua̧nömäcö̧? jahuäju köjinomemä̧ jahuäjurutä cuirecua päi'önä emi̧. ³ Sansón jahuätörö pä'inö̧, "jitä ttömä̧ jȩru̧pa̧sä̧ jahuätö filisteorö surojuodepö'anö̧ jö̧mä̧." ⁴ ja̧hua̧nö̧ ja̧'a̧ Sansonmä̧ 'chä̧ji̧'ca̧ 'chu'ädinö̧ tresientonö̧ a̧hua̧ritö̧rö̧ ja̧hua̧nö̧ jȩpö̧ ta̧ju̧pö̧nä̧ ti'chö̧ ku̧ninö̧, tti̧hui̧ri̧ppi̧yu̧nä̧. Jahua̧nö̧ jä̧ji̧ o'ca'a tejähuore 'chu'ädö ti̧'chö̧ kuni̧nö̧ tti̧hui̧ri̧ppi̧yu̧ kä'co jo̧mȩ. ⁵ Täcö ja̧u̧mä̧ jo̧menö̧ kunä̧rinö̧ ocurä cuoecua'a, ahuari̧tö̧rö̧ cä'ädö kuni̧nö̧ Filisteo ttö̧jä̧ ttucuäcuähuä ca̧ca̧tö̧ ttötäjä jo̧mȩ'inä 'cuäo'inä̧tö̧, ja̧hua̧ta̧'a̧nö̧ jahuätömä ocurä ku icuinätö uva pätta'inä ja̧hua̧ta̧'a̧nö̧ olivo pättä'inä: ⁶ Filisteos ttö̧ja̧ jä'epinä̧tö̧ ¿Dijä̧ttö̧ po jȩpä̧ji̧mä̧? Jahuätörö täcö ji̧ttähuä̧jäu̧ ji̧na̧'a̧, "Timnateo ö̧jo̧ri̧ Sansón jeäja̧'a̧ pomä, ja̧u̧tä jȩäja̧'a̧ Timnateo Sanón irecuarö 'choípu a̧hua̧ru̧hua̧rö hueäjiyäcu."Jahua'anö jä̧ji̧ o'ca'a Filisteos ttö̧ja̧ 'chä̧nö̧ jahuäjuru'inä kä'orö'inä ku icuinä̧tö̧. ⁷ Sansónmä päinäu̧: "iso päinä pi̧yȩ jȩ'cuä̧tu̧cu̧ttö̧mä̧, ttömä micuä päinä jȩchä̧cuä̧huö̧jä̧, pi̧yȩ jo̧mȩ päi'ö o'catä, täcö ya'acumä jȩchi̧chä̧cua̧sä̧". ⁸ Ja̧u̧nu̧ o'camä ttidepä ppo̧'ö̧ o'canä cui̧'cui̧'i̧nä̧u̧, ttä'cä'inä ja̧hua̧ta̧'a̧nö̧ ttö̧ja̧huȩ o'ca'inä, rö̧ä̧nä̧tä̧ ucuotäcuähuä juiyönä. ⁹ Ja̧u̧nu̧ o'ca'a filisteo ttö̧ja̧mä̧ 'cha'chepö ja̧hua̧ta̧'a̧nö̧ jo̧menö̧ ka̧cui̧nä̧tö̧ Judanä̧ rȩjȩnä̧ ja̧hua̧ta̧'a̧nö̧ jo̧menö̧ juo̧juȩti̧nä̧tö̧ su̧ro̧do̧u̧ru̧'i̧nä̧ Lehi ötahuiyättö. ¹⁰ Juda ttö̧ja̧mä̧ pä'inä̧tö̧, "¿Tta̧'a̧nö̧ pä'ö ujutura̧'a̧ 'cha'chepö rohuäu cuichätucua'a jä̧ttö̧?" Jahuätö pä'inä̧tö̧, "Jujutumä̧ rohuähuättöjä Sansonrö̧ 'chutäda pä'ö, ja̧hua̧ta̧'a̧nö̧ ja̧u̧ru̧ jȩta̧ pä'ö ujuturu jȩä̧ji̧ ta̧'a̧nö̧." ¹¹ Ja̧u̧nö̧ o'ca'a tres milnö̧ jo̧menä̧ Juda ttö̧ja̧mä̧ mejä̧hui̧nä̧tö̧ Etam mö̧ä'ca idorära̧'a̧cu̧, ja̧hua̧nö̧ ja̧'a̧ jahuätömä̧ pä'inä̧tö̧ Sansonrö̧, "¿Ucumä̧ jȩru̧pa̧jä̧ tä̧ji̧ filisteo ttö̧jä̧ ujuturu ruhuó hue'ö ttö̧ja̧'a̧mä̧? ¿Dä̧bö̧ ujuturumä̧ jua̧'a̧nö̧ jȩtta̧'a̧ jä̧ttö̧" Sansonmä̧ jahuätörö pä'inö, "Jahuätömä̧ ttorö'inä̧ ja̧hua̧nö̧ jȩpä̧jä̧tö̧, ja̧hua̧nö̧ jȩttä̧cu̧ jahuätörömä̧ jȩpä̧ji̧sä̧." ¹² Jahuätö pä'inä̧tö̧, "Ujutumä̧ mȩjä̧huä̧tö̧jä̧ ucurutä ti̧ta̧da̧ pä'ö ja̧hua̧ta̧'a̧nö̧ filisteos ttu̧mö̧nä̧ iyö ticuacu pä'ö." Sansónmä̧ jahuätörö pä'inö̧, "Iso pä'iönä̧ pä'ätucuittö ujutumä̧ ucuru cuäömä̧ icuocotöjä." ¹³ Jahuätö ja̧u̧ru̧ pä'inä̧tö̧, "isocö̧, ujutumä̧ isappänä̧tä̧ nö̧'cädötä ti̧ya̧cua̧jä̧ jahuätö ttu̧mu̧nä̧. Ujutumä̧ iso päi'önä̧ pä'ätöjä cuä'ömä̧ ticuococujä." Ja̧u̧nu o'ca'a ttönö̧'quinä̧cu jareö appiyä tappärenä̧ ja̧hua̧nö̧ nö̧'cäjö'cötö inä̧huä ra̧'a̧ 'chatädinä̧cu̧. ¹⁴ Ja̧hua̧ta̧'a̧nö ja̧u̧ ichomȩnä Lehira'acu, Filisteos ttö̧ja̧mä̧ huopunö̧ ichinä̧tö̧ ja̧u̧ru̧ po̧cui̧pu̧. Ja̧hua̧nö̧ päi'omȩnä TTÖÄ̧NA̧HUA̧ a̧'cua̧ru̧hua̧ ujurucu do'ächi'inö̧ ja̧u̧ru̧. Öjohuiyänä nö'cädö jȩtä̧jappä jäjappämä pu̧jä̧ta̧ 'cua̧rönä̧ dui'ö cuo'ö icuina'a̧ ja̧hua'a̧nö päia'attö ttö̧jarö̧mä̧ farocu icuinö̧u̧. ¹⁶ nsonmä̧ po̧cui̧pi̧nö̧ burro järeönä̧ 'corujuo'ächinö̧ äcä, jahuäcä ȩmö̧ milnö̧ ttö̧ja̧ jome cuä'äu icuinö̧ jahuäcänä̧. ¹⁵ Sansonmä̧ pä'inö̧, "Burro äcänä̧tä̧ ta'arenä̧ ca̧ca̧cuo̧me jäja̧'a̧, burro äcänä̧tä̧ ttö̧ja̧ru̧ milnö̧ jomenä̧ cuä'äu icuäjisä." ¹⁷ Sansón ucuocu cädomenä̧ i̧sa̧ äcä icuinö̧, icuäjomemä̧ Ramat Lehi Pä'ö ö'inö̧. ¹⁸ Sansónmä̧ rö̧ȩnä̧ ahua a̧di̧ri̧ji̧nä̧cu̧ ja̧'hua̧nö̧ jä̧cu̧mä̧ Ttu̧ru̧hua̧rö̧ huopömä̧ pä'inö, "Ucumä̧ cu̧mö̧huä̧ya̧rö̧ rö̧ä̧nä̧ jö̧ isojuoepö iyä'ijä̧. ¿Tta̧'a̧nö̧ pä'ö a̧di̧ttö̧mä̧ 'corujuodächa'attö̧ ja̧'hua̧ta̧'a̧nö̧ Tö̧ä̧nä̧hua̧rö̧ esetocotö ttu̧mö̧nä̧ ma̧dä̧cha̧'a̧ttö̧?" ¹⁹ Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ Lehi pä'ö micuomettö̧ reju 'tä̧'ȩpi̧nö̧, juorömä ajiyatä räo'ina̧'a̧. Sansónmä̧ juoya ahuomenä̧ ujuru ichi'inä̧cu̧ ja̧'hua̧ta̧'a̧nö̧ a̧'cua̧ ȩmö̧nä̧ päi'inä̧cu̧. Ja̧'hua̧nö̧ ja̧'a̧ juȩnȩ i̧mi̧mä̧ Hacore pä'ö o'inö, ja̧'hua̧nö̧ oinomemä jitä mo̧ro̧ jubö päi'önä ka̧'a̧ Lehi öyahuiyänä. ²⁰ Sansónmä̧ Israel ttö̧ja̧rö̧ ttu̧ru̧hua̧ jö̧nä̧ hue'inö̧ veintenö a̧'ȩ jo̧mȩnä̧ filisteos ttö̧ji̧nö̧ pä̧nä̧mä̧.