¹ Ja̧'hua̧nö̧ ja̧'a̧ ru̧hua̧ Dario hueinö ttösa pä'ö täbocö cuyärö hua'adö kö̧nä̧huo̧mȩ. ² Ja̧'hua̧nö̧ ja̧'a̧ po̧cui̧pi̧nä̧tö̧ Acmeta ötahuiyättö jo̧mȩnö̧ huȩyu̧tö̧ rutähuaba̧. ³ ä̧cuo̧mȩnä̧ a̧'ȩ ru̧hua̧ Ciro, ö̧'ä̧mä̧di̧nö̧ pä̧nä̧ ja̧u̧mä̧ ucuocuinö̧ ya'ute huȩnȩ Dios ojusode jerusalennä̧ huodenä pä'ajita'anö̧ aditö tticuiyarö pä'ö i̧sa̧rö̧ ku'icu iyähuome, ja̧hua̧ta̧'a̧nö̧ jäyä jähuämä jueunä kä'conä, ju'tojucö'inä 60nö̧ u̧yu̧'ca̧ri̧ jo̧mȩnä̧. ⁴ Ja̧jua̧ta̧'a̧nö̧ huäbodäcuä o̧rä̧ inähuiyä bäreuttö, ja̧hua̧ta̧'a̧nö̧ ya'ute dau isodä jareodättö ja̧u̧ micuämä ru̧hua̧ öärettötä micuähuächia pä'ö. ⁵ Ja̧hua̧nö̧ ja̧'a̧ ppa̧tta̧na̧ pä'ö hue'nö orottö'inä, korojueittö'inä platattö'inä, Dios ojusode jerusalen'nä ki̧nö̧ ji̧nö̧ Nabucodonosor i'cächinö̧ ji̧nö̧ Babilonia ötahuiyänä u̧ju̧nä̧ pä'ö juode jacuä ka̧cui̧nö̧mä̧ hue'ö icuinö hua'adö ttu̧ju̧na̧ pä'ö Dios ojusodenä jerusalen utahuiyänä huodenä. ⁶ jitämä Tatnai'inä, Setar Boznai'inä, ja̧hua̧ta̧'a̧nö̧ jitucu esecu ö̧jä̧u̧'i̧nä̧ ajettö otonä̧nö̧ kä̧tu̧cu̧ jahuätucumä ppäcuächi'ätucuä. ⁷ ja̧hua̧ta̧'a̧nö̧ mȩcuo̧pä̧ra̧tu̧scua̧ Dios aditähuä ojusode jacuä ka̧cu̧mä̧. ru̧hua̧ huähuä'inä̧ ja̧hua̧ta̧'a̧nö̧ judiottö tämö̧, juȩnȩ ttäditäcuotö Dios ojusode. ⁸ Ttö hue'ösä huedö jȩ'cuä̧tu̧cua̧ pä'ö jähuätö tämö̧ Judio huotö, Dios ojusode ttadita pä'ö aje ya̧na̧cu̧ttö̧ ru̧hua̧ imippotumä ttimita pä'ö adicuä ttö̧ja̧rö̧ cädiäcuähuä juiyönä. ⁹ ja̧hua̧ta̧'nö̧ recuärö̧jö̧ttö̧mä̧, Becerrorö'inä carnerottö'nä corderottö'inä, ku'icu iyähuä ttiya pä'ö mo̧ro̧jä ru̧hua̧rö̧, Trigotto'inä 'cäruhuäbuttu'inä uva isoyatto'inä a̧nȩttö̧'i̧nä̧, Diotto'inä ttö̧ja̧ttö̧'i̧nä kä'copäte'ö aditätuttö'inä Jerulen'nä huettuta'anö̧tä̧.'cuäopunä mo̧ro̧ ji̧nö̧ a̧'u̧cuä̧ i̧yätucui cädiäcuhuä juiyunä. ¹⁰ ku'icu iyähuä ttiyäcua'anö̧ mo̧ro̧jä̧ ru̧hhua̧rö̧, Diorö jä̧ttȩpa̧ra̧ pä'ö ru̧hua̧ru̧'inä i̧tti̧mu̧ru̧'i̧nä̧ ¹¹ jahuata'a̧nö̧ ttö hueösä ya̧tȩ ttö pädäji jarodorömä, oju isodettö dau isode jepicö jo̧u̧rö̧mä̧ jodänätä jȩpö̧ i̧cua̧hua̧cua̧. Ja̧hua̧nö̧ ja̧'a̧ttö̧ coju isodemä jepö icuähuäcuode. ¹² Juä̧'ä̧nö̧ jä̧'ä̧ttö Dios jä̧ttäpäyä̧ cumä siepicuäcuä röhuotöru'inä̧ ttöyä̧rö'inä̧ Dios ojusode jepö tticuäpä'ätöru̧mä̧, Jerusalen utahuiyänö̧ huode. tto, Dariomä päösä, piyemä jȩpä̧tu̧cui̧ ¹³ Jähuänö jä̧'a̧ttö ru̧huä̧ Tatnai, aje päcuadoto. ru̧huä̧mä̧ jahuätänö Setar Boznai jitäcu ija''ö'inä jȩpinätö yotacö röhuä̧ Dario pa̧jita'anö̧tä. ¹⁴ Judio ttö tämö'ina aditinä̧tö ajeo'inä Zacaria'inä̧ jähuätorö icuäopinö̧'inö tto'kotinä, aditinätö Israel ttöja ttiänahua pä'inöta'anötä Ciro'inä, Dario'inä, Artajerje'inö̧ Persia ruhuotö jinö'ä̧. ¹⁵ Pode Isodemä̧ aditö kättädinode huabodäcuä morö pa'iomenä jaönöta Kahua adar öjino pä̧nä̧, sexto a̧'ȩ ruhua̧ Dario hueinö pa̧nä jina'a. ¹⁶ Ja̧hua̧nö ja̧'a̧ utahuiyä ttöjä̧ Israelita'nä, Sacerdote'inä, Levita'inä korotö karenä pinatö'inä esehuinatö Dios ojö̧sode kaädo aditö. ¹⁷ Jähuatömä iyinatö cien toro nö jo̧mȩna̧, cien carneros nö, huotorö'inä̧ ja̧hua̧tanö cuatrociento corderos nö jo̧mȩna̧ iyinätö eseunö Dios ojö̧sodenä, Doce'nö umatö cabrios ttö'inä, jahuata̧'a̧nö iyinätö ttiare kaicu iyahua päiönä o'ca juiyönä Israel ttöjä̧ jayä jetta'ayö amocuadö, Israel ttöjä yäco ponä ttijomȩttö. ¹⁸ Ja̧hua̧tömä koninatö Sacerdotettö̧'inä̧ Levitatto'inä kaepönö ttaditapäö Dios iare adicuä Israel utahuiyänä, juatta cuyarötta moises hueyotö utinätta päutaa'a̧nöta. ¹⁹ Ja̧huanö ja̧'a̧ ja̧huatömä jauno pänä kinä̧töma̧ pä'cäri pascua pattö esehuinätö catorce mo̧ro̧ päiomenä a'cana kä̧hua̧ jina'a̧. ²⁰ Ja̧hua̧tö Sacertode'inä, Levita'ina o'cato'inä näkehuinätö̧, cuäicuinätö kuicui̧yähuä päkarinä ttiyapä'ö amöcuädö usurä emehuinätörö'inä yitötä'inä. ²¹ Jahuata'a̧nö israelita ttöja idepä cuinatöru̧'inä pä'ca̧ri pänä jinä juätö'inä jina̧'a̧ surähuinätömä kä'äcuädunätö pähuärijönä jöpö katöttö amöcuädacuähuinätö Israel ttu̧ru̧hua̧ ttiänähua̧ Diosrutä. ²² Ja̧hua̧nö ja̧'a̧ pä'cari jäpö esehuinätö pan ppöȩmö̧hu̧iyunä jimatättö todärö mö̧rö̧ jomänä, ttesehunä jepi̧nö ttu̧ru̧hua̧ ttiänahua̧ Diosmä, jahuatanö ru̧hua̧ Asiriattö umunä kuni̧nu̧ i̧ärä iyähua ijecuächunä, Israel ttöja̧ ttö̧änähua̧ Dios osodenä.