¹ Persia rȩjȩ ru̧hua̧ Ciro, ä̧cuo̧mȩnä̧ uruhuo ö̧’ä̧ma̧di̧nö̧ a̧’ȩ, tö̧a̧na̧hua̧ DIOS Jeremianä ucuocuinö ji̧nö̧ pätecuächina'a, ja̧hua̧nö̧ ja̧’a̧ttö̧ TÖ̧Ä̧NÄ̧HUA̧ Diostä, Persia rȩjȩ ru̧hua̧ Ciro a̧’cua̧ru̧hua̧rö̧ porädinö. Ciro i̧huȩnȩ o’ca juiyönä ruhuo hueome jubö rä̧mi̧pi̧na̧'a̧. I̧huȩnenä’inä, huȩyutu̧’i̧nä, hueinö̧ pa̧’a̧nö̧ jö̧nä: ² Persia rȩjȩ ru̧hua̧ Ciro pa̧’a̧nö päi’nö̧: CHÖ̧A̧NA̧HUA̧ Dios mo̧ro̧jä̧ ru̧hua̧ iyäcusä pi̧jä̧ uruhuo o’cajuiyönä ja̧hua̧nö ja̧’a̧ttö̧ hueäcusä isode chutä ö̧jä̧cuode chadita pä’ö, Judea rȩjȩ Jerusalen ötahuiyänä. ³ Dios pojopö ȩmi̧nä̧u̧ttö̧ cui̧'chä̧tu̧cu'a̧nö̧ ja̧'a̧ jerusalen ötahuiyära'a̧cu̧ Israel ttö̧ja̧ TTÖ̧Ä̧NÄ̧HUA̧ Dios öjode cuaditätucua, ja̧u̧tä̧ ja̧’a̧ttö̧ Jerusalén ttö̧ja̧ TTÖ̧Ä̧NÄ̧HUA̧ Diosmä. ⁴ Huedome ka̧cuä̧tö̧, o'ca toi'önä jä̧huä̧jä̧ rȩjȩttö̧ ka̧cui̧pi̧nä̧tö̧mä̧, cu̧jä̧tu̧cuo̧mȩttö̧ iyätucui platattö’inä, orottö’inä, äjicuäcuähuotöttö’inä, korottö’inä, ja̧'hua̧nö̧ ja̧'a̧nä̧ ya̧tȩ pö̧nä̧ cuamöcuädätöcuomettö̧ ttiäre iyähuä Dios oju isode Jerusalénnä huode ja'ate'ö'inä iyätucui." ⁵ Ja̧huanö ja̧'ä̧ Juda'inä Benjamín'inä ttähuäruhuä 'cotö juehipotö, Diottö i'nä ttöja̧ttö̧ i̧'nä̧ kä'co päteö adicuä ttö̧ja̧ Levita'inä, jahua̧no̧ ja̧'a̧ tti̧'cha̧päö o'cato'inä tta'cua̧ru̧hua̧nä̧ ttesehuächiönä̧ porädinö̧ tö̧a̧na̧hua̧ Dios öjä̧cuode ttaditiyarö päö Jerusalen ötahuiyänä. ⁶ O'cato'inä jäyänä ka̧cuä̧tö̧'i̧nä̧ ppä'ädinätö̧ platattö'inä̧, orottö'inä̧, äjicuäcuähuotöttö'inä̧, korojuäittö'inä̧, korojuäi'a̧cua̧cu̧na̧jö̧ttö̧i̧nä̧ ja̧hua̧ta̧nö̧ ttö̧äre iyähuättöinä̧. ⁷ Ja̧hua̧ta̧nö̧ ru̧hua̧ Ciromä̧ Tö̧a̧na̧hua̧ ö̧jodettö o̧'ta̧hui̧yä̧ räepicui̧nö̧ Nabucodonosor jerusalenrä̧'a̧ttö̧ ȩmö̧ i̧hui̧nö̧'ca̧ chutä ö̧ä̧na̧huo̧tö̧ ttö̧jodenä̧ do'ädö u̧ju̧ni̧nö̧. ⁸ Ja̧u̧nu̧ o'ca'a Persia rȩjȩ ru̧hua̧ Ciro pärätä tta̧huä̧rä̧cuä̧huä̧ i̧sa̧ Mitrídatesrö iyinö ppa̧hua̧na̧ pä'ö jua'a yabo Juda rȩjȩ ru̧hua̧ Sebasarö. o'cajuiyunä iyinö ⁹ Pi̧yȩ ja̧'a̧to ja̧u̧mä̧, Treintanö oro ötahuiyä bäreö milnö plata ötahuiyä bäreö veintinuevenö nahuodiyä. ¹⁰ treintanö oro ötahuiyä cuatro ciento dieznö plata ötahuiyä ja̧hua̧ta̧nö̧ korottö'inä milnö ötahuiyä jo̧mȩnä̧. ¹¹ Pi̧yȩ ocajuiyunämä orottöi'inä platattö'inä, cincomil cuatrocientonö jo̧mȩnp pä'i'ina ja̧u̧nö̧ o'ca'a Sebasarmä ji̧yȩnö̧ pä̧nä̧ Babilonia rȩjȩ ruhuo umuäyotö pä'i'önä huinätö̧cö̧ ja̧u̧ o'cajuiyunä ttȩpa̧ pä'ö hueinö Jerusalén.