¹ Pi̧yȩ ja̧'a̧ korojue Israel ttö̧ja̧ ttötö'cö jähuä Amos, Tecuattö ya̧tȩ ohuȩja̧tö̧rö ttä̧huä̧rä̧cua̧huä̧sa̧, ttu̧'co̧ti̧nä̧ toäcuähuänä ȩmi̧nö̧. Ja̧u̧mä̧ pi̧yȩ huȩnȩ ȩmi̧nö̧ Uzías ö̧ji̧nö̧ mo̧ro̧'inä, Israelnä rö̧hua̧, rȩjȩ dosnö̧ a̧'ȩ rȩjȩ ttö̧ȩpä̧cuä̧ ä'canä. ² Ja̧u̧mä̧ pä'inö: "TÖ̧Ä̧NÄ̧HuA̧MA̧ Siónttö kä̧mädö̧ doroä̧cua̧, ja̧u̧mä̧ Jerusalenttö kä̧mä̧dö i̧huȩnȩ cäepä̧cua̧. Ohueja̧tö̧rö̧ tta̧huä̧rä̧cu̧ähuä ttöja̧ ttäji̧mö ttucuä'cuä'inä jo'icuäcua'a; Carmelo möä'ca päjure'inä huai̧yö̧ juoächäcua" ³ TÖ̧ANÄ̧HUA̧ päömä pi̧yȩ ja̧'a̧: huäbodäcuänö jo̧mȩnä̧ Damasco ttö̧ja̧ Suronä jȩtti̧nö̧mȩnä̧ pa̧ja̧cuä̧nö̧ jo̧mȩnä̧ jinäsomä, ttömä ro̧dȩpu̧mä̧ jȩpö̧ icuocu chä̧cua̧sä̧, juätumä Galaad ttö̧ja̧rö̧ Suronä jȩtta̧ttö cöräu jähuä trigo juatähuänä. ⁴ Huedä̧cua̧sa̧ ttomä ucura Hazael ojosodera̧'a̧, jua'amä Ben Adadttö juruhuätörö ku icuäcua. ⁵ Damasco 'quiyönä mö̧ȩcuä̧'inä pparö chicuä̧cua̧sä̧ ja̧hua̧ta̧nö̧ Biqat-aven-nä uborö'inä 'cui'opö chicuä̧cua̧sä̧, ja̧hua̧nö̧tä̧ Bet-Edén kä'co chu̧huä̧rö uborö'inä. Aram ttö̧ja̧mä̧ kir rȩjȩra̧'a̧ ttȩmi̧pä̧ tti̧'chä̧cuo̧tö̧. ⁶ TÖ̧Ä̧NÄ̧HUA̧mä̧ pä'ö: "huäbodäcuänö jo̧mȩnä Edom Suronä jȩtti̧no̧mȩnä̧ huäbodäcuänö jinä isunä, ttömä ro̧dȩpömä jȩpö chicuocäjä̧cuä̧sä̧, juätumä ji̧nȩtȩ otahuiyä ttö̧ja̧ o'catoinärö ttȩmi̧pi̧na̧'a̧ttö̧ ttirejä̧ra̧cö̧, ⁷ Edomrö ttiyatö pä'ö. Ttömä ocurä huedä̧cua̧sä̧ Gaza ttoepö o'ca̧ra̧, ja̧hua̧ta̧nö̧ ttujuru kö icuäcua'a.

.

⁸ Asdodnä kö̧ öburu 'cuiopö chi̧cuä̧cua̧sä̧ ttömä ja̧hua̧ta̧nö̧ Ascalon kä'co 'chö̧ä̧rö̧ uborö i̧nä̧. ttö̧mä̧ chö̧mu̧ toicu päiönä jȩchä̧cua̧sä̧ Ecron nä, ja̧hua̧ta̧nö̧ Filisteomä huattäcuotö päö Tö̧ä̧Nä̧HUA̧Mä̧. ⁹ Tö̧ä̧Nä̧HUA̧ päömä pi̧yȩ ja̧'a̧: "huäbodäcuänö jo̧mȩnä̧ Tiro surojunä jȩtti̧no̧mȩmä̧, pa̧ja̧cuä̧nö̧ isopäinä, ro̧dȩpo̧mȩnä̧ pporädö icuocö chä̧cua̧sä̧, juätumä ji̧nȩtȩ utahuiyä jätteiyome Edomrö ttiyajattö, ja̧hua̧ta̧nö̧ juatömä ttö̧ja̧hua̧tö̧ jo̧nä̧ päö ttesecuinö 'toopö tticuattö. ¹⁰ ttömä ocurä huedacua̧sä̧ Tiro utahuiyä ttoepä'canä, ja̧hua̧ta̧nö̧ ttujuru inä kuu icuäcua." ¹¹ pi̧yȩ ja̧a̧ Tö̧ä̧Nä̧HUA̧ päömä: huäbodäcuä jo̧mȩnä̧ Edom suronä jȩtti̧na̧ttö̧mä̧, pa̧ja̧cuä̧nö̧ jinäsomä, ttä ro̧dȩpö̧mä̧ jȩpö̧ icuocu chä̧cua̧sä̧ ja̧u̧mä̧ i̧jä̧hua̧rö̧ rö̧ä̧rȩ'i̧na̧ttö̧ ucurodäcö ja̧hua̧ta̧nö̧ o'cajuiyö rȩrö̧jö̧ toäcuähuä doopö icuina̧ttö̧. ö̧'ä̧i̧mä̧ duruina yabocutä ja̧hua̧ta̧nö̧ amisurömä 'cuaopönätä ki̧na̧. ¹² Ttömä temanrö huedä̧cua̧sä̧ ocurä, ja̧hua̧ta̧nö̧ Bosra rö̧ode oju isode kuicuä̧cua̧." ¹³ Tö̧ä̧Nä̧HUA̧ päömä pi̧yȩ ja̧a̧:"huäbodäcuä jo̧mȩnä̧ Amon ttö̧ja̧ suronä jȩtti̧nö̧mȩnä̧, pa̧ja̧cuä̧nö̧ jueunämä, ttömä ro̧dȩpö̧mä̧ jȩpö icuocu chä̧cua̧sä̧ , juätumä Galaad nä̧tö̧ muchoturö ȩmi̧pi̧na̧tö̧ ja̧'a̧nö̧ tti̧rȩjä̧ beipome röttä̧da päö ¹⁴ ttömä chirenetä̧cua̧sä̧ Rabá utahuiyä tto̧ȩpä̧rö̧nä̧, ja̧hua̧ta̧nö̧ rö̧hua̧ ojuisodenä cuoö icuäcua, ji̧yȩtȩ huottönätä cörä ttörohuähuö mo̧ro̧, ri̧ä̧nä̧ kä̧rö̧'coönä ja̧u̧nö̧ mo̧ro̧mä̧ isoppa kärähuoppacö. ¹⁵ ttö̧rö̧hua̧mä̧ ko̧ro̧jä̧ra̧ ttȩmi̧pa̧ i̧'chä̧cua̧, ja̧u̧ öäre suro̧da̧ö̧cu̧ yo̧mȩtȩnä̧" pä̧'ö̧ Tö̧ä̧Nä̧HUA̧Mä̧.