¹ Ja̧'hua̧nö̧ 'cuäopäji o'ca'a, ja'huanö ja'a David rohuäu juruhuinö filisteos ttö̧ja̧rö̧. Ja̧'hua̧nö̧ ja̧'a̧ttö̧ David Gat ötahuiyättö yo̧mȩtȩ ȩmi̧nö̧ churutä adihuome, ja̧'hua̧nä̧ ja̧'a̧ttö̧ huȩnȩ juiyönä to̧pä̧rö̧nö̧ tta̧huä̧ra̧'a̧ttö̧ filisteosrö. ² Moabrö rohuäu ujuhuäji o'ca'a umöhuäyotörö ö̧'a̧ta̧ pä'ö i̧sä̧mä̧nä̧ rȩjȩ töönä hue'inö. Ja̧u̧mä̧ pa̧ja̧ti̧nö̧ to̧mä̧rȩnä̧ ro̧'ȩpu cuä'ö tticunä̧, ja̧'hua̧nö̧ ja̧'a̧nä̧ ji̧mä̧tȩnä̧mä̧ juhuämänämö todecua'anä̧ tta̧'a̧ri̧nä̧tö̧. Ja̧'hua̧nö̧ ja̧'a̧ttö̧ Mob ttö̧ja̧mä̧ David umöhuäyotö pätti'önä̧ ka̧cui̧nä̧tö̧ ja̧'hua̧nö̧ kä̧mä̧di̧pina'a ttimita pä'ö ru̧hua̧rö̧ öäre pärätä. ⁷ Davidmä̧ ȩminö̧ tto̧ȩcuä̧rä̧cuä̧huä̧'obi orottö adicuä'obi Hadab-Ezer u̧mu̧huäyotö ttiäre'obi ji̧nö̧ ja̧u̧ jä̧ji̧mä̧ i'chächinö̧ Jerusalen'ra̧'a̧cu̧. ⁸ Betattö kä̧mä̧dö̧ Berotai'jubu cä'ädö, ja̧u̧ ru̧hua̧ Davibmä̧ rö̧'ä̧nä̧ ȩminö̧ broncetä. ⁹ Hamat ru̧hua̧, Toi ä̧ju̧cuo̧menä̧mä̧, Davidmä̧ rohuäu juruhuinö̧ Hadad-Ezer umuhuäyotö su̧ro̧do̧u̧ru̧. ¹⁰ Toimä̧ i̧tti̧ Joram'rö̧ hue'inö̧ ru̧hua̧ David'rö ucuotönö̧ teähuäjiyarö pä'ö, jua'amä̧ David rohuäu ujufuhuina'a̧ttö̧ Hadah-Azer umuhuäyotörö, ja̧hua̧nö̧ jo̧menä̧ Hadah-Ezermä̧ örohuähua pä'ö amucuädinö̧ Toicu. Joram'mä̧ i'chachinö pärätä'inä̧ oro'inä̧ ja̧hua̧ta̧'a̧nö̧ bronce'inä̧. ¹¹ Ru̧hua̧ Davidmä ä̧tȩcuä̧ntä̧ pojopu 'cu̧nu aditinö platatö'inä orotö'i̧nä ÖÄNÄHUA̧ DIOS öäre ja̧u̧mä̧ 'corotö ttidepiyutú 'choipä'chinö ji̧na̧'a̧. ¹² Porö kä̧bä̧dö̧ Aram, Moab, Amón ,Filisteos, Amalecitas ttöja̧ ttöäre röäönä micuäu juäicú 'choipä'chinö jahuata'anöta̧ Rehob i̧tti̧ Hadad Ezerö'inä ja̧u̧mä ji̧na̧'a̧ Sobatö uhuo ru̧hua̧. ¹³ David i̧mi̧mä röä̧nä micuäunä ra̧mi̧pi̧na̧'a̧ arameo ttö̧ja̧rö̧ käruhuäbu mö̧ä'quiyuttu rohuäu 'choipä̧ji̧'ca̧ ppa̧cuä̧cho̧mȩnä̧, umuhuäyotö 18milnö huotucu. ¹⁴ Ja̧u̧mä ku̧nínö to̧pä̧rö̧ tta̧huä̧rä̧cuä̧huä̧ ttöja̧rö Edomtö, o'catoi'öna edomita ttö̧ja̧mä̧ pärohuä'cu amucuädinacu ja̧u̧nä̧. TÖÄNA̧HUA̧ jina'a̧ jahuätöro ppä'ädinö̧mä̧ Davidrö'ina ppä'ädinö̧ cue'ächi ojo̧mena. ¹⁵ Davidmä̧ Israel ttö̧ja̧ o'catoi'önä̧rö̧ ruhuomä hue'inö̧, ja̧'hua̧ta̧'a̧nö̧ adihuomenä to̧pä̧rö̧ aditinö̧ jua'atäcu ttö̧ja̧ o'catoi'önä̧rö̧ adihuomenä̧. ¹⁶ Sarvia i̧tti̧ Joabmä̧ su̧ro̧da̧u̧ ttu̧ru̧hua̧ jö̧nä̧ huinö, ja̧'hua̧ta̧'a̧nö̧ Ahilud i̧tti̧ Josafatmä̧ ruhuo cuyäru huȩyu̧cuä̧ ttö̧ja̧sa̧ pinö̧. ¹⁷ Ahitob i̧tti̧ Sadoc'i̧nä̧ ja̧'hua̧ta̧'a̧nö̧ Abiatar i̧tti̧ Ahimelec'i̧nä̧mä̧ TÖ̧Ä̧NÄ̧HUA̧ttö̧'i̧nä̧ ttö̧ja̧ttö̧'i̧nä̧ kä'co päte'ö adicuä ttö̧ja̧ ji̧na̧'a̧, ja̧'hua̧ta̧'a̧nö̧ Seraíamä̧ huȩyu̧tä̧cuä̧huä̧ ttö̧ja̧sa̧ ji̧na̧'a̧. ¹⁸ Joiada i̧tti̧ Benaíamä̧ cereteos'i̧nä̧ ja̧'hua̧ta̧'a̧nö̧ peleteos'i̧nä̧ ttu̧ru̧hua̧ jö̧nä̧ huinö, ja̧'hua̧ta̧'a̧nö̧ David i̧tti̧mö̧mä̧ ru̧hua̧rö̧ huȩnȩ 'qui'ädätö tturuhuotö ji̧na̧'a̧.